Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||
  • ମୋରଡା : ଭାରସାମ୍ୟ ହରାଇ ପୋଲ ତଳକୁ ଖସିଲା ସ୍କର୍ପିଓ, ୪ ଗୁରୁତର ମେଡିକାଲରେ ଭର୍ତ୍ତି
  • ||
  • ଲମତାପୁଟ : ପୁଣି ଅପରେସନ୍ ଗ୍ରୀନ୍ କ୍ଲିନ୍ ଆରମ୍ଭ : ମାଓ ପ୍ରଭାବିତ ଅଞ୍ଚଳରେ ୮ଏକର ଗଞ୍ଜେଇ ଚାଷ ନଷ୍ଟ
  • ||

ସୁନିଲ ଯୋଶୀ ହେବେ ଭାରତୀୟ କ୍ରିକେଟ୍ ଦଳର ମୁଖ୍ୟ ଚୟନକର୍ତ୍ତା, ନେବେ ଏମଏସକେ ପ୍ରସାଦଙ୍କ ଜାଗା !

4/03/2020 at 5:37 PM

ମୁମ୍ବାଇ ୦୪।୦୩- ବିସିସିଆଇର କ୍ରିକେଟ୍ ପରାମର୍ଶଦାତା କମିଟି(ସିଏସି) ଭାରତୀୟ ଦଳର ଚୟନ ସମିତିରେ ଖାଲି ଥିବା ଦୁଇଟି ପଦ ପାଇଁ ପ୍ରାର୍ଥୀଙ୍କ ନାମ ଚୂଡାନ୍ତ କରିଛି। ଏହି ତିନି ଜଣିଆ ସମିତି ପୂର୍ବତନ କ୍ରିକେଟର ସୁନିଲ ଯୋଶୀ ଓ ହରବିନ୍ଦର ସିଂହଙ୍କୁ ଚୟନ କରିଛନ୍ତି। ଏହା ସହିତ ପରାମର୍ଶଦାତା କମିଟି ପୂର୍ବତନ ବାମହାତୀ ସ୍ପିନର ସୁନିଲ ଯୋଶୀଙ୍କୁ ଜାତୀୟ ଚୟନ ସମିତି(ପୁରୁଷ ଦଳ)ର ସଭାପତି କରିବାକୁ ବିସିସିଆଇକୁ ସୁପାରିଶ କରିଛନ୍ତି। ଟିମ୍ ଇଣ୍ଡିଆର ଚୟନ କମିଟିରେ ଦୁଇ ଜଣ ସଦସ୍ୟ ଏମଏସକେ ପ୍ରସାଦ ଓ ଗଗନ ଖେଡାଙ୍କ କାର୍ଯ୍ୟକାଳ ସମାପ୍ତ ହୋଇ ସାରିଛି। ଏମଏସକେ ପ୍ରସାଦ ଏହି ଚୟନ କମିଟିର ଅଧ୍ୟକ୍ଷ ଥିଲେ। ଏବେ ତାଙ୍କ ସ୍ଥାନ ସୁନିଲ ଯୋଶୀ ନେବାକୁ ଯାଉଛନ୍ତି। ଏବେ କେବଳ ବିସିସିଆଇ ପକ୍ଷରୁ ଔପଚାରିକ ଘୋଷଣା ବାକି ରହିଛି।

ସିଏସି ଏହି ଦୁଇଟି ପଦ ପାଇଁ ପାଞ୍ଚ ପ୍ରାର୍ଥୀଙ୍କୁ ମୁମ୍ବାଇରେ ବିସିସିଆଇର ମୁଖ୍ୟାଳୟକୁ ଡକାଯାଇଥିଲା। ଯୋଶୀ ଓ ହରବିନ୍ଦରଙ୍କ ବ୍ୟତୀତ ବାକି ତିନି ଜଣ ଭେଙ୍କଟେସ ପ୍ରସାଦ, ଲକ୍ଷ୍ମଣ ଶିବରାମକୃଷ୍ଣନ ଓ ରାଜେଶ ଚୌହାନଙ୍କ ନାମକୁ ସର୍ଟ ଲିଷ୍ଟ କରାଯାଇଥିଲା। ଚୟନକର୍ତ୍ତାଙ୍କ ଚୟନ ପାଇଁ ତିନି ଜଣିଆ କ୍ରିକେଟ୍ ପରାମର୍ଶଦାତା କମିଟିରେ ଟିମ୍ ଇଣ୍ଡିଆର ପୂର୍ବତନ ଖେଳାଲି ମଦନ ଲାଲ, ଆରପି ସିଂହ ଓ ସୁଲକ୍ଷଣା ନାଇକ ସାମିଲ ଥିଲେ।

ସୁନିଲ ଯୋଶୀ ଓ ହରବିନ୍ଦର

୪୯ ବର୍ଷୀୟ ପୂର୍ବତନ ଭାରତୀୟ କ୍ରିକେଟର ସୁନିଲ ଯୋଶୀ ନିଜ ସମୟରେ ବାମହାତୀ ସ୍ପିନର ଥିଲେ। ସେ ୧୫ଟି ଟେଷ୍ଟ ଓ ୬୯ଟି ଦିନିକିଆ କ୍ରିକେଟ୍ ଖେଳିଛନ୍ତି। ଏହା ପୂର୍ବରୁ ସେ ବାଂଲାଦେଶର ଜାତୀୟ ଦଳର ସ୍ପିନ ବୋଲିଂ କୋଚ୍ ଥିଲେ। ଅନ୍ୟପଟେ ହରବିନ୍ଦର ସିଂହ ଅନ୍ତରାଷ୍ଟ୍ରୀୟସ୍ତରରେ ୩ଟି ଟେଷ୍ଟ ଓ ୧୬ଟି ଦିନିକିଆ ମ୍ୟାଚ୍ ଖେଳିଛନ୍ତି।

ଏବେ ପୁଣି ଥରେ ଚୟନକର୍ତ୍ତାଙ୍କ କମିଟିରେ ପାଞ୍ଚ ଜଣ ସଦସ୍ୟସଂଖ୍ୟା ପୂର୍ଣ୍ଣ ହୋଇଛି। ନୂତନ ଚୟନକର୍ତ୍ତା ଦକ୍ଷିଣ ଆଫ୍ରିକା ବିପକ୍ଷରେ ମାର୍ଚ୍ଚ ୧୨ରୁ ଆରମ୍ଭ ହେବାକୁ ଥିବା ତିନି ମ୍ୟାଚ୍ ବିଶିଷ୍ଟ ଦିନିକିଆ ଶୃଙ୍ଖଳା ଲାଗି ଭାରତୀୟ ଦଳର ଚୟନ କରିବେ। ଭାରତୀୟ କ୍ରିକେଟ୍ କଣ୍ଟ୍ରୋଲ ବୋର୍ଡର ସଭାପତି ସୌରଭ ଗାଙ୍ଗୁଲି ପୂର୍ବରୁ ମଧ୍ୟ ସ୍ପଷ୍ଟ କରି ସାରିଥିଲେ ଯେ, ଆଗାମୀ ଦିନିକିଆ ଶୃଙ୍ଖଳା ପାଇଁ ନୂତନ ଚୟନକର୍ତ୍ତା ଭାରତୀୟ ଦଳର ଚୟନ କରିବେ। ଶୃଙ୍ଖଳାର ପ୍ରଥମ ମ୍ୟାଚ୍ ମାର୍ଚ୍ଚ ୧୨ରେ ଧର୍ମଶାଳାରେ ଖେଳାଯିବ।

   Related Posts