ସୋର ୭।୧୨: ବାଲେଶ୍ବର ଜିଲ୍ଲା ସିମୁଳିଆ ଥାନା କ୍ଷୀରକୋଣା ପଞ୍ଚାୟତ ନରଣପୁର ଗ୍ରାମରେ ଜଣେ ଛାତ୍ରୀଙ୍କର ଶ୍ବାସରୁଦ୍ଧ ହୋଇ ମୃତ୍ୟୁ ହୋଇଛି । ଆମ୍ବୁଲାନ୍ସ ଆସିବାରେ ବିଳମ୍ବ ହେବାରୁ ଛାତ୍ରୀଙ୍କ ମୃତ୍ୟୁ ହୋଇଥିବା ଅଭିଯୋଗ କରିଛନ୍ତି ପରିବାରଲୋକ ।
ସୂଚନାଯୋଗ୍ୟ ଯେ, ସିମୁଳିଆ ଥାନା ନରଣପୁର ଗ୍ରାମର ରମେଶ ମଲିକଙ୍କ ଝିଅ ଲତା ମଲିକଙ୍କର ଗତକାଲି ରାତିରେ ଛାତିରେ ଯନ୍ତ୍ରଣା ହୋଇଥିଲା । ଫଳରେ ପରିବାରଲୋକ ତାଙ୍କୁ ପ୍ରଥମେ ଖୀରକୋଣା ମେଡିକାଲରେ ଭର୍ତ୍ତି କରିଥିଲେ । ପରେ ସେଠାରୁ ସିମୁଳିଆ ମେଡିକାଲକୁ ଆଣିଥିଲେ। ସିମୁଳିଆ ମେଡିକାଲରେ ଲତାଙ୍କ ଦେହ ଅସୁସ୍ଥ ହେବାରୁ ତାଙ୍କୁ ଭଦ୍ରକ ମେଡିକାଲକୁ ସ୍ଥାନାନ୍ତର କରାଯାଇଥିଲା । ଗତକାଲି ରାତିରେ ୧୦୮ଆମ୍ବୁଲାନ୍ସକୁ ପରିବାର ଲୋକେ ଫୋନ୍ କରିଥିଲେ । ମାତ୍ର ଆମ୍ବୁଲାନ୍ସ ନଆସିବାରୁ ଲତାଙ୍କର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି।
