ଜୟପୁର, ୨୨/୦୪: ଦିଲ୍ଲୀ ଓ ହରିୟାଣା ପରେ ଏବେ ରାଜସ୍ଥାନ ସରକାର ବୁଧବାର ସବୁ ସ୍କୁଲରେ ଖରା ଛୁଟି ଘୋଷଣା କରିଛନ୍ତି । ସବୁ ସରକାରୀ ଓ ଘରୋଇ ସ୍କୁଲରେ ଏପ୍ରିଲ ୨୨ରୁ ୪୫ ଦିନ ଯାଏଁ ଗ୍ରୀଷ୍ମ ଅବକାଶ ରହିବ । ରାଜ୍ୟରେ ଦ୍ରୁତ ଗତିରେ ବ୍ୟାପୁଥିବା କରୋନା ସଂକ୍ରମଣକୁ ଦେଖି ସବୁ ସ୍କୁଲ ଏପ୍ରିଲ ୨୨ରୁ ଜୁନ ୬ ଯାଏଁ ବନ୍ଦ ରହିବ ।
ରାଜ୍ୟ ଶିକ୍ଷାମନ୍ତ୍ରୀ ଗୋବିନ୍ଦ ସିଂ ଡୋଟାସରା ଟ୍ୱିଟରରେ ଏନେଇ ସୂଚନା ଦେଇଛନ୍ତି । ସେ କହିଛନ୍ତି ଯେ, ଯେଉଁ ଶିକ୍ଷକମାନେ କରୋନା ମୁକାବିଲା ଅଭିଯାନରେ ସାମିଲ ଅଛନ୍ତି ସେମାନେ ଜିଲ୍ଲାପାଳ ବା ଶିକ୍ଷା ଅଧିକାରୀଙ୍କ ଅନୁମତି ପରେ ଛୁଟିର ଲାଭ ଉଠାଇପାରିବେ । ଶିକ୍ଷକମାନଙ୍କୁ ଆଲର୍ଟ ରହିବା ସହ ଜିଲ୍ଲାପ୍ରଶାସନର ଗାଇଡଲାଇନ୍ ପାଳନ କରିବାକୁ କୁହାଯାଇଛି । କାରଣ ଜରୁରୀକାଳିନ ସମୟରେ ସେମାନଙ୍କୁ ଡକାଯାଇପାରେ ।
wp:html/wp:htmlस्कूलों में घोषित ग्रीष्मावकाश के संबंध में विभागीय आदेश जारी कर दिए गए हैं।
— Govind Singh Dotasra (@GovindDotasra) April 21, 2021
अपने और अपने परिवार का ध्यान रखें, सुरक्षित रहें। @rajeduofficial https://t.co/E6CXysDCgX pic.twitter.com/Vv6N8XNklr
ଗତ ସପ୍ତାହରେ ରାଜସ୍ଥାନ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍ ବାର୍ଷିକ ପରୀକ୍ଷା ବିନା ଷଷ୍ଠ ଓ ସପ୍ତମ ଛାତ୍ରଙ୍କୁ ପାସ୍ କରାଯିବା ନେଇ ଘୋଷଣା କରିଥିଲା । ଦେଶ ସାରା କରୋନା ସଂକ୍ରମଣ ବଢୁଥିବାରୁ ରାଜ୍ୟ ବୋର୍ଡ ସ୍ୱତନ୍ତ୍ର ମୂଲ୍ୟାୟନ ପଦ୍ଧତି ଆପଣାଇ ପିଲାଙ୍କୁ ପାସ୍ କରିଥିଲା । ମହାମାରୀକୁ ଦେଖି ଦିଲ୍ଲୀ ଓ ହରିୟାଣା ସରକାର ପୂର୍ବରୁ ଖରା ଛୁଟି ଘୋଷଣା କରିସାରିଛନ୍ତି ।