Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ଅନ୍ଧବିଶ୍ୱାସ ନା ଦୁର୍ବଳ ମାନସିକତା ! ମୃତ ମା’ଙ୍କ ସହ ଗୋଟିଏ ଘରେ ୧୮ ଦିନ ବନ୍ଦ ଥିଲା ପୁଅ

25/12/2018 at 6:00 PM

କୋଲକାତା ୨୫/୧୨ : କୋଲକାତାର ଏକ ହୃଦୟ ବିଦାରକ ଘଟଣା ସାମ୍ନାକୁ ଆସିଛି | ଜଣେ ଯୁବକ ନିଜ ମା’ଙ୍କ ମୃତ୍ୟୁ ପରେ ମା’ ଶବ ସଂଗେ ଗୋଟିଏ ଘରେ ୧୮ ଦିନ କାଳ ରହିଥିଲା | କାରଣ ୨୧ ଦିନ ପରେ ସେ ମା’ର ଶବ ଘର ଭିର୍ତ୍ତିରେ ହିଁ ପୋତିବା ପାଇଁ ଚାହୁଁଥିଲା | କିନ୍ତୁ ତାର ସବୁ ଇଚ୍ଛା ଇଚ୍ଛାରେ ହିଁ ରହିଗଲା | ଯୁବକର ଜଣେ ସମ୍ପର୍କୀୟ ଆସିଯିବାରୁ ସେ ଧରା ପଡିଯାଇଥିଲା | ଘଟଣା ପଛରେ ଅନ୍ଧ ବିଶ୍ୱାସ ରହିଛି ନା ଦୁର୍ବଳ ମାନସିକତା ତାହା ଜଣାପଡିନାହିଁ |


ଘଟଣା କୋଲକାତାର ସ୍ଲଟ ଲେକ ଅଂଚଳର | ୩୮ ବର୍ଷ ବୟସ୍କ ମୈତ୍ର ଭଟ୍ଟାଚାର୍ଯ୍ୟ ସେଠାରେ ୭୭ ବର୍ଷ ବୟସ୍କା ମା’ଙ୍କ ସହ ରହୁଥିଲେ | ମୃତ ମା’ଙ୍କ ନାଁ ଥିଲା କୃଷ୍ଣା ଭଟ୍ଟାଚାର୍ଯ୍ୟ | କୃଷ୍ଣା ଜଣେ ଅବସର ପ୍ରାପ୍ତ ଶିକ୍ଷୟତ୍ରୀ ଥିଲେ | ସୋମବାର ଦିନ ପୋଲିସ ପାଖକୁ ଜଣେ ଫୋନ କରି ଖବର ଦେଇଥିଲେ କୃଷ୍ଣା ଦେବୀଙ୍କର ଦେହାନ୍ତ ହୋଇଯାଇଛି | କିନ୍ତୁ ତାଙ୍କ ପୁଅ ତାଙ୍କ ମୃତଦେହର ଅନ୍ତିମ ସଂସ୍କାର ନକରି ଘରେ ସାଇତି ରଖିଛନ୍ତି | ମୃତ୍ୟୁର ୨୧ ଦିନ ପୁର୍ଣ ହେବାପରେ ସେ ମା’ର ଶବକୁ ପୋତିଦେବା ପାଇଁ ଚାହୁଁଚି | ସୂଚନା ପାଇଁ ବିଧାନନଗର ଥାନା ପୋଲିସ ଘଟଣାସ୍ଥଳରେ ପହଞ୍ଚିଥିଲା | ଯିଏ ଫୋନ କରି ପୋଲିସକୁ ଏ ବିଷୟରେ ଅବଗତ କରିଥିଲେ ସେ ମଧ୍ୟ ସେଠାରେ ଉପସ୍ଥିତ ଥିଲେ | ସୂଚନା ମୁତାବକ ପୋଲିସ ଘର ଭିତରକୁ ଯାଇଥିଲା | ଘର ଭିତରକୁ ଯାଇ ଏକ କୋଠରୀ ଥିବା ଆଲମିରା ଖୋଲି ଦେଖିଥିଲା | ଆଲମିରାରେ ପୋଲିସ ଯାହା ଦେଖିଲା, ତାର ହୋସ ଉଡ଼ିଗଲା | ଆଲମିରା ଭିତରେ ଜଣେ ମହିଳାଙ୍କର ପଚିଯାଇଥିବା ଶବ ମିଳିଥିଲା | ଶବରୁ ଦୁର୍ଗନ୍ଧ ବାହାରୁଥିଲା |


ପୋଲିସ କୃଷ୍ଣାଙ୍କ ପୁଅକୁ ହେପାଜତକୁ ନେବାସହ ମହିଳାଙ୍କ ପଞ୍ଚନାମାର ତଦନ୍ତ କରିବା ପରେ ଶବକୁ ବ୍ୟବଚ୍ଛେଦ ପାଇଁ ପଠାଇଥିଲା | ମୈତ୍ର ପୋଲିସକୁ କହିଥିଲା ଯେ, ସେ ମା’ଙ୍କ ଶବକୁ ୨୧ ଦିନ ପରେ ପୋତିଥାନ୍ତା | ଏଭଳି କରିବା ଦ୍ୱାରା ତାର ଶୁଭ ହୋଇଥାନ୍ତା ବୋଲି ସେ ପୋଲିସକୁ କହିଥିଲା | ସେଥିପାଇଁ ସେ ନିଜର ଜଣେ ସମ୍ପର୍କୀୟଙ୍କୁ ଡାକିଥିଲେ | ସମ୍ପର୍କୀୟଙ୍କ ସହାୟତାରେ କବର ଖୋଳି ମା’ଙ୍କୁ ସମାଧି ଦେଇଥାନ୍ତେ ମୈତ୍ର ବୋଲି ପୋଲିସକୁ କହିଥିଲେ | କିନ୍ତୁ ଘଟିଥିଲା ଓଲଟା | ସମ୍ପର୍କୀୟ ମୈତ୍ରକୁ ସହାୟତା ନକରି ପୋଲିସକୁ ଘଟଣା ସମ୍ପର୍କରେ ଜଣେଇଥିଲେ |


ପୋଲିସ ମୈତ୍ରକୁ ପଚରାଉଚୁରା କରୁଛି | ମୈତ୍ର ପୋଲିସକୁ ଅଜବ ଅଜବ କଥା କହୁଛନ୍ତି | ତେବେ ମୈତ୍ରଙ୍କ ମା’ କୃଷ୍ଣାଙ୍କ ମୃତ୍ୟୁ କିଭଳି ହୋଇଥିଲା ତାହା ଏବେ ଯାଏଁ ପୋଲିସ ଜାଣିପାରିନାହିଁ | ପୋଷ୍ଟ ମର୍ଟମ ରିପୋର୍ଟ ଆସିଲେ ସତ ସାମ୍ନାକୁ ଆସିବା ବୋଲି ପୋଲିସ ସୂଚନା ଦେଇଛି | ରିପୋର୍ଟ ଆସିବା ପରେ ଯଦି ମୈତ୍ର ନିର୍ଦୋଷ ଥିବ ତାହେଲେ କୌଣସି ମନଚିକିତ୍ସକଙ୍କ ସହାୟତା ନେଇ ଆଗକୁ କାର୍ଯ୍ୟାନୁଷ୍ଠାନ ଗ୍ରହଣ କରିବ | ଗତ ୩ ବର୍ଷ ହେଲା କୋଲକାତାରେ ଏଭଳି ୩ଥର ଘଟି ସାରିଲାଣି |

   Related Posts