Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୧୩୦୩ କରୋନା ଆକ୍ରାନ୍ତ
  • ||
  • ମେ’ ୧୩ରେ ପିପିଲି ଉପନିର୍ବାଚନ
  • ||
  • ଆଜି ରାତି ୮ରେ ପିଏମ୍‌ ମୋଦୀଙ୍କ ଗୁରୁତ୍ବପୂର୍ଣ୍ଣ ବୈଠକ
  • ||
  • ଉଦଳା : ଦିବ୍ୟାଙ୍ଗ ଯୁବତୀଙ୍କୁ ଘରୁ ଉଠାଇ ନେଇ ଦୁଷ୍କର୍ମ ! ଥାନାରେ ମାମଲା, ଅଭିଯୁକ୍ତ ଫେରାର
  • ||
  • ଲମତାପୁଟ : ୩ଦିନ ପରେ ଯୁବକଙ୍କ ମୃତଦେହ ଉଦ୍ଧାର, ପାତାଳୀ ନଦୀକୁ ମାଛ ଧରିବାକୁ ଯାଇ ନିଖୋଜ ଥିଲେ
  • ||
  • ଉଦଳା : ବାଇକ୍‌କୁ ପିଟିଲା ଟ୍ରାକ୍ଟର, ଅଧ୍ୟାପକଙ୍କ ମୃତ୍ୟୁ, ଟ୍ରାକ୍ଟର ନେଇ ଡ୍ରାଇଭର ଫେରାର
  • ||
  • ଭୁବନେଶ୍ବର : ଏସଟିଏଫ ପଞ୍ଝାରେ ବଜ୍ରକାପ୍ତା ଚାଲାଣକାରୀ, ୧୨ କିଲୋ ଓଜନର ଜୀବନ୍ତ ବଜ୍ରକାପ୍ତା ସହ ବ୍ୟବସାୟୀ ଗିରଫ
  • ||
  • ଯାଜପୁର ରୋଡ୍ : ରେଳ ଧାରଣାରୁ କିନ୍ନରଙ୍କ ମୃତଦେହ ଉଦ୍ଧାର, ଯୁବକଙ୍କ ସହ ଥିଲା ପ୍ରେମ ସମ୍ପର୍କ
  • ||
  • ବ୍ରହ୍ମପୁର : ଭାରସାମ୍ୟ ହରାଇ ଓଲଟିଲା ‘ଶିବଶମ୍ଭୁ’, ୧୦ ଯାତ୍ରୀ ଆହତ
  • ||
  • ନବରଙ୍ଗପୁର : ନାଇଟ୍ କର୍ଫ୍ୟୁ ବେଳେ ବୁଲାଇଲେ କଳାକନା, ରୂପା ଗହଣା ଲୁଟ୍, ସୁନା ଅଳଙ୍କାର ଚୋରି ବେଳେ ବାଜିଲା ସାଇରନ୍
  • ||

ଈଶ୍ୱରପୁର ସମବାୟ ସମିତି ସମ୍ପାଦକଙ୍କୁ ନିଲମ୍ବନ କଲେ ଜିଲ୍ଲାପାଳ, ଧାନକିଣାରେ କରିଥିଲେ ଅନିୟମିୟତା

24/02/2021 at 10:25 PM

ନୀଳଗିରି,୨୪/୦୨: ନୀଳଗିରି ଉପଖଣ୍ଡ ବିଭିନ୍ନ ମଣ୍ଡିରେ ଧାନ କିଣାରେ ଅନିୟମିତତା ହୋଇଥିବା ବେଳେ ସବୁସୀମାକୁ ଟପି ଯାଇଛି ଈଶ୍ୱରପୁର ସେବା ସମବାୟ ସମିତି । ସମିତିର ସମ୍ପାଦକ ଧାନ କିଣାରେ ଅନିୟମିତତା କରିବା ଓ ପରେ ଧରାପଡ଼ି ସ୍ୱୀକାର ପତ୍ର ଲେଖିବା ପରେ ଜିଲ୍ଲାପାଳଙ୍କ ହସ୍ତକ୍ଷେପ ଜରୁରୀ ବୋଲି ଦାବିହୋଇଥିଲା । ଘଟଣାର ତଥ୍ୟଭିତ୍ତିକ ଖବର ପ୍ରମେୟରେ ପ୍ରକାଶ ପାଇବା ପରେ ଆଜି ଜିଲ୍ଲାପାଳ ଜୈନିକ ସମ୍ପାଦକଙ୍କୁ ନିଲମ୍ବିତ କରିଥିବା ଜଣାପଡ଼ିଛି । ଏପରିକି ଜିଲ୍ଲାପାଳ ଏଥିରେ ହସ୍ତକ୍ଷେପ କରିଥିବା ମଧ୍ୟ ଜଣାପଡିଛି ।

ସୂଚନାଯୋଗ୍ୟ ଯେ, ମାଲିକ, ଧାନ ବେପାରୀ ଓ ସମିତିର ସମ୍ପାଦକଙ୍କ ମଧୁ ଚନ୍ଦ୍ରିକାରେ ନୀଳଗିରିର ବିଭିନ୍ନ ମଣ୍ଡିରେ ଧାନ କିଣାରେ ବ୍ୟାପକ ଅନିୟମିତତା ହେଇଥିବା ନଜରକୁ ଆସିଛି । ଟୋକନ ଥିବା ସତ୍ତ୍ୱେ ଟାର୍ଗେଟ ପୂରଣ ହୋଇଥିବା କହି ଚାଷୀମାନଙ୍କୁ ଶୋଷଣ କରାଯାଉଥିବା ବେଳେ ମିତ୍ରପୁର, ନିଜଗଡ଼, ସଜନାଗଡ଼ ସୋସାଇଟିରେ ଏଭଳି ଅଭିଯୋଗ ଆସିଥିଲା । ଈଶ୍ୱରପୁର ସେବା ସମବାୟ ସମିତି ରେ ଅନିୟମିୟତା ସବୁ ସୀମାକୁ ଟପି ଯାଇଥିବାବେଳେ ସୋମବାରଠାରୁ ସମିତି ଆଗରେ ଚାଷୀ ମାନେ ଧାରଣା ଦେଇଥିଲେ ।

ଗତକାଲି ପୂର୍ବାହ୍ନରେ ଧାନମଣ୍ଡିକୁ କେନ୍ଦ୍ରମନ୍ତ୍ରୀଙ୍କ ବ୍ୟକ୍ତିଗତ ସହାୟକ ଚନ୍ଦ୍ରବିନ୍ଦୁ ଦାସ, ଯୋଗାଣ ଅଧିକାରିଣୀ, ନୀଳଗିରି ଉପଜିଲ୍ଲାପାଳ ଓ ଅନ୍ୟ ଅଧିକାରୀ ଯାଇ ଖୋଳତାଡ଼ ଆରମ୍ଭ କରିଥିଲେ । ସମିତିର ସମ୍ପାଦକ ଅଶୋକ କୁମାର ଜେନାଙ୍କୁ କେନ୍ଦ୍ରମନ୍ତ୍ରୀଙ୍କ ବ୍ୟକ୍ତିଗତ ସହାୟକ ଶ୍ରୀ ଦାସ କଥା ଛଳରେ ଅନିୟମିତତାର ପ୍ରମାଣ ଅଛି କହିବା ସହ ଅଧିକାରୀଙ୍କ ଆଗରେ ତାଙ୍କ ମୁହଁରୁ ସତ୍ୟତା ବାହାର କରିଥିଲେ ।

ଚାଷୀ ମାନଙ୍କର ପଞ୍ଜିକରଣକୁ ଚଞ୍ଚକତା କରି ବେଆଇନ ଭାବେ ୬୦୦ କୁଇଣ୍ଟାଲ ଧାନ କିଣାଯାଇଥିବା ଏଥିରେ ଜଣାପଡିଥିଲା । ସବୁ ଅନିୟମିତତାକୁ ସ୍ୱୀକାର କରି ଏକ ପତ୍ରରେ ସମ୍ପାଦକ ଜଣକ ଲେଖିଦେଇଥିଲେ । ଶ୍ରୀ ଦାସ ଅଧିକାରୀଙ୍କୁ ଏହି ପତ୍ର  ଦେବା ସହ କେନ୍ଦ୍ରମନ୍ତ୍ରୀଙ୍କୁ ସମସ୍ତ ଘଟଣା ବିଷୟରେ କହିଥିଲେ । ପରେ ଘଟଣାର ସତ୍ୟତା ଜାଣି ଆଜି ଜିଲ୍ଲାପାଳଙ୍କ ନିର୍ଦେଶରେ ସମ୍ପାଦକଙ୍କୁ ନିଲମ୍ବନ କରାଯାଇଥିବା ଜଣାପଡିଛି ।

   Related Posts