Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||

ଦାଢ଼ି ରଖିବା ପଡିଲା ମହଙ୍ଗା: ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ

22/10/2020 at 1:32 PM

ବାଗପତ ୨୨/୧୦ : ଉତ୍ତର ପ୍ରଦେଶ ବାଗପତ ରାମାଲା ଥାନାରେ ନିୟୋଜିତ ସବଇନ୍ସପେକ୍ଟର ଇନ୍ତସାର ଅଲିଙ୍କୁ ନିଲମ୍ବିତ କରାଯାଇଛି। ନିଲମ୍ବିତ କାରଣ ଜାଣିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ। ବିନା ଅନୁମତିରେ ଲମ୍ବା ଦାଢ଼ି ରଖିବା ଅଭିଯୋଗରେ ପୋଲିସ ଅଧିକ୍ଷକ ତାଙ୍କୁ ନିଲମ୍ବିତ କରି ପୋଲିସ ଲାଇନ ପଠାଇ ଦେଇଛନ୍ତି। ପୋଲିସ ଅଧିକ୍ଷକ ଇନ୍ତସାର ଅଲିଙ୍କୁ ଦାଢ଼ି କାଟିବାକୁ ତିନିଥର ଚେତାବନୀ ଦେଇଥିଲେ। ଏହାସହ ଦାଢ଼ି ରଖିବାକୁ ସେ ବିଭାଗ ଠାରୁ ଅନୁମତି ନିଅନ୍ତୁ ବୋଲି ମଧ୍ୟ ତାଙ୍କୁ କହିଥିଲେ। କିନ୍ତୁ ଇନ୍ତସାର ଅଲି ପୋଲିସ ଅଧିକ୍ଷକଙ୍କ ଚେତାବନୀକୁ ଗତ କିଛି ମାସ ହେଲା ଅଣଦେଖା କରି ଦାଢ଼ି ରଖିଥିଲେ।

ସହରନପୁର ବାସିନ୍ଦା ଇନ୍ତସାର ଅଲି ଉତ୍ତର ପ୍ରଦେଶ ପୋଲିସରେ ଏସଆଇ ପଦବୀରେ ନିଯୁକ୍ତ ହୋଇଛନ୍ତି ଓ ଗତ ତିନି ବର୍ଷ ହେଲା ସେ ବାଗପତ ଜିଲ୍ଲାରେ ନିୟୋଜିତ ଅଛନ୍ତି। ଲକଡାଉନ ପୂର୍ବରୁ ତାଙ୍କୁ ରାମାଲା ଥାନାକୁ ସ୍ଥାନାନ୍ତର କରାଯାଇଥିଲା। ପୋଲିସ ବିଭାଗ ନିୟମ ବିରୋଧରେ ଲମ୍ବା ଦାଢ଼ି ରଖି ସେ ଚର୍ଚ୍ଚାକୁ ଆସିଥିଲେ।

ଏସପି ଅଭିଷେକ ସିଂହ କହିଛନ୍ତି ଯେ, ପୋଲିସ ମାନୁଆଲ ଅନୁସାରେ, ପୋଲିସବଳରେ ନିୟୋଜିତ ଥିବା ଶିଖ ସମ୍ପ୍ରଦାୟର ପୋଲିସକର୍ମୀଙ୍କୁ ଛାଡିଦେଲେ ଅନ୍ୟ କୌଣସି ଅଧିକାରୀ କିମ୍ବା କର୍ମଚାରୀ ଦାଢ଼ି ରଖି ପାରିବେନାହିଁ। ଯଦି କେହି ରଖିବାକୁ ଚାହିଁବେ ତାହେଲେ ତାଙ୍କୁ ପ୍ରଶାସନର ଅନୁମତି ନେବାକୁ ପଡିଥାଏ। କିନ୍ତୁ ଇନ୍ତସାର ଅଲି ବିନା ଅନୁମତିରେ ଦାଢ଼ି ରଖିଥିଲେ। ଏହାକୁ ନେଇ ଅଭିଯୋଗ ମଧ୍ୟ ହୋଇଥିଲା। ବୁଝାଇବା ପରେ ଓ ନୋଟିସ ଦେବା ପରେ ମଧ୍ୟ ସେ ଦାଢ଼ି କାଟିନଥିଲେ ଓ ଅନୁଶାସନହୀନତା ପ୍ରଦର୍ଶନ କରିଥିଲେ। ଏହାପରେ ଇନ୍ତସାର ଅଲିଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।

ଏସଆଇ ଇନ୍ତସାର ଅଲି କହିଛନ୍ତି ଯେ ୨୦୧୯ ନଭେମ୍ବର ମାସରୁ ଅନୁମତି ନେବାକୁ ପ୍ରୟାସ କରୁଛନ୍ତି। କିନ୍ତୁ ଏବେ ସୁଦ୍ଧା ତାଙ୍କୁ ବିଭାଗରୁ ଅନୁମତି ମିଳିପାରିନାହିଁ।

   Related Posts