ଭୁବନେଶ୍ୱର, ୦୬|୦୬: କରୋନା ବିରୋଧରେ ଅସଲି ଯୁଦ୍ଧ ବାକି ଅଛି ।ଓଡିଶା ପାଇଁ ଜୁନ୍ ମାସ ଗୁରୁତ୍ୱପୂର୍ଣ୍ଣ ଅଟେ। ମୌସୁମୀ ଆସୁଥିବାରୁ ଜୁନ୍ ମାସ ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ । ଜୁନର ବିସ୍ଫୋରଣରୁ ବର୍ତ୍ତିବାକୁ ହେଲେ ସତର୍କ ରହିବାକୁ ହେବ ।କରୋନାକୁ ପରାସ୍ତ କରିବା ସମ୍ଭବ ବୋଲି କହିଛନ୍ତି ରାଜ୍ୟ ସରକାରଙ୍କ ମୁଖପାତ୍ର ସୁବ୍ରତ ବାଗଚୀ । କିଛିଦିନର ବ୍ୟବଧାନ ପରେ ରାଜ୍ୟ ସରକାରଙ୍କ କୋଭିଡ-୧୯ ମୁଖପାତ୍ର ସୁବ୍ରତ ବାଗଚୀ ଗଣମାଧ୍ୟମ ସାମ୍ନାକୁ ଆସିବା ସହ କରୋନା ସମ୍ପର୍କରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ଦେଇଛନ୍ତି ।
ସୁବ୍ରତ ବାଗଚୀ କହିଛନ୍ତି ଯେ, ସ୍ନାନଯାତ୍ରାକୁ ସୂଚାର ରୂପେ ତୁଲାଇଥିବାକୁ ଶ୍ରୀମନ୍ଦିର ପ୍ରଶାସନକୁ ଧନ୍ୟବାଦ । ଗଜପତି ମହାରାଜ ହେଉଛନ୍ତି ସମସ୍ତଙ୍କ ପାଇଁ ଉହାଦରଣ । ସେ ସ୍ନାନଯାତ୍ରାକୁ ନଆସି ଶ୍ରୀନଅରରେ ରହିଥିଲେ । ଏହାପୂର୍ବରୁ ଆମେରିକାରୁ ଫେରି କ୍ୱାରେଣ୍ଟାଇନରେ ରହିଥିଲେ ଗଜପତି ।
ସେ ଆହୁରି କହିଛନ୍ତି ଯେ, କରୋନା ବିରୋଧରେ ଅସଲି ଯୁଦ୍ଧ ବାକି ଅଛି ।ଓଡିଶା ପାଇଁ ଜୁନ୍ ମାସ ଗୁରୁତ୍ୱପୂର୍ଣ୍ଣ ଅଟେ। ମୌସୁମୀ ଆସୁଥିବାରୁ ଜୁନ୍ ମାସ ସମସ୍ତଙ୍କ ପାଇଁ ଗୁରୁତ୍ୱପୂର୍ଣ୍ଣ । ଜୁନର ବିସ୍ଫୋରଣରୁ ବର୍ତ୍ତିବାକୁ ହେଲେ ସତର୍କ ରହିବାକୁ ହେବ ।କରୋନାକୁ ପରାସ୍ତ କରିବା ସମ୍ଭବ । ଏବେ ଜୀବନ ଓ ଜୀବିକାର ଦ୍ୱନ୍ଦ୍ୱକୁ ନେି ବାସ୍ତବବାଦୀ ହେବାକୁ ପଡିବ । ଆଗକୁ ଶୃଙ୍ଖଳାର ସହ ବଞ୍ଚିବାକୁ ହେବ । ଏହାସହ ପ୍ରଶାସନିକ ଅଦଳବଦଳ ନେଇ ଗୁଜବକୁ ନେଇ ବିଶ୍ୱାସ ନକରିବାକୁ ସେ ରାଜ୍ୟବାସୀଙ୍କୁ ପରାମର୍ଶ ଦେଇଛନ୍ତି ।