Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମାତ୍ର ୬୦ ସେକେଣ୍ଡରେ ଜଣାପଡିବ ଶରୀରର ରକ୍ତ ସର୍କରା, ଛୁଞ୍ଚିର ଭୟ ରହିବନି… ଆସିଗଲା ନୂଆ ମେସିନ୍
  • ||
  • ଖଲ୍ଲିକୋଟ : ପଞ୍ଚାୟତ ନିର୍ବାଚନ ପାଇଁ ଗଞ୍ଜାମ ଜିଲ୍ଲାର ଚୂଡାନ୍ତ ପ୍ରାର୍ଥୀ ତାଲିକା ପ୍ରକାଶ, ମୈଦାନରେ ୧୩ ହଜାର ୬୭୫ ପ୍ରାର୍ଥୀ
  • ||
  • ସମ୍ବଲପୁର : ଭୀମସାର ଡାକ୍ତରୀ ଛାତ୍ରୀଙ୍କ ଆତ୍ମହତ୍ୟା ଉଦ୍ୟମ, ଗୋଡ ଭାଙ୍ଗିବା ସହ ଶରୀରରେ ଲାଗିଛି ଆଘାତ
  • ||
  • ଭୁବନେଶ୍ବର : ଜାଲ୍‌ ପ୍ରମାଣପତ୍ର ଦେଇ ୩କୋଟି ୬୮ଲକ୍ଷ ଟଙ୍କା ଠକେଇ ଅଭିଯୋଗ, ପିଏନବି ପୂର୍ବତନ ମୁଖ୍ୟ ପରିଚାଳକ ସମେତ ୩ ଗିରଫ
  • ||
  • ଭୁବନେଶ୍ବର : କୋଭିଡ୍‌ର କେବେ ବି ଅନ୍ତ ହେବନାହିଁ : ସ୍ଵାସ୍ଥ୍ୟ ନିର୍ଦ୍ଦେଶକ
  • ||
  • ଭୁବନେଶ୍ବର : ରାଜ୍ୟରେ କରୋନା ସଂକ୍ରମଣ କମିବା ନେଇ ମିଳିଲାଣି ସଂକେତ : SRC
  • ||
  • ପୁରୀ : ମହିଳାଙ୍କ ଅଶ୍ଳୀଳ ଫଟୋ ଓ ଭିଡିଓ ଭାଇରାଲ୍ ପଡିଲା ମହଙ୍ଗା, ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୪୨କୁ ବୃଦ୍ଧି
  • ||
  • ରାଜ୍ୟରେ ପୁଣି ବଢିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୭୪୨୬ କୋଭିଡ୍ ପଜିଟିଭ୍, ୧୨୨୫୨୬୮ରେ ପହଞ୍ଚିଲା ସଂଖ୍ୟା
  • ||
  • କମିବ ତାପମାତ୍ରା, ୨୮ରୁ ବଢିବ ଶୀତ
  • ||

ବାନ୍ଧବୀଙ୍କୁ ଦେଖା କରିବା ପାଇଁ ଭଦ୍ରକ ଷ୍ଟେଶନରେ ଚଳନ୍ତା ଟ୍ରେନରୁ ଡେଇଁପଡିଲେ ଯୁବକ

6/10/2018 at 5:04 PM

ଭଦ୍ରକ ୬|୧୦: ବାନ୍ଧବୀକୁ ଦେଖା କରିବା ପାଇଁ ଚଳନ୍ତା ଟ୍ରେନରୁ ଡେଇଁ ପଡିଲେ ଯୁବକ । ଜୀବନ ସିନା ବଂଚି ଯାଇଛି, ହଲେ ଗୁରୁତର ଆହତ ହୋଇ ଡାକ୍ତରଖାନାରେ ଚିକିତ୍ସା ହେଉଛନ୍ତି । ଭଦ୍ରକ ରେଳ ଷ୍ଟେସନର ତିନି ନମ୍ବର ପ୍ଲାଟ ଫର୍ମରେ ଆଜି ଘଟିଥିଲା ଏମିତି ଏକ ଦୁର୍ଘଟଣା । ଟ୍ରେନର ଷ୍ଟପେଜ ଭଦ୍ରକରେ ନଥିଲା । ତବେ ବାନ୍ଧବୀ ଅପେକ୍ଷା କରି ରହିଥିଲା । ଆଗ ପଛ ନଭାବି ଚଳନ୍ତା ଟ୍ରେନରୁ ଡେଇଁ ପଡିଲେ ଏହି ଯୁବକ । ଭୂବନେଶ୍ବରର ଏକ ଘରୋଇ ଇଂଡିନିୟରିଂ କଲେଜରେ ପଢୁଥିବା ଛାତ୍ର ଏଭଳି କାମ କରିଛନ୍ତି ଆଉ ଏବେ ଡାକ୍ତରଖାନାରେ ମୃତ୍ୟୁ ସହ ସଂଗ୍ରାମ କରୁଛନ୍ତି ।

ସୂଚନାଯୋଗ୍ୟ ଯେ, ଭଦ୍ରକ ରେଳ ଷ୍ଟେସନର ତିନି ନମ୍ବର ପ୍ଲାଟ ଫର୍ମ ଦେଇ ଯାଉଥିଲା ପ୍ରଶାନ୍ତି ହାୱଡା ଏକ୍ସପ୍ରେସ । ଏହି ଟ୍ରେନର ଭଦ୍ରକରେ ଷ୍ଟପେଜ ନଥାଏ । ତବେ ଏକଥା ଜଣା ନଥିଲା ସେହି ଟ୍ରେନରେ ଆସୁଥିବା ଅଭିନନ୍ଦନ କୁମାରଂକୁ । ଆଉ ତାକୁ ଦେଖା କରିବା ପାଇଁ ଅପେକ୍ଷା କରିଥିବା ତାଙ୍କ ବାନ୍ଧବୀ ବି ଏକଥା ଜାଣି ନଥିଲେ । ହେଲେ ଭଦ୍ରକ ଷ୍ଟେସନରେ ଟ୍ରେନ ନରହିବାରୁ ବିବ୍ରତ ହୋଇପଡିଥିଲେ ଯୁବକ । ଭଦ୍ରକ ରେଳ ଷ୍ଟେସନରେ ଦ୍ରୁତ ଗତିରେ ଟ୍ରେନ ଅତିକ୍ରମ କରୁଥିବାବଳେ ହିଁ ସେ ଡେଇଁ ପଡିଥିଲେ । ରକ୍ତ ଜୁଡୁବୁଡୁ ଅବସ୍ଥାରେ ଚେତା ଶୂନ୍ୟ ହୋଇ ପଡିଗଲେ । ତାଙ୍କ ମୋବାଇଲ ଫୋନରୁ ଲାଷ୍ଟ କଲକୁ ଡାଏଲ କଲେ ପୋଲିସ, କଲ ରିସିଭ୍ କଲେ ତାଙ୍କ ବାନ୍ଧବୀ । ଦମକଳ ସହାୟତାରେ ତୁରନ୍ତ ଅଣାଗଲା ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ।

ଏହି ଦୃଶ୍ୟ ଦେଖି ଭଦ୍ରକ ରେଳ ଷ୍ଟେସନର ଯାତ୍ରୀ ତାଜୁବ ହୋଇଯାଇଥିଲେ । ଚଳନ୍ତା ଟ୍ରେନରୁ କାହିଁକି ଡେଇଁଲେ ଯୁବକ । କେହି କିଛି ବୁଝି ପାରିନଥିଲେ । ପରେ ସବୁ କଥା ଜଣା ପଡିଲା । ଯୁବକର ଘର ବିହାରରେ । ସେ ଭୂବନେଶ୍ବରର ଏକ ଘରୋଇ ଇଂଜିନିୟରିଂ କଲେଜରେ ବିଟେକ୍ ପଢୁଛନ୍ତି । ଆଉ ତାଙ୍କ ବାନ୍ଧବୀ ମଧ୍ୟ ତାଙ୍କ କ୍ଲାସ ମେଟ୍ । ତବେ ତାଙ୍କ ସ୍ବାସ୍ଥ୍ୟାବସ୍ଥା ଗୁରୁତର ଥିଲେ ବି ଡାକ୍ତର ନଜର ରଖିଛନ୍ତି ।

ଟ୍ରେନରେ ଯାତ୍ରା କରିବାବଳେ ଗନ୍ତବ୍ୟ ସ୍ଥଳରେ ସଂପୃକ୍ତ ଟ୍ରେନର ଷ୍ଟପେଜ ଅଛିକି ନାହିଁ ଜାଣିବା ଜରୁରୀ ବୋଲି ଆଜିର ଘଟଣା ସତର୍କ କରାଇ ଦେଇଛି ।

   Related Posts