Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||
  • ଭୁବନେଶ୍ବର : ବିନା ଛୁଞ୍ଚିରେ ଟିକା ନେବେ ଶିଶୁ, ଦୁଇଟି ଡୋଜ୍ ନେବା ପାଇଁ ପରାମର୍ଶ
  • ||
  • ଅନୁଗୋଳ : ପ୍ରାତଃ ଭ୍ରମଣରେ ଯାଇଥିବା ବେଳେ ପଡିଗଲେ ହାତୀ ହାବୁଡରେ, ଚାଲିଗଲା ଜୀବନ
  • ||

କେରଳକୁ ପୁଣି ନିପା ଭାଇରସ ଫରିଥିବା ସନ୍ଦେହ, ତଥ୍ୟ ପୁଷ୍ଟି ପାଇଁ ପୁଣେ ଏନଆଇଭିଙ୍କ ରିପୋର୍ଟକୁ ଅପେକ୍ଷା

3/06/2019 at 7:29 PM

କୋଚ୍ଚି ୩।୬:  କେରଳକୁ ପୁଣିଥରେ ଫେରିଛି ନିପା ଭୂତାଣୁ। ଏର୍ଣ୍ଣାକୁଲମର ଏକ ଘରୋଇ ହସ୍ପିଟାଲରେ ଭର୍ତ୍ତି ହୋଇଥିବା ଜଣେ ୨୩ ବର୍ଷିୟ ଯୁବକ ଏହି ଭୂତାଣୁ ସଂକ୍ରମଣର ଶିକାର ହୋଇଥିବା ସନ୍ଦେହ କରାଯାଉଛି। ଏହାର ସତ୍ୟାସତ୍ୟ ଯାଞ୍ଚ ପାଇଁ ପୁଣେସ୍ଥିତ ନ୍ୟାସନାସ ଇନଷ୍ଟିଚ୍ୟୁଟ୍ ଅଫ ଭାଇରୋଲଜି ଏନଆଇଭିଙ୍କୁ ନମୁନା ପଠାଯାଇଛି। ରିପୋର୍ଟ ମିଳିବା ପରେ ନିପା ଭୂତାଣୁ ସଂକ୍ରମଣ ସ୍ପଷ୍ଟ ହେବ ବୋଲି କୁହାଯାଇଛି। ଗତବର୍ଷ ରାଜ୍ୟରେ ଏହି ଭୂତାଣୁ ସଂକ୍ରମଣ ଯୋଗୁ ସରକାରୀ ସୂଚନା ଅନୁସାରେ ୧୭ ଜଣଙ୍କର ମୃତ୍ୟୁ ହୋଇଥିଲା। ଏପରିକି ରୋଗୀଙ୍କ ଚିକିତ୍ସା ଡ୍ୟୁଟିରେ ଥିବା ଜଣେ ସ୍ବାସ୍ଥ୍ୟକର୍ମୀ ମଧ୍ୟ ଭୂତାଣୁ ସଂକ୍ରମଣ ଯୋଗୁ ପ୍ରାଣହରାଇଥିଲେ।  

ତେବେ ନିପା ସଂକ୍ରମଣ ଆଶଙ୍କା କରାଯିବା ପ୍ରଘଟ ହେବା ପରେ ରାଜ୍ୟରେ ସରକାରଙ୍କ ପକ୍ଷରୁ ବ୍ୟାପକ ସତର୍କତା ଅବଲମ୍ବନ କରାଯାଉଛି। ରାଜ୍ୟ ସ୍ବାସ୍ଥ୍ୟମନ୍ତ୍ରୀ କେ.କେ. ଶୈଳଜା ସଂକ୍ରମଣର ମୁକାବିଲା ଲାଗି କଲାମସେରୀ ମେଡିକାଲ କଲେଜରେ ଆଇସୋଲେଟେଡ ଓ୍ବାର୍ଡ ସ୍ଥାପନା କରାଯାଇଥିବା କହିଛନ୍ତି। ସେପଟେ ଏର୍ଣ୍ଣାକୁଲମ ଜିଲ୍ଲା ସ୍ବାସ୍ଥ୍ୟ ଅଧିକାରୀଙ୍କ ସହ ରାଜ୍ୟ ସ୍ବାସ୍ଥ୍ୟ ସଚିବ ପରିସ୍ଥିତି ସମୀକ୍ଷା କରିଥିବା ମଧ୍ୟ ଜଣାପଡିଛି। ବେୈଠକରେ ବିଶେଷଜ୍ଞଙ୍କ ଏକ ଟିମକୁ କୋଝିକୋଡେ ପଠାଇବାକୁ ନିଷ୍ପତ୍ତି ହୋଇଥିବା ସ୍ବାସ୍ଥ୍ୟ ସଚିବ ରାଜନ ଖୋବରାଗଡେ କହିଛନ୍ତି। ସେହିପରି ନିପାହ ସନ୍ଦିଗ୍ଧଙ୍କ ଉପରେ ନଜର ରଖିବା ପାଇଁ ମଧ୍ୟ ଏକ ଟିମ ଗଠନ କରାଯିବ ବୋଲି କହିଛନ୍ତି ସଚିବ।

ସେପଟେ ନିପା ଭୂତାଣୁ ସମ୍ପର୍କରେ ଲୋକଙ୍କୁ ସଚେତନ କରିବା ପାଇଁ ମଧ୍ୟ ପଦକ୍ଷେପ ନିଆଯାଇଛି। ଯଦି ଜ୍ବର, ମୁଣ୍ଡବିନ୍ଧା ସହ ମାଂସପେଶୀ ଟାଣି ହୁଏ ଓ ବାନ୍ତି ଲାଗିବା ସହ ତଣ୍ଟି ଦରଜ ଭଳି ଇନଫ୍ଲୁଏଞ୍ଜା ଲକ୍ଷଣ ପ୍ରକାସ ପାଏ ତେବେ ତୁରନ୍ତ ନିକଟସ୍ଥ ହସ୍ପିଟାଲକୁ ଯିବା ପାଇଁ ଲୋକଙ୍କୁ ପରାମର୍ଶ ଦିଆଯାଇଛି। ଗତବର୍ଷ ମେ ମାସରେ ନିପା ଭୂତାଣୁ ସଂକ୍ରମଣ ଯୋଗୁ କେରଳରେ ୧୭ଜଣଙ୍କ ମୃତ୍ୟୁ ହୋଇଥିବା ସରକାରୀ ରେର୍ଡରୁ ଜଣାପଡିଛି ।

   Related Posts