ଶ୍ୟାମାଖୁଣ୍ଟା ୨୮|୨: ଦାବି ଜଣାଇବାକୁ ୧୧ କିଲୋମିଟର ଚାଲିଲେ ଛାତ୍ର । ଜିଲ୍ଲାପାଳଙ୍କ ନିକଟରେ ଅଭିଯୋଗ କରିବାକୁ ୧୧କିଲୋମିଟର ରାସ୍ତା ଚାଲି ଚାଲି ଗଲେ ଛାତ୍ର । ମୟୁରଭଞ୍ଜ ଶ୍ୟାମାଖୁଣ୍ଟା ବ୍ଲକ୍ କେନ୍ଦୁଆ ନୋଡାଲ ପ୍ରାଇମେରୀ ସ୍କୁଲରେ ଏହି ଘଟଣା ଘଟିଛି । ୧୭ ଜଣ ଛାତ୍ର ୧୧ କିଲୋମିଟର ଚାଲି ଚାଲି ଜିଲ୍ଲାପାଳଙ୍କୁ ଭେଟିବାକୁ ଆସିଛନ୍ତି । ସ୍କୁଲର ବିଭିନ୍ନ ସମସ୍ୟା ଓ ମଧ୍ୟାହ୍ନ ଭୋଜନରେ ଅନିୟମିତତା ଅଭିଯୋଗ ନେଇ ଜିଲ୍ଲାପାଳଙ୍କୁ ଅବଗତ କରାଇବାକୁ ସେମାନେ ଆସିଥିବା କହିଛନ୍ତି । ଅଭିଯୋଗ ନେଇ ବାରମ୍ବାର ସ୍କୁଲ କର୍ତ୍ତୃପକ୍ଷଙ୍କୁ ଜଣାଇଥିଲେ ବି କୌଣସି ସୁଫଳ ନ ମିଳିବାରୁ ବାଧ୍ୟ ହୋଇ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିବାକୁ ଆସିଥିବା ସେମାନେ କହିଛନ୍ତି ।

{"id":89377}

ସୂଚନାଯୋଗ୍ୟ ଯେ, ମୟୂରଭଞ୍ଜ ଜିଲ୍ଲା ଶ୍ୟାମାଖୁଣ୍ଟା ବ୍ଲକ୍ ଅନ୍ତର୍ଗତ କେନ୍ଦୁଆ ନୋଡାଲ ହାଇସ୍କୁଲରେ ଏଭଳି ଘଟଣା ଦେଖିବାକୁ ମିଳିଛି । ଏହି ସ୍କୁଲର ହଷ୍ଟେଲରେ ରୁହନ୍ତି ୪୦ ଆଦିବାସୀ ଛାତ୍ର। ସେମାନଙ୍କ ମଧ୍ୟରୁ ୧୭ଜଣ ଛାତ୍ର ଆଜି ସ୍କୁଲରୁ ବାହାରି ୧୧ କିମି ଦୂର ବାରିପଦା ସ୍ଥିତ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିଥିଲେ । ହଷ୍ଟେଲରେ ଦିଆଯାଉଥିବା ଖାଦ୍ୟ ଅତି ନିମ୍ନମାନର ସହିତ ଅତି ଅଳ୍ପ ମାତ୍ରାରେ ଖାଦ୍ୟ ପ୍ରଦାନ କରାଯାଉଥିବା ଛାତ୍ରମାନେ ଅଭିଯୋଗ କରିଛନ୍ତି  । କେବଳ ସେତିକି ନୁହେଁ, ଏ ବାବଦରେ ପ୍ରତିବାଦ କଲେ ବିଭିନ୍ନ ସମୟରେ ସେମାନଙ୍କୁ ହଷ୍ଟେଲ ଦାୟିତ୍ବରେ ଥିବା ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀଙ୍କ ମାଡ ମଧ୍ୟ ମାରିଥାନ୍ତି ବୋଲି ଅଭିଯୋଗ କରିଛନ୍ତି ।

{"id":89378}

ଏ ନେଇ ଛାତ୍ରଛାତ୍ରୀମାନେ ପଞ୍ଚାୟତ ସମିତି ସଦସ୍ୟାଙ୍କୁ ପୂର୍ବରୁ ଜଣାଇଥିଲେ । ମାତ୍ର ତାଙ୍କ ଅଭିଯୋଗ କେହି ଶୁଣିନଥିଲେ । ଶେଷରେ ବାଧ୍ୟ ହୋଇ ଆଜି ଭୋରରୁ ସ୍କୁଲରୁ ବାହାରି ଚାଲି ଚାଲି ପିଲାମାନଙ୍କୁ ନେଇ ଜିଲ୍ଲାପାଳଙ୍କ ପାଖରେ ଅଭିଯୋଗ କରିବାକୁ ଆସିଥିଲେ ସମିତି ସଦସ୍ୟା ।

{"id":89379}

ତେବେ ପିଲାମାନେ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚିବା ପରେ ସେଠାରେ ବିଦ୍ୟାଳୟର ଭାରପ୍ରାପ୍ତ ପ୍ରଧାନଶିକ୍ଷୟିତ୍ରୀ ତରୁଲତା ହରିଭକ୍ତ ବହେରା ପହଞ୍ଚିଥିଲେ । ଘଟଣାକୁ ବୁଝିବା ବଦଳରେ ଓଲଟା ପିଲାମାନଙ୍କୁ ନେଇ ଆସିଥିବା ସମିତି ସଦସ୍ୟାଙ୍କ ସହ ବଚସା କରିଥିଲେ। ଏଥି ସହିତ ସମ୍ପୂର୍ଣ୍ଣ ଘଟଣା ଏକ ରାଜନୈତିକ ଷଡଯନ୍ତ୍ର ବୋଲି ଅଭିଯୋଗ ମଧ୍ୟ କରିଥିଲେ ।

{"id":89381}

ଅଭିଯୋଗ ଶୁଣିବା ପରେ ଜିଲ୍ଲାମଙ୍ଗଳ ଅଧିକାରୀ ସ୍ମୃତିରଞ୍ଜନ ବେହେରା ପ୍ରାୟ ୧ ଘଣ୍ଟା ବିଳମ୍ବରେ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ପିଲାମାନଙ୍କ ସହ ଆଲୋଚନା କରିଥିଲେ । ତେବେ ଏ ଘଟଣା ବାବଦରେ ତାଙ୍କୁ ପଚାରିବାରୁ ସେ କୌଣସି ପ୍ରକାର ପ୍ରତିକ୍ରିୟା ଦେଇନଥିଲେ ।

{"id":89382}

ପିଲାମାନେ ଦୀର୍ଘ ସମୟ ଅପେକ୍ଷା କରିବା ପରେ ଅତିରିକ୍ତ ଜିଲ୍ଲାପାଳ ସେଠାରେ ପହଞ୍ଚି ପିଲାମାନଙ୍କ ସହ ଆଲୋଚନା କରିଥିଲେ ତଦନ୍ତ ପରେ ଉଚିତ୍ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପ୍ରତିଶ୍ରୁତି ଦେବା ପରେ ପିଲାମାନେ ବିଦ୍ୟାଳୟକୁ ଫେରି ଯାଇଛନ୍ତି।