Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ହଲିଉଡ୍ ନିର୍ଦ୍ଦେଶକ ରିଚାର୍ଡ ଡୋନରଙ୍କ ପରଲୋକ, ସୁପରମ୍ୟାନ୍ ଭଳି ବ୍ଲକବଷ୍ଟର୍ ଫିଲ୍ମର ଦେଇଥିଲେ ନିର୍ଦ୍ଦେଶନା

6/07/2021 at 3:57 PM

ମୁମ୍ବାଇ ୦୬/୦୭: ‘ସୁପର୍ ମ୍ୟାନ୍’, ‘ଦ ଗୁନିଜ୍’, ‘ଲିଥଲ୍ ୱେପନ୍’ ଭଳି ବ୍ଲକବଷ୍ଟର୍ ଏବଂ କ୍ଲାସିକ୍ ଫିଲ୍ମର ନିର୍ଦ୍ଦେଶନା ପାଇଁ ଜଣାଶୁଣା ଫିଲ୍ମ ନିର୍ମାତା ରିଚାର୍ଡ ଡୋନରଙ୍କ ୯୧ ବର୍ଷ ବୟସରେ ଦେହାନ୍ତ ହୋଇଛି । ଏହାର ସୂଚନା ତାଙ୍କ ପତ୍ନୀ ଲରେନ୍ ସୁଲର୍ ଡୋନର୍ ଦେଇଛନ୍ତି । କିନ୍ତୁ ସେ ଡୋନରଙ୍କ ମୃତ୍ୟୁର କାରଣ ସ୍ପଷ୍ଟ କରିନାହାଁନ୍ତି ।

ରିଚାର୍ଡ ଡୋନର୍ ୧୯୩୧ ମସିହାରେ ନ୍ୟୁୟର୍କରେ ଜନ୍ମ ହୋଇଥିଲା । ତାଙ୍କ କ୍ୟାରିୟର ଆରମ୍ଭରେ ଡୋନର ଜଣେ ଅଭିନେତା ହେବାକୁ ଚାହୁଁଥିଲେ, କିନ୍ତୁ ସେ ନିର୍ଦ୍ଦେଶନାକୁ ବାଛିଥିଲେ । ସେ ତାଙ୍କ କ୍ୟାରିୟର ଆରମ୍ଭ ଟିଭି ଶୋ’ରୁ କରିଥିଲେ । ‘ଦ ରାଇଫଲ୍ ମ୍ୟାନ୍’, ‘ଦ ଟ୍ୱିଲାଇଟ୍ ଜୋନ୍’, ‘ଗିଲିଗନ୍ସ ଆଇଲ୍ୟାଣ୍ଡ୍’, ‘ପେରୀ ମିସନ୍’ ଭଳି ଟେଲିଭିଜନ୍ ଶୋ’ରେ ଡୋନର୍ ନିର୍ଦ୍ଦେଶନା ଦେଇଛନ୍ତି । ଏକ୍ସ-୧୫ ସହିତ ଡୋନର୍ ନିଜର ଫିଚର୍ ନିର୍ଦ୍ଦଶନର ଆରମ୍ଭ କରିଥିଲେ । ୧୫ ବର୍ଷ ପରେ ୧୯୬୭ ରେ ହରର୍ ଫିଲ୍ମ ‘ଦ ଓମେନ୍’ରୁ ତାଙ୍କୁ ବଡ ସଫଳତା ମିଳିଥିଲା ।

ରିଚାର୍ଡ ଡୋନର ୧୯୮୫ ର କମେଡି ଫିଲ୍ମ ‘ଦ ଗୁନିଜ୍’ର ନିର୍ଦ୍ଦେଶନା ପାଇଁ ମଧ୍ୟ ଜଣାଶୁଣା । ଫିଲ୍ମ ନିର୍ମାତା ଷ୍ଟିଭେନ୍ ସ୍ପିଲବର୍ଗଙ୍କ ଏକ କାହାଣୀ ଉପରେ ଆଧାରିତ ଏବଂ କ୍ରିସ୍ କୋଲମ୍ବସଙ୍କ ଦ୍ୱାରା ଲିଖିତ ‘ଦ ଗୁନିଜ୍’ ଜବରଦସ୍ତ ହିଟ୍ ହୋଇଥିଲା ।

   Related Posts