Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଚୀନରେ ଶିଶୁଙ୍କ ପାଇଁ ସୋସିଆଲ୍ ଡିଷ୍ଟାନ୍ସିଂ ଫର୍ମୁଲା: କ୍ଲାସ୍‌ରେ ହେଡ୍ ଗିୟର୍ ପିନ୍ଧି ବସୁଛନ୍ତି, ଫଟୋ ଭାଇରାଲ୍

28/04/2020 at 9:05 PM

ବେଜିଂ, ୨୮|୦୪:  ଚୀନରୁ ସାରା ବିଶ୍ୱକୁ ବ୍ୟାପିଥିବା କରୋନା ଭାଇରସ ପ୍ରାୟ ସମସ୍ତ ଦେଶରେ ଆତଙ୍କ ସୃଷ୍ଟି କରୁଛି । ତେବେ ଚୀନରେ ସ୍ଥିତି ସାମାନ୍ୟ ସୁଧୁରିଛି । ଏଠାରେ କିଛି ସ୍କୁଲ ଓ କଲେଜ ଖୋଲାଯାଇଛି । କିନ୍ତୁ ଯେହେତୁ ବିପଦ ସମ୍ପୂର୍ଣ୍ଣ ଭାବେ ଟଳିନାହିଁ ତେଣୁ ସରକାର ବିଭିନ୍ନ ସତର୍କତା ମୂଳକ ପଦକ୍ଷେପ ଗ୍ରହଣ କରୁଛନ୍ତି । ସ୍କୁଲ ପିଲାଙ୍କୁ ସାମାଜିକ ଦୂରତା ରକ୍ଷା କରିବା ପାଇଁ କୁହାଯାଉଛି । ଏଥିପାଇଁ ପିଲାମାନେ ମୁଣ୍ଡରେ ହେଡ୍ ଗିୟର୍ ପିନ୍ଧୁଛନ୍ତି । ଯାହାର ଦୈର୍ଘ୍ୟ ପ୍ରାୟ ୩ ଫୁଟ । ଏଥିରେ ଛାତ୍ରଙ୍କ ମଧ୍ୟରେ ଦୂରତା ରକ୍ଷା କରାଯାଇ ପାରିବ ।

ଏହି ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି ।  ଏଥିରେ ଛାତ୍ରମାନେ ମୁଣ୍ଡରେ ହେଡ ଗିୟର ପିନ୍ଧିଛନ୍ତି । ଏପରିକି ମାସ୍କ ମଧ୍ୟ ପିନ୍ଧିଛନ୍ତି ।

ସୂଚନାଯୋଗ୍ୟ, ସାରା ବିଶ୍ୱରେ କରୋନା ଭାଇରସ ପ୍ରାୟ ୩୦ ଲକ୍ଷ ଲୋକଙ୍କୁ ସଂକ୍ରମିତ କରିଛି । ୨ ଲକ୍ଷରୁ ଅଧିକ ପ୍ରାଣ ମଧ୍ୟ ହରାଇଲେଣି । ଭାରତରେ ମଧ୍ୟ ୨୧ ହଜାର ସଂକ୍ରମିତ ହୋଇତିବା ବେଳେ ୯୦୦ରୁ ଅଧିକ ପ୍ରାଣ ହରାଇଛନ୍ତି ।

   Related Posts