Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ୧୨ ଜିଲ୍ଲାରେ ଘଡଘଡି ସହ ବର୍ଷା, ୩୦ ଯାଏଁ ଭିଜାଇବ ଲଘୁଚାପ
  • ||
  • ଆଜିଠୁ ଖୋଲିବ ସ୍କୁଲ, ପାଠ ପଢିବେ ଦଶମ ଓ ଦ୍ୱାଦଶ ଶ୍ରେଣୀ ଛାତ୍ରଛାତ୍ରୀ
  • ||
  • ଖୋଲିଲା ହଲ୍ ଓ ମଲ୍ଟିପ୍ଲେକ୍ସ, ବିବାହ ଭୋଜିରେ ୧୦୦ ଜଣଙ୍କୁ ଅନୁମତି
  • ||

ଅନ୍ଧବିଶ୍ବାସ ପୁଣି ନେଲା ଜୀବନ : ଗୁଣିଆ ସନ୍ଦେହରେ ୫ ହଜାର ଟଙ୍କା ସୁପାରୀ ଦେଇ ବୃଦ୍ଧଙ୍କୁ ହତ୍ୟା, ଦୁଇ ଗିରଫ

8/08/2020 at 9:51 AM

ସୁନ୍ଦରଗଡ ୮।୮: ସୁନ୍ଦରଗଡ ଜିଲ୍ଲାରେ ଅନ୍ଧବିଶ୍ବାସ ପୁଣି ନେଇଛି ଜୀବନ । ଜଣେ ବୃଦ୍ଧକଙ୍କୁ ଗୁଣି ସନ୍ଦେହରେ ହତ୍ୟା କରାଯାଇଥିବା ଘଟଣା ସାମ୍ନାକୁ ଆସିଛି । ସୁନ୍ଦରଗଡ ଜିଲ୍ଲା ବଡଗାଁ ଥାନା କୁଲ ଗାଁରେ ଘଟିଛି ଏଭଳି ଅଭାବନୀୟ ଘଟଣା ।

ସୂଚନା ଅନୁସାରେ ଗାଁର ଜାକରିଆସ ଭଙ୍ଗେରାଙ୍କୁ ଟାଙ୍ଗିଆରେ ହାଣି ହତ୍ୟା କରାଯାଇଛି । ସେହି ଗାଁର ପ୍ରଫୁଲ ଭଙ୍ଗେରାଙ୍କ ପୁଅଙ୍କର କିଛି ମାସ ତଳେ କୁକୁର କାମୁଡାରୁ ମୃତ୍ୟୁ ହୋଇଥିଲା । ସେହିଦିନଠାରୁ ପ୍ରଫୁଲ ଭଙ୍ଗେରା ବୃଦ୍ଧ ଜାକରିଆସକୁ ଗୁଣିଗାରେଡି କରି ମାରି ଦେଇଥିବା ଅଭିଯୋଗ କରିବା ସହିତ ଝଗଡା କରୁଥିଲେ ।

ବିଜୟ ସରେଙ୍ଗ ନାମକ ଜଣେ ବୃଦ୍ଧ ଜାକରିଆସକୁ ରାସ୍ତାରେ ଚାଲିଚାଲି ଯାଉଥିବା ବେଳେ ପଛପଟୁ ଏକ ଟାଙ୍ଗିଆରେ ଆକ୍ରମଣ କରିଥିବା ଅଭିଯୋଗ ହୋଇଛି । ଫଳରେ ଜାକିରିଆସଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି । ଘଟଣା ନେଇ ଥାନାରେ ଏତଲା ଦେବା ପରେ ଏସପି ସାଗରିକା ନାଥଙ୍କ ନିର୍ଦ୍ଦେଶ କ୍ରମେ ରାଜଗାଙ୍ଗପୁର ଏସଡିପିଓଙ୍କ ନେତୃତ୍ବରେ ଏକ ଟିମ୍ ତଦନ୍ତ ଆରମ୍ଭ କରିଥିଲା ।

ପ୍ରାଥମିକ ତଦନ୍ତରୁ ପୋଲିସ କୌଣସି ସୁରାକ ପାଇପାରୁ ନଥିବାବେଳେ ସାଇଣ୍ଟିଫିକ୍ ଟିମ୍ ଘଟଣାସ୍ଥଳକୁ ତଦନ୍ତ ପାଇ ଯାଇଥିଳା । ଏହି ସମୟରେ ଅଭିଯୁକ୍ତ ନିଜେ ଆସି ହତ୍ୟା କରିଥିବା ସ୍ବୀକାର କରିବା ସହ ତାକୁ ୫ ହଜାର ଟଙ୍କା ସୁପାରୀ ଦେଇଥିବା ମଧ୍ୟ କହିଥିଲେ । ପ୍ରଫୁଲ ଭଙ୍ଗେରା ଏହି ସୁପାରୀ ଦେଇଥିବା ବିଜୟ ସରେଙ୍ଗ କହିଥିଲେ । ଏହା ଜାଣିବା ପରେ ପୋଲିସ ତାକୁ ଥାନାକୁ ଆଣି ପଚରାଉଚରା କରିବା ପରେ ସମସ୍ତ ଘଟଣା ପଦାକୁ ଆସିଥିଲା । ତାର ବୟାନକୁ ଆଧାର କରି ପୋଲିସ ପ୍ରଫୁଲ ଭଙ୍ଗେରାଙ୍କୁ ମଧ୍ୟ ଗିରଫ କରିଥିଲା । ଉଭୟଙ୍କୁ କୋର୍ଟ ଚାଲାଣ କରାଯାଇଛି । 

   Related Posts