Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ସମ୍‌ ଚିକିତ୍ସାରେ ମୃତ୍ୟୁ ମୁଖରୁ ଫେରିଲେ , ୭୦% ପୋଡ଼ି ଯାଇଥିବା ମହିଳାଙ୍କୁ ସୁସ୍ଥ କଲେ ସମ୍‌ ଚିକିତ୍ସକ

27/07/2020 at 1:28 PM

ଭୁବନେଶ୍ୱର ୨୭।୦୭: ସମ୍‌ ହସ୍ପିଟାଲର ସଫଳତାରେ ଆଉ ଏକ ଫର୍ଦ୍ଦ ଯୋଡିହୋଇଛି । ରୋଷେଇ ସମୟରେ ଗ୍ୟାସ ସିଲିଣ୍ଡରରେ ବିସ୍ଫୋରଣ ଘଟିବା ଯୋଗୁଁ ଜଣେ ମହିଳାଙ୍କର ଶରୀରର ୭୦ ପ୍ରତିଶତ ପୋଡି ହୋଇଯାଇଥିଲେ ମଧ୍ୟ ତାଙ୍କୁ ସମ୍ପୂର୍ଣ୍ଣ ସୁସ୍ଥ କରି ଘରକୁ ଫେରାଇବାର ସଫଳ ହୋଇଛି ଆଇଏମଏସ ଆଣ୍ଡ ସମ୍ ହସପିଟାଲ୍ । ଶିକ୍ଷା ଓ ଅନୁସନ୍ଧାନ (ଡିମ୍‌ଡ ଟୁ ବି ୟୁନିଭର୍ସିଟି) ପରିଚାଳିତ ଇନଷ୍ଟିଚ୍ୟୁଟ୍ ଅଫ ମେଡିକାଲ ସାଇନସେସ ଓ ସମ୍ ହସପିଟାଲ ଅଧିନସ୍ଥ ବର୍ଣ୍ଣସ୍ ଆଣ୍ଡ ପ୍ଲାଷ୍ଟିକ ସର୍ଜରୀ ବିଭାଗର ଅକ୍ଳାନ୍ତ ପରିଶ୍ରମ ଓ ସଫଳ ଚିକିତ୍ସା ଯୋଗୁଁ ମୃତ୍ୟୁ ମୁଖରୁ ବଂଚି ଘରକୁ ଫେରିପାରିଛନ୍ତି ପଶ୍ଚିମବଙ୍ଗ ଅନ୍ତର୍ଗତ ଦୀଘା ରାମନଗର ଅଂଚଳର ଜଣେ ୩୫ ବର୍ଷୀୟା ମହିଳା ।

ଗ୍ୟାସ ସିଲିଣ୍ଡର ବିସ୍ଫୋରଣ ହେବା ଫଳରେ ସଂପୃକ୍ତ ମହିଳାଙ୍କର ଶରୀରର ୭୦ ଭାଗ ଗଭୀର ଭାବେ ପୋଡ଼ି  ହୋଇଯାଇଥିଲା । ମୁର୍ମୂଷୁ ଅବସ୍ଥାରେ ଗତ ଜୁନ୍ ୬ ତାରିଖରେ ସେ ଆଇଏମଏସ ଆଣ୍ଡ ସମ୍ ହସପିଟାଲ୍ ରେ ଭର୍ତି ହୋଇଥିଲେ । ବର୍ଣ୍ଣସ୍ ଆଣ୍ଡ ପ୍ଲାଷ୍ଟିକ ସର୍ଜରୀ ବିଭାଗର ଆସୋସିଏଟ୍ ପ୍ରଫେସର ଡ. ଏମ. ଲୋପାମୁଦ୍ରାଙ୍କ ପ୍ରତ୍ୟକ୍ଷ ତତ୍ୱାବଧାନରେ ତାଙ୍କର ଚିକିତ୍ସା ଆରମ୍ଭ କରାଯାଇଥିଲା । ଗ୍ୟାସ ସିଲିଣ୍ଡର ବିସ୍ଫୋରଣ ଫଳରେ ତାଙ୍କ ଶରୀର ମଧ୍ୟକୁ ଧୂଆଁ ଚାଲିଯିବା ଫଳରେ ଫୁସଫୁସ ମଧ୍ୟ ଆକ୍ରାନ୍ତ ହୋଇଥିଲା । ତେଣୁ ତାଙ୍କୁ ୨୦ ଦିନ ପର୍ଯ୍ୟନ୍ତ ଭେଂଟିଲେଟରରେ ରଖାଯାଇଥିଲା ।

ସେହିପରି ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ହେବା ଯୋଗୁଁ ଟ୍ରାକିଓଷ୍ଟୋମି ପ୍ରକ୍ରିୟାରେ ଚିକିତ୍ସା କରାଯାଇଥିଲା । ୨୦ ଦିନ ଭେଂଟିଲେଟରରେ ରହିବା ପରେ ଧିରେ ଧିରେ ସେ ସୁସ୍ଥ ହୋଇଥିଲେ । ବର୍ଣ୍ଣସ୍ ଆଣ୍ଡ ପ୍ଲାଷ୍ଟିକ ସର୍ଜରୀ ବିଭାଗ ଓ ବର୍ଣ୍ଣ ଆଇସିୟୁର ସମସ୍ତ ଡାକ୍ତର ଓ କର୍ମଚାରୀ ଖୁବ୍ ଯତ୍ନର ସହ ତାଙ୍କର ଚିକିତ୍ସା କରିଥିଲେ । ଉପଯୁକ୍ତ ଭାବରେ କ୍ଷତ ସ୍ଥାନର ଡ୍ରେସିଂ ଓ ଚିକିତ୍ସା ଯୋଗୁଁ ସେ ସୁସ୍ଥ ହୋଇ ନିଜେ ଚାଲିବାକୁ ମଧ୍ୟ ସକ୍ଷମ ହୋଇପାରିଲେ । କିଛି କିଛି ଫିଜିଓଥେରାପି ମଧ୍ୟ କରାଯାଇଥିଲା । ଦୀର୍ଘ ୫୦ ଦିନ ପରେ ମହିଳା ଜଣକ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରିଥିବା କହିଛନ୍ତି ଡାକ୍ତର ଲୋପାମୁଦ୍ରା ।

ଡାକ୍ତର ଲୋପାମୁଦ୍ରାଙ୍କ ସମେତ ବର୍ଣ୍ଣସ୍ ଆଣ୍ଡ ପ୍ଲାଷ୍ଟିକ ସର୍ଜରୀ ବିଭାଗର ମୁଖ୍ୟ ଡ. ସୁଶାନ୍ତ ମିଶ୍ର, ଡ. ବିନାୟକ ମିଶ୍ର, ବର୍ଣ୍ଣ ଆଇସିୟୁ ଇନଚାର୍ଜ, ସିନିୟର ଓ ଜୁନିୟର ରେସିଡେଂଟସ୍‌, ୱାର୍ଡ ଇନଚାର୍ଜ ଏବଂ ସମସ୍ତ କର୍ମଚାରୀମାନେ ମହିଳାଙ୍କୁ ସୁସ୍ଥ କରିବାରେ ସାହାଯ୍ୟ ସହଯୋଗ କରିଥିଲେ ।

   Related Posts