Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଓଡ଼ିଶା ପାଇଁ ଗୌରବ ଆଣିଲେ ଅଷ୍ଟମ ଶ୍ରେଣୀ ଛାତ୍ରୀ ଶୁଭସ୍ମିତା ତ୍ରିପାଠୀ : ଇଣ୍ଟରନ୍ୟାସନାଲ ଚିଲଡ୍ରେନସ୍ ପିସ୍ ପ୍ରାଇଜ ପାଇଁ ମନୋନୀତ

20/09/2019 at 9:24 PM

କେନ୍ଦ୍ରାପଡା୨୦|୯ଓଡ଼ିଶା ପାଇଁ ଗୌରବ ଆଣିଛନ୍ତି ଅଷ୍ଟମ ଶ୍ରେଣୀ ଛାତ୍ରୀ ଶୁଭସ୍ମିତା ତ୍ରିପାଠୀ । ଇଣ୍ଟରନ୍ୟାସନାଲ ଚିଲଡ୍ରେନସ୍ ପିସ୍ ପ୍ରାଇଜ ପାଇବାକୁ ସେ ମନୋନିତ ହୋଇଛନ୍ତି । ୨୦୧୯ ବର୍ଷ ପାଇଁ ୫୬ଟି ଦେଶରୁ

ମନୋନିତ ହୋଇଛନ୍ତି ୧୧୯ ଜଣ ଶିଶୁ । ଏମାନଙ୍କ ମଧ୍ୟରେ ଭାରତରୁ ଥିବା ୧୦ ଜଣଙ୍କ ମଧ୍ୟରେ ଓଡ଼ିଶାରୁ ଏକ ମାତ୍ର ଶୁଭସ୍ମିତା ଅଛନ୍ତି । ଶୁଭସ୍ମିତାଙ୍କ ଘର କେନ୍ଦ୍ରାପଡ଼ା ଜିଲ୍ଲା ପେଣ୍ଠ ଗାଁରେ ।…

ଶୁଭସ୍ମିତା ତ୍ରିପାଠୀ, ବୟସ ୧୩ । ବଙ୍ଗୋପସାଗର ତଟବର୍ତୀ ପେଣ୍ଠ ଗାଁରେ ଘର । ପେଣ୍ଠ ଉଚ୍ଚ ପ୍ରାଥମିକ ବିଦ୍ୟାଳୟର ଅଷ୍ଟମ ଶ୍ରେଣୀର ଛାତ୍ରୀ । ଜଣେ ମେଧାବୀ ଛାତ୍ରୀ ଭାବେ ପିଲାଟି ଦିନରୁ କ୍ରୀଡା, ବିଜ୍ଞାନ, ଶିକ୍ଷା, ପରିବେଶ କ୍ଷେତ୍ରରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିଛନ୍ତି ଶୁଭସ୍ମିତା।

ସବୁଠାରୁ ବଡ଼ କଥା ହେଉଛି ଯେଉଁ ସହପାଠୀମାନେ ଅଭାବ ଅନାଟନ ଯୋଗୁଁ ଏକ ପ୍ରକାର ପାଠ ପଢାରେ ଡୋରୀ ବାନ୍ଧିଥିଲେ, ସେମାନଙ୍କୁ ସେ ପୁଣିଥିରେ ସ୍କୁଲକୁ ଫେରାଇ ଆଣିବାରେ ସକ୍ଷମ ହୋଇଥିଲେ । ଶୁଭସ୍ମିତାଙ୍କ ପାଇଁ ଆଜି ଅନେକ ପିଲା ଛେଳି ଚରାଇବା ବଦଳରେ ହାତରେ ବହିବସ୍ତାନୀ ଧରୁଛନ୍ତି ।

ସେହିପରି ସହପାଠୀ, ଶିକ୍ଷକ , ଓ ସ୍ବେଚ୍ଛାସେବୀ ସଙ୍ଗଠନ ସହ ମିଶି ନିଜ ବିଦ୍ୟାଳୟ ଓ ଗାଁ ପରିବେଶ ସଫା ରଖିବାକୁ ପ୍ରୟାସ ଜାରି ରଖିଛନ୍ତି ।ଏହି ନିଆରା କାର୍ଯ୍ୟ ପାଇଁ ଚଳିତ ବର୍ଷର ମର୍ଯ୍ୟାଦା ଜନକ ଅନ୍ତର୍ଜାତୀୟ ଶିଶୁ ଶାନ୍ତି ପୁରସ୍କାର ପାଇବାକୁ ମନୋନିତ ହୋଇଛି ଶୁଭସ୍ମିତା ।…

ସମଗ୍ର ବିଶ୍ବରେ ମୋଟ୍ ୩ ହଜାର ଶିଶୁ ଏହି ପୁରସ୍କାର ପାଇଁ ଆବେଦନ କରିଥିବା ବେଳେ ମାତ୍ର ୧୧୯ ଜଣ ମନୋନିତ ହୋଇଛନ୍ତି । ଆମ ଦେଶରୁ ମନୋନିତ ହୋଇଥିବା ମୋଟ୍ ୧୦ ଜଣଙ୍କ ମଧ୍ୟରେ ଓଡ଼ିଶାରୁ ଅଛନ୍ତି ଏକମାତ୍ର ଶୁଭସ୍ମିତା । ଯେଉଁ ବୟସରେ ଖେଳି ବୁଲି ସମୟ କଟଇବା କଥା ସେହି ବୟସରେ ଶୁଭସ୍ମିତାଙ୍କର ନିଆରା କାର୍ଯ୍ୟକୁ ବିଭିନ୍ନ ମହଲରୁ ପ୍ରଶଂସା କରାଯାଉଛି ।…

କିଭଳି ସବୁ ପିଲା ପଢ଼ିବେ ଓ ଆଗକୁ ବଢ଼ିବେ ସେଥିପାଇଁ ଉଦ୍ୟମ ଚଳାଇଛନ୍ତି ଶୁଭସ୍ମିତା, ଯାହା ଅନ୍ୟ ପିଲାମାନଙ୍କ ପାଇଁ ପ୍ରେରଣା ସୃଷ୍ଟି କରିଛି ।

   Related Posts