ଯାଜପୁର,୧୨/୦୬: ବୁଢା ନଦୀରେ ଭାସି ଯାଇ ଯୁବକ ନିଖୋଜ । ବାପାଙ୍କ ଶୁଦ୍ଧିକ୍ରିୟା କରିବାକୁ ଯାଇଥିବା ବେଳେ ଘଟିଛି ଏଭଳି ଅଘଟଣ । ଅଗ୍ନିଶମବାହିନୀ ଘଟଣାସ୍ଥଳରେ ପହଁଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି ।
ସୂଚନା ଅନୁସାରେ, ଶନିବାର ସକାଳେ ତପୁ ନାୟକ ବୁଢା ନଦୀରେ ପିତାଙ୍କ ଶୁଦ୍ଧିକ୍ରିୟା କାର୍ଯ୍ୟ କରୁଥିଲେ । ଏହି ସମୟରେ ତାଙ୍କ ଭାଇଙ୍କ ଗୋଡ ଖସି ଯାଇଥିଲା ।ସେ ନିଜ ଭାଇଙ୍କୁ ବଞ୍ଚାଇବାକୁ ପ୍ରୟାସ କରିବା ସମୟରେ ନିଜେ ଭାସି ଯାଇଥିଲେ । ଏନେଇ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ଖବର ପାଇ ଅଗ୍ନିଶମ ବାହିନୀ ନଦୀରେ ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।