Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଦିନକରେ ସୁସ୍ଥ ହେଲେ ୩୪୮୬ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୫୪୧ ଡିସଚାର୍ଜ
  • ||
  • ମିଶନ କାଶ୍ମୀର ଉପରେ ୧୪ ନେତାଙ୍କ ସହ ପିଏମ ମୋଦୀଙ୍କ ମହାବୈଠକ ଶେଷ
  • ||
  • ବରି​‌ଷ୍ଠ ଆଇପିଏସ୍‌ ସ୍ତରରେ ଅଦଳବଦଳ
  • ||
  • ଦ୍ବାଦଶ ଶ୍ରେଣୀ ପରୀକ୍ଷା: ୩୧ ଜୁଲାଇ ସୁଦ୍ଧା ରେଜଲ୍ଟ ପ୍ରକାଶ କରିବାକୁ ରାଜ୍ୟକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶ
  • ||
  • ରାଇରଙ୍ଗପୁର : ଅଣ୍ଡା ବଣ୍ଟନରେ ପାତର ଅନ୍ତର, ଅଭିଯୋଗ କଲେ ନାଁ କାଟିଦେବାକୁ ଅଙ୍ଗନବାଡି ଦିଦି ଦେଉଛନ୍ତି ଧମକ
  • ||
  • ସାଲେପୁର : ନଦୀ ପଠାରେ ପଡିଛି ଅଜଣା ଯୁବକଙ୍କ ମୃତଦେହ, କାରଣ ଅସ୍ପଷ୍ଟ
  • ||
  • ଚିନ୍ତା ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୪ ଜଣଙ୍କ ଜୀବନ
  • ||
  • ଆଜି ୧୦ ଜିଲ୍ଲାରେ ଅତିପ୍ରବଳ ବର୍ଷା ସମ୍ଭାବନା, ୨୭ ଯାଏଁ ଛେଚିବ
  • ||
  • ହ୍ରାସ ପରେ ପୁଣି ବଢୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୬୫୦ କୋଭିଡ୍ ପଜିଟିଭ୍ ଚିହ୍ନଟ
  • ||

ପରୀକ୍ଷାରେ କପି ରୋକିବାକୁ କର୍ତ୍ତୃପକ୍ଷଙ୍କ ଅଜବ ପଦକ୍ଷେପ, ଛାତ୍ରଛାତ୍ରୀ ପିନ୍ଧିଲେ କାର୍ଡବୋର୍ଡ ବାକ୍ସ

19/10/2019 at 7:28 PM

ବେଙ୍ଗାଲୁରୁ :  ପରୀକ୍ଷାରେ ଛାତ୍ରଛାତ୍ରୀଙ୍କ ଦ୍ୱାରା ଅନିୟମିତତା ଏକ ସାଧାରଣ କଥା। ଏଥିଲାଗି ବିଭିନ୍ନ ସମୟରେ ବିଭିନ୍ନ ପଦକ୍ଷେପ ମଧ୍ୟ ନିଆଯାଏ। ତେବେ କର୍ଣ୍ଣାଟକ ରାଜ୍ୟର ଏକ କଲେଜରେ ଛାତ୍ରଛାତ୍ରୀଙ୍କ କପି ରୋକିବା ଲାଗି ଅବଲମ୍ବନ କରିଥିବା ପଦକ୍ଷେପ ଏବେ ଚର୍ଚ୍ଚାର ବିଷୟ ପାଲଟିଛି। ଛାତ୍ରଛାତ୍ରୀ କାର୍ଡବୋର୍ଡ ବାକ୍ସ ମୁଣ୍ଡରେ ଲଗାଇ ପରୀକ୍ଷା ଦେଉଥିବାର ଭିଡିଓ ଏବେ ଭାଇରାଲ ହେବାରେ ଲାଗିଛି। ଘଟଣା ଜଣାପଡିବା ପରେ ରାଜ୍ୟ ସରକାର ସମ୍ପୃକ୍ତ କଲେଜକୁ ପ୍ରସଙ୍ଗରେ ସ୍ପଷ୍ଟିକରଣ ମାଗିଛନ୍ତି।

ମିଳିଥିବା ସୂଚନା ଅନୁସାରେ ଭଗତ ପ୍ରିୟୁନିଭର୍ସଟି କଲେଜ ପରୀକ୍ଷାରେ ଏଭଳି ନୀତି ଅବଲମ୍ବନ କରାଯାଇଥିଲା। କଲେଜ କର୍ତ୍ତୃପକ୍ଷ ଛାତ୍ରଛାତ୍ରୀଙ୍କ କପି ରୋକିବା ଲାଗି ସେମାନଙ୍କୁ ମୁଣ୍ଡରେ କାର୍ଡବୋର୍ଡ ବାକ୍ସ ପିନ୍ଧି ପରୀକ୍ଷାରେ ବସିବା ଲାଗି ନିର୍ଦ୍ଦେଶ ଦେଇଥିଲେ। ତେବେ କଲେଜରେ ଅର୍ଥଶାସ୍ତ୍ର ଓ ରସାୟନ ପରୀକ୍ଷା ଦିନର ଭିଡିଓ ସୋସାଲ ମିଡିଆରେ ଭାଇରାଲ ହେବା ପରେ ଘଟଣା ସମ୍ପର୍କରେ ଜଣାପଡିଛି। ୫୦ ଜଣ ଛାତ୍ରଛାତ୍ରୀ ମୁଣ୍ଡରେ ବାକ୍ସ ଲଗାଇ ପରସ୍ପର ଦୃଷ୍ଟି ଆଢୁଆଳରେ ପରୀକ୍ଷା ଦେଉଥିବା ହାବେରୀ ଜିଲ୍ଲୀ ଡେପୁଟି ଡାଇରେକ୍ଟର ଅଫ ପବ୍ଲିକ୍ ଇଂଷ୍ଟ୍ରକ୍ସନ (ଡିଡିପିଆଇ) କହିଛନ୍ତି।

ତେବେ ଏ ନେଇ ଶିକ୍ଷା ବିଭାଗ ପକ୍ଷରୁ କଲେଜକୁ ଏପରି କୌଣସି ନିର୍ଦ୍ଦେଶ ଦିଆଯାଇ ନଥିବା ସମ୍ପୃକ୍ତ ଅଧିକାରୀ କହିଛନ୍ତି। ସେହିପରି ଶିକ୍ଷା ବିଭାଗ ନିୟମରେ ପରୀକ୍ଷାରେ କପି ରୋକିବା ଲାଗି କେଉଁଠି ଛାତ୍ରଛାତ୍ରୀଙ୍କୁ ମୁଣ୍ଡରେ କାର୍ଡବୋର୍ଡ ବାକ୍ସ ପିନ୍ଧି ପରୀକ୍ଷା ଦେବାର ନିୟମ ମଧ୍ୟ ନଥିବା ଅଧିକାରୀ କହିଛନ୍ତି। ରାଜ୍ୟ ଶିକ୍ଷାମନ୍ତ୍ରୀ ଏସ.ସୁରେଶ କୁମାର ମଧ୍ୟ କଲେଜ କର୍ତ୍ତୃପକ୍ଷଙ୍କ ଏଭଳି କାର୍ଯ୍ୟ କେବେବି ସ୍ୱୀକାରଯୋଗ୍ୟ ନୁହେଁ ବୋଲି କହିଥିବା ବେଳେ ମାମଲାର ତଦନ୍ତ ନିର୍ଦ୍ଦେଶ ଦେଇଛନ୍ତି।  

   Related Posts