Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ମୁଣ୍ଡଳୀ ବ୍ୟାରେଜରୁ ଡେଇଁ ଜଣେ ନିଖୋଜ, ବ୍ରିଜ୍ ଉପରେ ଅଛି ଗାଡି ଓ ମୋବାଇଲ୍
  • ||
  • ଖୋର୍ଦ୍ଧା : ଯୁବକକୁ ଖୋଜି ଆଣିବା ଦାବିରେ ଏସ୍‌ପି ଅଫିସ୍ ଘେରାଉ, ରବିବାରଠୁ ଗାଈ ଚରେଇବାକୁ ଯାଇ ଅଛନ୍ତି ନିଖୋଜ
  • ||
  • ଚାନ୍ଦବାଲି : ଖେଳୁଥିବା ବେଳେ ପୋଖରୀରେ ବୁଡିଗଲେ ଦେଢ ବର୍ଷର ଶିଶୁ କନ୍ୟା, ଡାକ୍ତରଖାନାରେ ମୃତ୍ୟୁ
  • ||
  • ଭୁବନେଶ୍ବର : ମମିତା ଘଟଣାରେ ରାଜଧାନୀ ହୁଲସ୍ତୁଲ, ଡିସିପି ଅଫିସ୍ ଘେରାଉ ବେଳେ ବିଜେପି କର୍ମୀ ଓ ପୋଲିସ ଧସ୍ତାଧସ୍ତି
  • ||
  • ନୟାଗଡ : ଗୁଣିଗାରେଡି ସନ୍ଦେହରେ ୫ ଜଣଙ୍କୁ ନିର୍ଯାତନା ଘଟଣା : ୫ ଜଣଙ୍କୁ ଗିରଫ କଲା ପୋଲିସ
  • ||
  • ମର୍ମନ୍ତୁଦ ଦୁର୍ଘଟଣା: ଡୋଡା ଘାଟିରେ ଖସିପଡିଲା ମାଟାଡୋର, ୮ ମୃତ ଓ ଅନେକ ଆହତ
  • ||
  • ଜଗତସିଂହପୁର : ଷ୍ଟାଡିୟମ୍ ନିକଟରୁ ମିଳିଲା ଯୁବକଙ୍କ ମୃତଦେହ, ବୁଧବାର ସନ୍ଧ୍ୟାରୁ ଥିଲେ ନିଖୋଜ
  • ||
  • କଳାହାଣ୍ଡି : ମମିତା ମେହେର ହତ୍ୟା ମାମଲାରେ କଂଗ୍ରେସର ଧାରଣା ୩ୟ ଦିନରେ, ମନ୍ତ୍ରୀ ଇସ୍ତଫା ନଦେଲେ ତୀବ୍ର ହେବ ଆନ୍ଦୋଳନ
  • ||
  • କଳାହାଣ୍ଡି : ଇନ୍ଦ୍ରାବତୀ ଦକ୍ଷିଣ ମୁଖ୍ୟ କେନାଲରେ ଘାଇ, ଶହ ଶହ ହେକ୍ଟର ଧାନ ଚାଷ ନଷ୍ଟ ଆଶଙ୍କା
  • ||
  • ଢେଙ୍କାନାଳ : ଶୌଚ ହୋଇ ଫେରିବା ବେଳେ ବୃଦ୍ଧଙ୍କୁ କଚାଡିଦେଲା ଦନ୍ତା, ଡାକ୍ତରଖାନାରେ ଚାଲିଗଲା ଜୀବନ
  • ||

ଦିନେ ଓଳିଏ ଖାଇଲେ ଓଳିଏ ଉପାସ ରହିବାକୁ ପଡୁଥିଲା, ଦୃଢ଼ ଇଚ୍ଛାଶକ୍ତି ଆଜି ତାଙ୍କୁ ଦେଇଛି ସଫଳତା

2/10/2021 at 6:15 PM

ଚଣ୍ଡିଖୋଲ ୨।୧୦: ଦୃଢ ଇଚ୍ଛାଶକ୍ତି ଆଗରେ ହାରମାନେ ପରିସ୍ଥିତି, ପ୍ରତିବନ୍ଧକ । ଏମିତି ପ୍ରତିକୂଳ ପରିସ୍ଥିତିରେ ବିଜୟିନୀ କାମିନୀ ନାୟକ । ଯାଜପୁର ଜିଲ୍ଲା ବଡଚଣା ଅନ୍ତର୍ଗତ ଧାନମଣ୍ଡଳ ଗାଁର କାମିନୀ ନାୟକ ଶିକ୍ଷାର ପ୍ରଦୀପ ଜାଳି ସଫଳତାର ମଶାଲ । ଅଭାବ ଓ କଷ୍ଟରେ କଟିଥିଲା ପିଲାଦିନ । କିନ୍ତୁ ଶିକ୍ଷା ପ୍ରତି ଥିବା ଦୁର୍ବଳତା ତାଙ୍କୁ ଏବେ ଅନେକଙ୍କୁ ଶିକ୍ଷିତ କରିବାର ସଫଳ ନାୟିକା ଆଖ୍ୟା ଦେଇଛି । ଏକ ଗରିବ ପରିବାରର ଝିଅ ଏବେ ଏକ ବଡ ସ୍କୁଲର ଅଧ୍ୟକ୍ଷା ଓ ପରିଚାଳିକା ।  

ଗରିବ ପରିବାରରେ କାମିନୀଙ୍କ ଜନ୍ମ । ବାପାଙ୍କର ଛୋଟ ପାନ ଦୋକାନ ଥିଲା । କଷ୍ଟେମଷ୍ଟେ ଚଳୁଥିଲେ ୧୦ ପ୍ରାଣୀ କୁଟୁମ୍ବ । ଓଳିଏ ଖାଇଲେ ଓଳିଏ ଉପାସ ରହିବାକୁ ପଡେ । ଏମିତି ଅଭାବରେ ବି ପାଠ ପଢିବାର ଝୁଙ୍କ୍ କାମିନୀଙ୍କୁ ଆଗକୁ ନେଇଥିଲା ।  କଲେଜ ଶିକ୍ଷା ପରେ ସେ ଆରମ୍ଭ କରିଥିଲେ ଶିକ୍ଷକତା । ହୋଲି ଜେସସ ସ୍କୁଲରେ ହୋଇଥିଲେ ଶିକ୍ଷୟିତ୍ରୀ । କିନ୍ତୁ ପରେ ସ୍କୁଲଟି ବନ୍ଦ ହୋଇଯାଇଥିଲା ।  ଅନ୍ୟମାନଙ୍କ ଭଳି ନିରାଶ ହୋଇନଥିଲେ କାମିନୀ । ନିଜେ ସ୍କୁଲଟିକୁ ଚଳାଇବାକୁ ଉଦ୍ୟମ କରିଥିଲେ । ମାତ୍ର ୧୦ ଜଣ ପିଲାରେ ସ୍କୁଲକୁ ପୁଣି ଆରମ୍ଭ କରିଥିଲେ । ଏବେ ସେହି ସ୍କୁଲରେ ୬ଶହ ଛାତ୍ରଛାତ୍ରୀ । ୩୦ ଜଣ ଶିକ୍ଷକ ଓ ଶିକ୍ଷୟିତ୍ରୀ । ବଡ କଥାଟି ହେଲା ଗରିବ ଓ ମେଧାବୀ ପିଲାଙ୍କୁ ମାଗଣାରେ ପଢାନ୍ତି  କାମିନୀ ।

କେବଳ ଶିକ୍ଷାକ୍ଷେତ୍ର ନୁହେଁ ବିଭିନ୍ନ ସାମାଜିକ ସଂଗଠନ ସହ ଜଡିତ ଅଧ୍ୟକ୍ଷା କାମିନୀ । ରକ୍ତଦାନ ଶିବିରଠୁ ପରିବେଶ ସୁରକ୍ଷା ପାଇଁ ତାଙ୍କର ରହିଛି ଅବଦାନ । ବିଭିନ୍ନ ଅନୁଷ୍ଠାନରୁ ମିଳିଛି ପ୍ରଶଂସା ।

ଦୃଢ ଇଚ୍ଛାଶକ୍ତି ଥିଲେ ସଫଳତାର ଶୀର୍ଷରେ ପହଞ୍ଚିବା ସହଜ । ଯାହାକୁ ପ୍ରମାଣ କରିଛନ୍ତି କାମିନୀ ନାୟକ । ତାଙ୍କର ଏହି ସଂଘର୍ଷମୟ ଯାତ୍ରା ଅନେକଙ୍କୁ ଅନୁପ୍ରାଣିତ କରିବ ।

   Related Posts