Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||
  • ଶୀତ ଖେଳୁଛି ଲୁଚକାଳି : ଆଜି ବଢିବ ଥଣ୍ଡା, କିନ୍ତୁ କାଲି କମିଯିବ
  • ||
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||

ଭୂତର ଧମକ : ‘ମୁଁ ପାଠ ପଢିପାରିଲିନାହିଁ କି ପରୀକ୍ଷା ଦେଇପାରିଲିନାହିଁ ତୁମକୁ ମଧ୍ୟ ପଢିବାକୁ ଦେବିନାହିଁ’… ପଢନ୍ତୁ ପୂରା ଘଟଣା

23/10/2019 at 4:15 PM

ବ୍ରହ୍ମପୁର (ସୁରଜିତ୍ କୁମାର ପଣ୍ଡା) ୨୩।୧୦: ଭୂତ ନାଁ ଶୁଣିଲେ ସମସ୍ତଙ୍କ ମନରେ ସାଧାରଣତଃ ଭୟ ସୃଷ୍ଟି ହୋଇଥାଏ । ଭୂତ ପ୍ରକୃତରେ କ’ଣ ?  ସତରେ କଣ ଭୂତ ଅଛି କି ?  ଏଭଳି ଅନେକ ପ୍ରଶ୍ନକୁ ନେଇ ଏବେ ଛାତ୍ରଛାତ୍ରୀ, ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକମାନେ ଭୟଭୀତ ହୋଇପଡିଛନ୍ତି ।

ଭୂତ ଅଛି କି ନାହିଁ କେହି ଜାଣନ୍ତି ନି । କିନ୍ତୁ ଭୂତକୁ ନେଇ ସମସ୍ତେ ବିଶ୍ବାସ କରନ୍ତି ।  ଗଂଜାମ ଜିଲ୍ଲା  ବୁଗୁଡା ବାଲିପଦର ବାଳିକା ବିଦ୍ୟାଳୟରେ ଦେଖିବାକୁ ମିଳିଛି  ଅଭାବନୀୟ ଘଟଣା। ପାଠପଢା ଚାଲିଥିବା ବେଳେ କିଛି ଛାତ୍ରୀଙ୍କୁ ଲାଗିଲା ଭୂତ । ଭୂତ ଭୟରେ ପାଠପଢା ଅଧାରୁ ବନ୍ଦ ହୋଇଗଲା । ଏହି ଭିଜୁଆଲ୍ କୁ ଟିକେ ଭଲଭାବେ ଦେଖନ୍ତୁ ।

ଦେଖନ୍ତୁ ଏହି ଭିଜୁଆଲକୁ । ଛାତ୍ରୀ ଜଣକୁ କୁଆଡେ ଭୂତ ଲାଗିଛି । କାହାକୁ ଜଣକୁ ନେବାକୁ ଆସିଛି ବୋଲି କହୁଛି । ସ୍କୁଲର ଶିକ୍ଷକ ଶିକ୍ଷୟିତ୍ରୀମାନେ ଛାତ୍ରୀ ଜଣକୁ ଜାବୁଡି ଧରି ପ୍ରଶ୍ନ ପରେ ପ୍ରଶ୍ନ ପଚାରୁଛନ୍ତି । ସେପଟେ ଛାତ୍ରୀ ଜଣକୁ ଆସିଥିବା ଭୂତ ଉତ୍ତର ମଧ୍ଯ ଦେଉଛି । କହୁଛି ମୋତେ ମୋର ଗୁରୁ ପଠାଇଛି । ତେବେ ଗୁରୁ କିଏ, ଗୁରୁର ନାମ କଣ କହୁନାହିଁ । ଏପରିକି ମୋତେ କିଏ ମାରୁଛି ବୋଲି ଛାତ୍ରୀ ଜଣକ କହି କାନ୍ଦୁଥିବା ଦେଖିବାକୁ ମିଳିଛି ।ଏହି ଦୃଶ୍ୟ ଦେଖିଲା ବେଳକୁ ଦେହ ଶୀତେଇ ଯାଉଛି । ସତରେ କଣ ଭୂତ ଆସିଛି କି, ନା ଆଉ କଣ ?  କଣ ହୋଇଛି ଛାତ୍ରୀଙ୍କୁ  ?

ସୂଚନାଯୋଗ୍ୟ ଯେ, ଗତ ଅଗଷ୍ଟ ମାସ ୨୫ ତାରିଖରେ ସ୍କୁଲର ଜଣେ ଛାତ୍ରୀଙ୍କର ତାଙ୍କ ଘରେ ମୃତ୍ୟୁ ହୋଇଥିଲା । ତାଙ୍କୁ କେହି ତନ୍ତ୍ର କରି ମାରିଦେଇଥିବା କୁହାଯାଉଛି । ସେହିଦିନଠାରୁ ବିଭିନ୍ନ ସମୟରେ ସ୍କୁଲର ଛାତ୍ରୀମାନଙ୍କ ଦେହେ ଭୂତ ସବାର ହେଉଥିବା ଅଭିଯୋଗ ହୋଇଆସୁଛି । ଭୟ ଲାଗୁ ଥିବାରୁ ଠିକ୍ ରେ ସ୍କୁଲ ଆସୁ ନଥିବା ବେଳେ ପାଠ ପଢିବାରେ ମଧ୍ୟ ମନ ଲାଗୁ ନାହିଁ ବୋଲି ଛାତ୍ରୀମାନେ କହିଛନ୍ତି । ହାତରେ ଡେଉଁରିଆ, ତାବିଜ୍, ଠାକୁରଙ୍କ ଲକେଟ୍ ପରିଧାନ କରିବା ସହ ଝଡାଫୁଙ୍କା ମଧ୍ୟ କରାଯାଉଥିବା ଛାତ୍ରୀମାନେ କହିଛନ୍ତି ।

ସ୍କୁଲ ହେଉ କି ଟ୍ୟୁସନ ଯେଉଁଠିକୁ ଗଲେ ଭୂତ ସବାର ହେଉଛି ବୋଲି ଅଭିଯୋଗ ହେଉଛି । ପଛରେ ଗୋଡାଉଛି ଭୂତ ।ମୁଁ ପାଠ ପଢି ପାରିଲି ନାହିଁ,  ପରୀକ୍ଷା ଦେଇପାରିଲି ନାହିଁ । ତୁମକୁ ମଧ୍ୟ ପଢାଇ ଦେବିନାହିଁ କି ପରୀକ୍ଷା ଦେବାକୁ ସୁଯୋଗ ଦେବି ନାହିଁ ବୋଲି କହୁଛି ଭୂତ । ଛାତ୍ରୀମାନଙ୍କୁ ଭୂତ ଲାଗି ପ୍ରେତଆତ୍ମା କହୁଥିବା ଅଭିଯୋଗ କରିଛନ୍ତି । ଘରେ ରହିବାକୁ ଭୟ ଲାଗୁଛି । ଗୁଣିଆ ନିକଟକୁ ନେଇ ଖର୍ଚ୍ଚାନ୍ତ କରି ଝଡାଫୁଙ୍କା କରିଛୁ । ହେଲେ କିଛି ସୁଫଳ ମିଳିନଥିବା କହିଛନ୍ତି ଛାତ୍ରୀମାନଙ୍କ ଅଭିଭାବକ । ସେପଟେ ସ୍କୁଲ କର୍ତ୍ତୃପକ୍ଷ ମଧ୍ୟ ନାଚାର । ବିଭିନ୍ନ ସମୟରେ ପରୀକ୍ଷା ବେଳେ ଛାତ୍ରୀମାନଙ୍କ ଶରୀରକୁ ଭୂତ ଆସି ହଇରାଣ ହରକତ କରୁଥିବା କହିଛନ୍ତି ସ୍କୁଲ ପ୍ରଧାନ ଶିକ୍ଷୟିତ୍ରୀ । ସ୍କୁଲ କାନ୍ଥରେ ଲୁହା କଣ୍ଟା ମାରି ପୂଜାର୍ଚ୍ଚନା ମଧ୍ୟ କରାଯାଇଛି । ତଥାପି କୌଣସି ପରିବର୍ତ୍ତନ ଆସିନାହିଁ । ଗତ ୨୧ ଏବଂ ୨୨ ତାରିଖରେ ଛାତ୍ରୀଙ୍କ ଶରୀରକୁ ଭୂତ ଆସି ୭ଜଣ ଝିଅ ଓ ଜଣେ ପୁଅକୁ ନେବି ବୋଲି କହୁଛି ।

ଭୂତ ଅଛି କି ନାହିଁ ଜଣାନାହିଁ । କିନ୍ତୁ କିଛିଟା ଭୌତିକ ଶକ୍ତି ଅଛି । ଏହାର ନିରାକରଣ ପାଇଁ ବିଭାଗୀୟ ଉଚ୍ଚ କର୍ତ୍ତୃପକ୍ଷଙ୍କୁ ଜଣାଇଥିବା ସ୍କୁଲର ପ୍ରଧାନ ଶିକ୍ଷୟିତ୍ରୀ କହିଛନ୍ତି । ସେପଟେ କୌଣସି ଛାତ୍ରୀଙ୍କଠାରେ ଅସ୍ବାଭାବିକ ସ୍ଥିତି ଦେଖିବାକୁ ମିଳିଲେ ଡାକ୍ତରଖାନାକୁ ନେବାକୁ ସ୍କୁଲ କର୍ତ୍ତୃପକ୍ଷଙ୍କ ପାଖକୁ ନେବାକୁ ପରାମର୍ଶ ଦେଇଥିବା ବିଇଓ କହିଛନ୍ତି ।

ତେବେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ଏ ଦିଗରେ କି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରୁଛନ୍ତି ତାହା ଆଗାମୀ ଦିନରେ ଜଣାପଡିବ ।

   Related Posts