କଟକ ୨୯|୧୨: ଏଏସ୍ଓ ପରୀକ୍ଷା ଘୁଞ୍ଚାଇବା ଦାବିରେ OPSC ଅଫିସ ସାମ୍ନାରେ ପରୀକ୍ଷାର୍ଥୀଙ୍କ ବିକ୍ଷୋଭ । ଜାନୁଆରୀ ୨୦ରେ ଏଏସ୍ଓ ପରୀକ୍ଷା ସହ ଆସିଷ୍ଟାଣ୍ଟ ଲୋକୋ ପାଇଲଟ୍ ରେଲ୍ଓ୍ବେ ପରୀକ୍ଷା ସହ ଆଇବିପିଏସ୍ ବ୍ୟାଙ୍କିଙ୍କ୍ ପରୀକ୍ଷା ଅଛି । ଗୋଟିଏ ଦିନରେ ତିନି ତିନିଟା ପରୀକ୍ଷା ଥିବାରୁ ଏଏସ୍ଓ ପରୀକ୍ଷା ଘୁଞ୍ଚାଇବାକୁ ଦାବି କରିଛନ୍ତି ପରୀକ୍ଷାର୍ଥୀ । …
{"id":68523}
OPSC ଅଫିସ୍ ଆଗରେ ପରୀକ୍ଷାର୍ଥୀଙ୍କ ପ୍ରତିବାଦ । ପରୀକ୍ଷା ଘୁଞ୍ଚାଇବାକୁ ଏଠି ଏକାଠି ହୋଇଛନ୍ତି ଆଶାୟୀ ପ୍ରାର୍ଥୀ । ଆସିଷ୍ଟାଣ୍ଟ ସେକ୍ସନ ଅଫିସର ବା ଏଏସ୍ଓ ପରୀକ୍ଷା ଡିସେମ୍ବର ୨୩ରେ ହେବାର ଥିଲା । କିନ୍ତୁ ତାକୁ ଜାନୁଆରୀ ୨୦ ତାରିଖକୁ ଘୁଞ୍ଚାଇ ଦିଆଯାଇଛି । ଯାହାର ପ୍ରତିବାଦରେ ପରୀକ୍ଷାର୍ଥୀମାନେ ବିକ୍ଷୋଭ କରିଛନ୍ତି । କାରଣ ସେହି ଗୋଟିଏ ଦିନରେ ଆସିଷ୍ଟାଣ୍ଟ ଲୋକୋ ପାଇଲଟ୍ ରେଲ୍ଓ୍ବେ ପରୀକ୍ଷା ସହ ଆଇବିପିଏସ୍ ବ୍ୟାଙ୍କିଙ୍କ୍ ପରୀକ୍ଷା ଅଛି । ତେଣୁ ଏଏସ୍ଓ ପରୀକ୍ଷା ଦେବାରେ ଅସୁବିଧା ହେବ ବୋଲି ପରୀକ୍ଷାର୍ଥୀମାନେ ଅଭିଯୋଗ କରିଛନ୍ତି ।
{"id":68524}
ପୂର୍ବରୁ ଓପିଏସ୍ସି କର୍ତ୍ତୃପକ୍ଷଙ୍କୁ ପରୀକ୍ଷାର୍ଥୀମାନେ ଲିଖିତ ଅଭିଯୋଗ କରିଥିଲେ । କିନ୍ତୁ ପରୀକ୍ଷା ତାରିଖ ନିର୍ଦ୍ଧାରଣ ନେଇ କୌଣସି ସ୍ପଷ୍ଟୀକରଣ ନମିଳିବାରୁ ଏଏସ୍ଓ ପରୀକ୍ଷାର୍ଥୀମାନେ ଏବେ ଚିନ୍ତାରେ । ୨୦୧୨ ପରେ ୨୦୧୮ରେ ଏଏସ୍ଓ ପରୀକ୍ଷା ପାଇଁ ବିଜ୍ଞପ୍ତି ବାହାରିଛି । ଦୀର୍ଘ ଦିନ ପରେ ଏହି ପରୀକ୍ଷା ହେଉଥିବାରୁ ବୟସ ଅତିକ୍ରମ କରିଯାଉଥିବା ପିଲାମାନେ ଏହାକୁ ହାତଛଡା କରିବାକୁ ଚାହୁଁ ନାହାନ୍ତି । ତେବେ ପୂର୍ବ ନିଷ୍ପତ୍ତି ମୁତାବକ ଡିସେମ୍ବର ୨୩ରେ ପରୀକ୍ଷାର୍ଥୀଙ୍କ ପାଇଁ ସିଟିଂ ଆରେଞ୍ଜମେଣ୍ଟ ହୋଇପାରି ନଥିବାରୁ ଏହାକୁ ଜାନୁୟାରୀ ୨୦ ତାରିଖକୁ ଘୁଞ୍ଚାଯାଇଥିବା ସୂଚନା ମିଳିଛି ।
{"id":68525}
