ବାଲେଶ୍ବର୧/୧: ବାଲେଶ୍ବର ଭିଜିଲାନ୍ସ କବଜାରେ ବାଲେଶ୍ଵର ଉପ ନିବନ୍ଧକ ବା ସବ୍ ରେଜିଷ୍ଟାର ରଞ୍ଜନ କୁମାର ଦାସ । ବାଲେଶ୍ବରରୁ ପୁରୀ ଅଭିମୁଖେ ଯିବା ବେଳେ ଭିଜିଲାନ୍ସ ତାଙ୍କୁ ଧରିଥିଲା। ଏଥିସହ ତାଙ୍କଠାରୁ ବାଲେଶ୍ବର ଭିଜିଲାନ୍ସ ୨ ଲକ୍ଷ ୨୩ ହଜାର ୫୮୦ ଟଙ୍କା ଜବତ କରିଛି। ମିଳିଥିବା ସୂଚନା ମୁତାବକ, ନିଜ ଗାଡିରେ ରଞ୍ଜନ କୁମାର ଦାସ ପୁରୀ ଯାଉଥିଲେ। ଏହି ସମୟରେ ଭିଜିଲାନ୍ସ ହାତରେ ଧରା ପଡିଥିଲେ। ଏତେ ଟଙ୍କା କୁଆଡ଼େ ଯାଉଛି ? କଣ ହେବ ? ଏମିତି ଅନେକ ପ୍ରଶ୍ନ ତାଙ୍କୁ ଭିଜିଲାନ୍ସ ଅଧିକାରୀ ପଚାରିଥିଲେ। ସେ ମଧ୍ୟ ଉତ୍ତର ଦେଇଥିଲେ। ଏହି ପ୍ରଶ୍ନର ଉତ୍ତରରେ ଭିଜିଲାନ୍ସ ଅଧିକାରୀ ସନ୍ତୁଷ୍ଟ ହୋଇନଥିଲେ। ତେଣୁ ଏହି ଟଙ୍କାକୁ ଜବତ କରି ଅଧିକ ଖୋଳତାଡ଼ ଆରମ୍ଭ କରିଛି ବାଲେଶ୍ବର ଭିଜିଲାନ୍ସ।