Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉଦଳା : ଖାକି ଉପରେ ଖାକିର ଜୁଲମ୍, ବିଚ୍ ରାସ୍ତାରେ ଏସଆଇଙ୍କୁ ଆକ୍ରମଣ କଲେ ଜେଲ୍ ଓ୍ୱାର୍ଡର
  • ||
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ, ୩୪୩୨ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୫୩୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଗାଜା ଉପରେ ଇସ୍ରାଏଲର ପୁଣି ରକେଟ୍ ଆକ୍ରମଣ, ଭାଙ୍ଗିଲା ଅସ୍ତ୍ରବିରତି ରାଜିନାମା
  • ||
  • ମର୍ମନ୍ତୁଦ ଦୁର୍ଘଟଣା : ଟ୍ରଲରକୁ ପଛପଟୁ ପିଟିଲା ପିକ୍‌ଅପ୍‌ ଭ୍ୟାନ୍‌, ୨ ମୃତ
  • ||

ଜାଣନ୍ତୁ ମକର ସଂକ୍ରାନ୍ତିର ଶୁଭ ମୁହୂର୍ତ୍ତ : ସଂକ୍ରାନ୍ତିରେ ଖେଚୁଡ଼ି ଖାଇବାର ମହତ୍ୱ

13/01/2019 at 3:28 PM

ଭୁବନେଶ୍ୱର ୧୩/୧ : ମକର ସଂକ୍ରାନ୍ତି ଏଥର ଦୁଇ ଦିନ ରହିଛି | ମକର ସଂକ୍ରାନ୍ତିରେ ଏଥର ସ୍ୱତନ୍ତ୍ର ସଂଯୋଗ ଦେଖାଦେଉଛି | ମକର ସଂକ୍ରାନ୍ତିରେ ସର୍ବାର୍ଥସିଦ୍ଧି ଯୋଗ ହେବାକୁ ଅଛି | ସୂର୍ଯ୍ୟ ମକର ସଂକ୍ରାନ୍ତି ଅର୍ଥାତ ୧୪ ତାରିଖ ରାତି ୮ଟାରେ ମକର ରାଶିରେ ପ୍ରବେଶ କରିବେ | ୧୫ ତାରିଖ, ମଙ୍ଗଳବାର ଦିନ ୧୨ଟା ଯାଏଁ ସଂକ୍ରାନ୍ତି ତିଥି ରହିବ |

ସେଥିପାଇଁ ୧୫ ତାରିଖ ଦିନ ୧୨ଟା ପୂର୍ବରୁ ସ୍ନାନ ଏବଂ ଦାନ ପାଇଁ ଶୁଭ ମୁହୂର୍ତ୍ତ ରହିଛି | ମକର ସଂକ୍ରାନ୍ତି ଅବସରରେ ସ୍ନାନ ଏବଂ ଦାନର ବିଶେଷ ଯୋଗ ରହିଛି |

ମକର ସଂକ୍ରାନ୍ତି ପାଇଁ ପୁଣ୍ୟକାଳ ମୁହୂର୍ତ୍ତ :

ପୁଣ୍ୟକାଳ – ୭ଟା ୧୯ ରୁ ୧୨ଟା ୩୦ ମଧ୍ୟରେ ପୁଣ୍ୟକାଳ ରହିଛି |

ପୁଣ୍ୟକାଳର ସମୟସୀମା – ପୁଣ୍ୟକାଳର ସମୟ ଅବଧି ୫ ଘଣ୍ଟା ୧୧ ମିନିଟ ରହିଛି |

ସଂକ୍ରାନ୍ତି ଆରମ୍ଭ – ୧୪ ତାରିଖ, ସୋମବାର ରାତି ୮ଟା ୫ ମିନିଟରୁ |

ସଂକ୍ରାନ୍ତିର ମହାପୁଣ୍ୟକାଳ ଶୁଭ ମୁହୂର୍ତ୍ତ – ୭ଟା ୧୯ ମିନିଟ ରୁ ୯ଟା ୨ ମିନିଟ ପର୍ଯ୍ୟନ୍ତ ମହାପୁଣ୍ୟକାଳ ଶୁଭ ମୁହୂର୍ତ୍ତ ରହିଛି |

ମହାପୁଣ୍ୟକାଳର ଅବଧି – ମହାପୁଣ୍ୟକାଳର ଅବଧି ଘଂଟାଏ ୪୩ ମିନିଟ ରହିଛି |

ମକର ସଂକ୍ରାନ୍ତିରେ ଖେଚୁଡ଼ି ତିଆରି କରିବା, ଖାଇବା ଏବଂ ଦାନ କରିବାର ପରମ୍ପରା ରହିଛି | ଏହାକୁ ବହୁତ ଶୁଭ ବୋଲି ବିଶ୍ୱାସ କରାଯାଇଥାଏ | ଚାଉଳକୁ ଚନ୍ଦ୍ରମାଙ୍କ ପ୍ରତୀକ ଭାବେ ବିଶ୍ୱାସ କରାଯାଏ | କଳା ବିରି ଶନି ଏବଂ ସବୁଜ ପରିବାକୁ ବୁଧଙ୍କ ପ୍ରତୀକ | ମକର ସଂକ୍ରାନ୍ତିରେ ଖେଚୁଡ଼ି ଖାଇଲେ କୁଣ୍ଡଳୀରେ ଗ୍ରହଙ୍କ ସ୍ଥିତି ଦୃଢ ହୋଇଥାଏ | ସେଥିପାଇଁ ମକର ସଂକ୍ରାନ୍ତିରେ ଚାଉଳ, କଳା ଡାଲି, ଲୁଣ, ହଳଦୀ, ମଟର ଏବଂ ସବୁଜ ପରିବା ପକାଇ ଖେଚୁଡ଼ି ପ୍ରସ୍ତୁତ କରାଯାଇଥାଏ |

ଆସନ୍ତୁ ଜାଣିବା ଏହି ପରମ୍ପରା କେବେଠାରୁ ଆରମ୍ଭ ହୋଇଛି :

ମକର ସଂକ୍ରାନ୍ତିରେ ଖେଚୁଡ଼ି ତିଆରି କରିବା ପରମ୍ପରା ବାବା ଗୋରଖନାଥ ଆରମ୍ଭ କରିଥିଲେ | ଖିଲିଜିଙ୍କ ଆକ୍ରମଣ ବେଳେ ନାଥ ଯୋଗୀଙ୍କୁ ଖିଲିଜିଙ୍କ ସହ ଯୁଦ୍ଧ କାରଣରୁ ଖିଲିଜିଙ୍କୁ ଭୋଜନ ପ୍ରସ୍ତୁତ କରିବା ପାଇଁ ସମୟ ମିଳୁନଥିଲା | ଯେଉଁଥିପାଇଁ ଯୋଗୀମାନେ ଅଧିକାଂଶ ସମୟରେ ଭୋକିଲା ରହିଯାଉଥିଲେ | ଭୋକିଲା ଯୋଗୁଁ ଯୋଗୀ ଧୀରେ ଧୀରେ ଦୁର୍ବଳ ହୋଇପଡିଥିଲେ |

ଯୋଗୀଙ୍କ ସ୍ୱାସ୍ଥ୍ୟବସ୍ଥା ଦେଖି ବାବା ଗୋରଖନାଥ ଡାଲି, ଚାଉଳ ଏବଂ ପନିପରିବାକୁ ଏକାସଙ୍ଗେ ପ୍ରସ୍ତୁତ କରିବା ପାଇଁ ନିର୍ଦେଶ ଦେଇଥିଲେ | ଏହି ଭୋଜନ ସ୍ୱାଦିଷ୍ଟ ହେବାସହ ସ୍ୱାସ୍ଥ୍ୟ ପାଇଁ ଉପାଦେୟ ମଧ୍ୟ ଥିଲା | ଖେଚୁଡ଼ି ଦ୍ୱାରା ଶରୀରକୁ ବଳ ମଧ୍ୟ ମିଳୁଥିଲା | ନାଥ ଯୋଗୀଙ୍କୁ ଏହି ଭୋଜନ ବହୁତ ଭଲ ଲାଗିଥିଲା | ଏହାପରେ ବାବା ଗୋରଖନାଥ ଏହି ବ୍ୟଞ୍ଜନର ନାଁ ରଖିଥିଲେ ଖେଚୁଡ଼ି |

ଅଳ୍ପ ସମୟରେ ପ୍ରସ୍ତୁତ ହେଉଯାଇଥିଲା ଖେଚେଡ଼ି ଦ୍ୱାରା ନାଥ ଯୋଗୀଙ୍କ ଭୋଜନ ସମସ୍ୟା ଦୂର ହୋଇଯାଇଥିଲା | ଏହାସହ ଖିଲିଜିଙ୍କ ଆତଙ୍କକୁ ଦୂର କରିବାରେ ମଧ୍ୟ ନାଥମାନେ ସଫଳ ହୋଇଥିଲେ | ଖିଲିଜିଙ୍କ ଠାରୁ ମୁକ୍ତି ପାଇବା ପରେ ଗୋରଖପୁରରେ ମକର ସଂକ୍ରାନ୍ତିକୁ ବିଜୟ ଦର୍ଶନ ପର୍ବ ଭାବେ ପାଳନ କରାଯାଏ | ଏହି ଦିନ ଗୋରେଖନାଥଙ୍କ ମନ୍ଦିର ପାଖରେ ଖେଚେଡ଼ି ଆରମ୍ଭ ହୋଇଥାଏ | ଏହି ମେଳା ଅନେକ ଦିନ ଚାଲିଥାଏ | ଏହି ମେଳାରେ ବାବା ଗୋରେଖନାଥଙ୍କ ପାଖରେ ଖେଚେଡ଼ି ଭୋଗ କରାଯାଇଥାଏ | ଏହି ଭୋଗକୁ ପ୍ରସାଦ ଭାବେ ଲୋକଙ୍କ ମଧ୍ୟରେ ବଣ୍ଟା ଯାଇଥାଏ |

   Related Posts