Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗ୍ରୋସରୀ ଦୋକାନରୁ ଲୁଟ୍, ଲକ୍ଷାଧିକ ଟଙ୍କାର ସାମଗ୍ରୀ ଚୋରି
  • ||
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||

ଇଞ୍ଜିନିୟରିଂ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର, ପ୍ରେମିକର କଟକଣା ଅସହ୍ୟ ହେବାରୁ ଆତ୍ମହତ୍ୟା ସନ୍ଦେହ

3/01/2020 at 10:31 AM

ଭୁବନେଶ୍ବର ୩।୧: ଇଞ୍ଜିନିୟରିଂ ଛାତ୍ରୀଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ବେକରେ ଓଢ଼ଣି ଲଗାଇ ଫ୍ୟାନରେ ଆତ୍ମହତ୍ୟା କରିଥିବା ଜଣାପଡିଛି । ପ୍ରେମିକର କଟକଣା ଅସହ୍ୟ ହେବାରୁ ଛାତ୍ରୀ ଜଣଙ୍କ ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ମୃତ ଛାତ୍ରୀ ହେଲେ ପଶ୍ଚିମବଙ୍ଗ ମେଦିନାପୁରର ଝୁମ୍ପା ରେବନାଥ। ଛାତ୍ରୀ ଜଣଙ୍କ ଭୁବନେଶ୍ବ ସ୍ଥିତ ଏକ ଇଞ୍ଜିନିୟରିଂ କଲେଜରେ କମ୍ପ୍ୟୁଟର ସାଇନ୍ସ ବିଭାଗର ଚତୁର୍ଥ ବର୍ଷର ଛାତ୍ରୀ ଥିଲେ । ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ କ୍ୟାପିଟାଲ ହସ୍ପିଟାଲକୁ ପଠାଇଛି ।

ସୂଚନାଯୋଗ୍ୟ ଯେ, ୬ ମାସ ପୂର୍ବେ ଉକ୍ତ ଇଂଜିନିୟରିଂ କଲେଜରେ ପଢୁଥିବା ବିହାରର ଜଣେ ଛାତ୍ରଙ୍କ ସହ ଝୁମ୍ପାଙ୍କ ଦେଖା ହୋଇଥିଲା । ପରେ ଦୁଇ ଜଣଙ୍କ ମଧ୍ୟରେ ପ୍ରେମ ସମ୍ପର୍କ ଗଢି ଉଠିଥିଲା । ଗତ ଡିସେମ୍ବରଠାରୁ ଝୁମ୍ପା ପାଠପଢା ପାଇଁ ଅଧିକ ସମୟ ଦେଉଥିଲେ । ଯୁବକଙ୍କ ସହ କମ୍‌ ମିଶୁଥିଲେ । ଏହାକୁ ନେଇ ଦୁଇ ଜଣଙ୍କ ମଧ୍ୟରେ ଝଗଡ଼ା ଲାଗି ରହିଥିଲା । ଝୁମ୍ପାଙ୍କ ଉପରେ କଡ଼ା ନଜର ରଖିଥିଲେ ଯୁବକ ଜଣଙ୍କ ।

ଗୁରୁବାର ମଧ୍ୟାହ୍ନରେ ଝୁମ୍ପା ହଷ୍ଟେଲର ରୁମ୍‌ରେ ପଢ଼ୁଥିବା ବେଳେ ଯୁବକ ଜଣଙ୍କ ତାଙ୍କୁ ବାରମ୍ବାର ଫୋନ୍‌ କରିଥିଲେ । ହେଲେ ସେ ଫୋନ୍‌ ଉଠାଇ ନଥିଲେ । ଯୁବକ ଜଣଙ୍କ ରାଗିଯାଇ ହଷ୍ଟେଲରେ ପହଞ୍ଚି ଥିଲେ । ମହିଳା ହଷ୍ଟେଲ ଭିତରକୁ ଛାଡିବାକୁ ମନା କରିଦେଇଥିଲେ ସିକ୍ୟୁରିଟି ଗାର୍ଡ । ଯୁବକ ଜଣଙ୍କ ବାହାରେ ଗାଳିଗୁଲଜ କରି ଛାତ୍ରୀଙ୍କୁ ଡାକିବା ପାଇଁ କହିଥିଲେ । ସିକ୍ୟୁରିଟି ଗାର୍ଡ ରୁମକୁ ଯାଇ ଦେଖିଲା ବେଳକୁ ଝୁମ୍ପା ଓଢଣି ବେକରେ ବାନ୍ଧି ଫ୍ୟାନରେ ଝୁଲିପଡିଥିଲେ ।

ଏହାପରେ ସିକ୍ୟୁରିଟି ଗାର୍ଡ ପୋଲିସକୁ ଖବର ଦେଇଥିଲେ । ଇନଫୋସିଟି ଥାନା ପୋଲିସ ଘଟଣାସ୍ଥଳରେ ପହଞ୍ଚି ଯୁବତୀଙ୍କ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ କ୍ୟାପିଟାଲ୍‌ ହସ୍ପିଟାଲ୍‌ ପଠାଇଥିଲା । ତେବେ ଯୁବକଙ୍କ ପାଇଁ ଝୁମ୍ପା ଆତ୍ମହତ୍ୟା କରିଛି କି ଅନ୍ୟ କେଉଁ କାରଣ ପାଇଁ ତାହା ପୋଲିସ ସ୍ପଷ୍ଟ କରିନାହିଁ ।

   Related Posts