ମୁମ୍ବାଇ ୦୮/୦୮- ଅଭିନେତା ସଂଜୟ ଦତ୍ତ ଅସୁସ୍ଥ । ତାଙ୍କୁ ତୁରନ୍ତ ଲୀଳାବତୀ ହସପିଟାଲରେ ଭର୍ତ୍ତୀ କରାଯାଇଛି । ନିଶ୍ବାସ ନେବାରେ ସମସ୍ୟା ହେବା କାରଣରୁ ସଂଜୟ ଦତ୍ତ ହଠାତ ଅସୁସ୍ତ ହୋଇ ପଡିଥିଲେ । ତେବେ ଡାକ୍ତରଖାନାରେ ଭର୍ତ୍ତି କରାଯିବା ପରେ ସଙ୍ଗେ ସଙ୍ଗେ ତାଙ୍କର କୋଭିଡ ଟେଷ୍ଟ କରାଯାଇଥିଲା । ବଡ଼ ଆଶ୍ବସ୍ତିକର ଖବର ହେଲା ସଂଜୟଙ୍କ ଟେଷ୍ଟ ରିପୋର୍ଟ ନେଗେଟିଭ ଆସିଛି ।ତାଙ୍କୁ ଏବେ ଅଣ କରୋନା ୱାର୍ଡରେ ରଖାଯାଇ ଚିକିତ୍ସା ଚାଲିଛି । ତେବେ ସଂଜୟ ନିଶ୍ବାସ ନେବାରେ କଷ୍ଟ ଅନୁଭବ କରୁଥିଲେ ବି ସେଭଳି କିଛି ଚିନ୍ତାର କାରଣ ନଥିବା ତାଙ୍କ ନିକଟତମ ସୂତ୍ରରୁ ପ୍ରକାଶ । କିଛି ରୁଟିନ ପରୀକ୍ଷା କରାଯିବା ସହ ସଂଜୟଙ୍କୁ ଆଜି ରାତିରେ ଲୀଳାବତୀ ହସପିଟାଲରେ ହିଁ ରହିବାକୁ ପଡିବ । ଆସନ୍ତାକାଲି ତାଙ୍କୁ ଡିସଚାର୍ଜ କରାଯିବା ବୋଲି ଜଣା ଯାଇଛି ।ସେ କରୋନା ସଂକ୍ରମିତ ହୋଇ ନଥିବାରୁ ତାଙ୍କ ସ୍ବାସ୍ଥାବସ୍ଥା ନେଇ ସେଭଳି କିଛି ଚିନ୍ତା ନାହିଁ ବୋଲି ସୂଚନା ଦିଆଯାଇଛି ।
{"id":311833,"width":749,"height":562,"sizeSlug":"large"}ସୂଚନା ଯୋଗ୍ୟ ଯେ, ସଂଜୟ ଦତ୍ତ ଏବେ ତାଙ୍କ ପରିବାରଠୁ ଦୂରରେ । କାରଣ ଲକ୍ ଡାଉନ୍ରେ ପତ୍ନୀ ମାନ୍ୟତା ତାଙ୍କର ଦୁଇ ପିଲାଙ୍କ ସହ ଦୁବାଇରେ ଅଟକି ଯାଇଛନ୍ତି । ନିକଟରେ ମାନ୍ୟତାଙ୍କ ଜନ୍ମଦିନ ଥିଲା । ଏପଟେ ପରିବାରକୁ ମିସ୍ କରୁଥିବା ସଂଜୟ ମୁମ୍ବାଇରେ ରହୁଛନ୍ତି ।ଲକ୍ଡାଉନ ସତ୍ତ୍ବେ ତାଙ୍କହାତରେ ଅନେକ ପ୍ରୋଜେକ୍ଟ ରହିଛି ।