ଭୁବନେଶ୍ୱର ୩/୯ : ପୁଣି ଗିରଫ ହେଲେ ଶୁଭଙ୍କର ନାୟକ । ସିସୋର ଚିଟଫଣ୍ଡ ଲିଙ୍କରେ ଗିରଫ ହୋଇ ଜାମିନରେ ଆସିଥିଲେ ଶୁଭଙ୍କର । ତେବେ ଜଣେ ମହିଳାଙ୍କୁ ଅସଦାଚରଣ କରିବା ଅଭିଯୋଗରେ ଶୁଭଙ୍କରକୁ ଗିରଫ କରିଛି ଖାରବେଳନଗର ଥାନା ପୋଲିସ । ଖାରବେଳନଗର ଅଧୀନ ଚନ୍ଦ୍ରମା ଆପାର୍ଟମେଣ୍ଟରେ ଗତକାଲି ରାତିରେ ଶୁଭଙ୍କର ଜଣେ ମହିଳାଙ୍କୁ ଟଣାଓଟରା କରିଥିବା ଅଭିଯୋଗ ହୋଇଛି । ଗତକାଲି ଏନେଇ ମହିଳା ଓ ଜଣଙ୍କ ଥାନାରେ ଅଭିଯୋଗ କରିଥିଲେ । ତାଙ୍କ ବିରୋଧରେ ୨୯୪, ୩୪୧, ୩୨୩, ୪୨୭, ୩୫୪ (A), ୩୫୪(B), ଓ ୫୦୬ ଧାରାରେ ମାମଲା ରୁଜୁ କରି କୋର୍ଟ ଚାଲାଣ କରାଯାଇଛି ।