Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏମସିଡି ଉପ ନିର୍ବାଚନ : ଚୌକା ମାରିଲା ଆପ୍, କଂଗ୍ରେସର ଗୋଟିଏରେ ବଡ ବିଜୟ, କିନ୍ତୁ ଖାତା ଖୋଲି ପାରିଲାନି ବିଜେପି
  • ||
  • ମଦ୍ରାସାରେ ପଢାଯିବ ଗୀତା, ଯୋଗ ଓ ରାମାୟଣ : ପାଠ୍ୟକ୍ରମରେ ସାମିଲ କଲା ଏନଆଇଓଏସ
  • ||
  • ଗଜପତି : ଜେଇଙ୍କ ଘରେ ଭିଜିଲାନ୍ସ ଚଢାଉ, ୨ କୋଟିରୁ ଅଧିକ ଟଙ୍କାର ସମ୍ପତ୍ତି ଠାବ
  • ||
  • ସମ୍ବଲପୁର : ଯୁଜୁମୁରା ରେଞ୍ଜରେ ବାରମ୍ବାର ହାତୀ ମୃତ୍ୟୁ ଘଟଣା : ନିଲମ୍ବିତ ହେଲେ ସଦର ରେଞ୍ଜର
  • ||
  • ସମ୍ବଲପୁର : ଦୁଇ ବାଇକ୍ ଉପରେ ଚଢିଗଲା ଟ୍ରକ୍, ୩ ମୃତ, ଜଣେ ଗୁରୁତର
  • ||
  • ସୋର : ୮ଲକ୍ଷ ଟଙ୍କା ପାଇଁ କିଡ୍‌ନାପ୍ ! ବନ୍ଧୁକ ମୁନରେ ହତ୍ୟା ଧମକର ଭିଡିଓ ଭାଇରାଲ୍
  • ||
  • ସୋନପୁର : ଭିଜିଲାନ୍ସ ଜାଲରେ ଶିକ୍ଷକ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||
  • କରଞ୍ଜିଆ : କରଞ୍ଜିଆ ବନଖଣ୍ଡ ଅଞ୍ଚଳରେ ଜଳୁଛି ଜଙ୍ଗଲ, ଫେଲ୍ ମାରିଛି ବନ ବିଭାଗର ନିଆଁ ଲିଭା ଅଭିଯାନ
  • ||
  • ଚିନ୍ତା ବଢାଉଛି କରୋନାର ବ୍ରାଜିଲ ଭାରିଏଣ୍ଟ, ରହିଛି ପୁନଃ ସଂକ୍ରମଣ କ୍ଷମତା
  • ||

ମୋଦି ସରକାରଙ୍କ ଗୁମର ଖୋଲିଲେ ସୁବ୍ରମଣ୍ୟମ ସ୍ବାମୀ: କହିଲେ ସପକ୍ଷରେ ପରିସଂଖ୍ୟାନ ଦେବା ପାଇଁ ଅଧିକାରୀଙ୍କ ଉପରେ ପଡୁଛି ଚାପ

8/09/2018 at 3:37 PM

ଅହମଦାବାଦ ୮|୯: ନିଜ ଭାବମୂର୍ତ୍ତି ବଜାୟ ରଖିବାପାଇଁ ବିଭିନ୍ନ ପରିସଂଖ୍ୟାନ ନିଜ ସପକ୍ଷରେ ଦେବା ଲାଗି ମୋଦି ସରକାର ଅଧିକାରୀଙ୍କ ଉପରେ ଚାପ ପକାଇଥାନ୍ତି । ଏଭଳି ଏକ ବିସ୍ଫୋରକ ବକ୍ତବ୍ୟ ଦେଇଛନ୍ତି ବିଜେପି ନେତା ତଥା ରାଜ୍ୟସଭା ସାଂସଦ ସୁବ୍ରମଣ୍ୟମ ସ୍ବାମୀ । ନିଜ ଦଳର ପୋଲ ଖୋଲିଆସୁଥିବା ସୁବ୍ରମଣ୍ୟମ କହିଛନ୍ତି ଯେ, ନୋଟବନ୍ଦୀ ଯୋଗୁଁ ଜିଡିପି ଉପରେ କୌଣସି ନକରାତ୍ମକ ପ୍ରଭାବ ପଡିନାହିଁ ବୋଲି ତଥ୍ୟ ପ୍ରସ୍ତୁତ କରିବା ପାଇଁ ରାଷ୍ଟ୍ରୀୟ ପରିସଂଖ୍ୟାନ ସଂଗଠନ ଉପରେ ମୋଦି ସରକାରଙ୍କ ମନ୍ତ୍ରୀମାନେ ଚାପ ପକାଇଥିଲେ । ବିଶେଷତଃ ଜିଡିପି ଉପରେ ଏହାର କୌଣସି ପ୍ରଭାବ ପଡିନାହିଁ ବୋଲି ଦର୍ଶାଇବା ପାଇଁ କୁହାଯାଇଥିଲା । ଏହାର ଚାକ୍ଷୁସ ପ୍ରମାଣ ସେ ନିଜେ ବୋଲି କହିଛନ୍ତି। ରାଷ୍ଟ୍ରୀୟ ପରିସଂଖ୍ୟାନ ସଂଗଠନ ତାଙ୍କ ପିତା ସ୍ଥାପନ କରିଥିଲେ । ପରିସଂଖ୍ୟାନମନ୍ତ୍ରୀ ସଦାନନ୍ଦ ଗୌଡାଙ୍କ ସହ ସଂପୃକ୍ତ କାର୍ଯ୍ୟାଳୟକୁ ଥରେ ବୁଲି ଯାଇଥିଲେ । ସେଠାରେ ସଦାନନ୍ଦ ଗୌଡ ଉପରୋକ୍ତ ମର୍ମରେ ସଂଗଠନର ଅଧିକାରୀଙ୍କୁ ଡାଟା ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଥିଲେ ବୋଲି ସୁବ୍ରମଣ୍ୟମ ପ୍ରକାଶ କରିଛନ୍ତି। ଏପରିକି ଏ ପ୍ରସଂଗରେ ସେ ନିଜେ ସଂଗଠନର ନିର୍ଦେଶକ ବକୁଳ ସ୍ବାମୀଙ୍କ ସହ କଥା ହୋଇଛନ୍ତି। ତାଙ୍କ ଉପରେ ଚାପ ଥିବା ବକୁଳ ସ୍ବାମୀ ପ୍ରକାଶ କରିଥିଲେ ବୋଲି ସୁବ୍ରମଣ୍ୟମ ସ୍ବାମୀ କହିଛନ୍ତି।
ଆଜି ଅହମଦାବାଦଠାରେ ଚାର୍ଟାଡ ଆକାଉଣ୍ଡାଣ୍ଟମାନଙ୍କ ଏକ ସମ୍ମିଳନୀକୁ ସମ୍ବୋଧିତ କଲାବେଳେ ସୁବ୍ରମଣ୍ୟମ ସ୍ବାମୀ ଏହା ପ୍ରକାଶ କରିଛନ୍ତି। ସେ କହିଛନ୍ତି ଯେ, ଏହି କାରଣରୁ ସରକାରଙ୍କ ଡାଟା ଉପରେ ବିଶ୍ବାସ କରିବା ଅନୁଚିତ । ନୋଟବଂଦୀ ଯୋଗୁଁ ଜିଡିପି ଭୀଷଣଭାବେ ପ୍ରଭାବିତ ହୋଇଥିବା ସେ ନିଜେ ଅନୁଭବ କରନ୍ତି । କିନ୍ତୁ ସରକାରୀ ପରିସଂଖ୍ୟାନ କହୁଛି ଭିନ୍ନ କାହାଣୀ। ୨୦୧୯ ନିର୍ବାଚନ ପାଇଁ ଦିଲ୍ଲୀଠାରେ ଚାଲିଥିବା ବିଜେପିର ଦୁଇଦିନିଆ ରାଷ୍ଟ୍ରୀୟ କାର୍ଯ୍ୟକାରିଣୀରେ ରଣନୀତି ପ୍ରସ୍ତୁତ ହେଉଥିବାବେଳେ ସୁବ୍ରମଣ୍ୟମ ସ୍ବାମୀଙ୍କ ଏହି ବକ୍ତବ୍ୟ ଦଳ ପାଇଁ ଅଡୁଆ ସୃଷ୍ଟି କରିବ ।

   Related Posts