Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ରାଜ୍ୟରେ ସୁସ୍ଥ ହେଲେ ଆଉ ୧୭୪୦ ଆକ୍ରାନ୍ତ
  • ||
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||

ଧାରଣା ଧର୍ମଘଟ ହେଲାଣି ଭାଇରାଲ : ସରକାର ବେଫିକର, ସାଧାରଣ ଲୋକ ହନ୍ତସନ୍ତ

26/09/2018 at 6:34 PM

ଭୁବନେଶ୍ବର ୨୬|୯: ଶିକ୍ଷକଙ୍କ ଆନ୍ଦୋଳନ, ସ୍କୁଲ-କଲେଜରେ ପାଠପଢା ଠପ୍ । ଓକିଲଙ୍କ ଆନ୍ଦୋଳନ, ନ୍ୟାୟ ପାଇବାରୁ ଲୋକେ ବଞ୍ଚିତ । ଅଗ୍ନିଶମ କର୍ମଚାରୀଙ୍କ ଆନ୍ଦୋଳନ, ଜରୁରୀ ସମୟରେ ସ୍ଥିତି ସଂଗୀନ । ଅମଲାଙ୍କ କଲମ ଛାଡ଼, ସରକାରୀ ଫାଇଲ୍ ଘୁଞ୍ଚୁନି । ଆହୁରି କିଛି ସଂଗଠନ ତାଲିକାରେ ଅଛନ୍ତି, ଆଗକୁ ଆହୁରି ଯୋଡ଼ି ହେବେ । ବନ୍ଦ, ଆନ୍ଦୋଳନ, ଠପ୍ ର ଏ ସ୍ଥିତି ସରକାରୀ କାର୍ଯ୍ୟରେ ସୃଷ୍ଟି କରିଛି ବଡ଼ ସମସ୍ୟା । ସେପଟେ ଏହି ସ୍ଥିତିରେ ପଲିଟିକାଲ ରିଆକ୍ସନ ବି ଜୋର୍ ଧରିଛି ।
ମାସେ ହେଲା କୋର୍ଟକଚେରୀ କାମ ବନ୍ଦ । ଦେଢମାସ ହେଲା ସ୍କୁଲକଲେଜରେ ପାଠ ପଢା ବନ୍ଦ । ଖାଲି ସେତିକି ନୁହେଁ, ଦମକଳ କେନ୍ଦ୍ରଠୁ ନେଇ ବିଭାଗୀୟ ମୁଖ୍ୟ ଦପ୍ତର । ସବୁଠି ଆନ୍ଦୋଳନ, ବନ୍ଦ। ଗଲା କିଛି ଦିନ ହେଲା ରାଜ୍ୟରେ ଶୁଭୁଛି ଖାଲି ଠପ୍ ର ସ୍ବର । ଗୋଟିଏ ପରେ ଗୋଟିଏ ସଂଗଠନ ନିଜ ନିଜର ଦାବି ଧରି କାମ ବନ୍ଦକୁ ଓହ୍ଲାଇଛନ୍ତି । ଆଉ କିଛି ଓହ୍ଲାଇବାକୁ ସଜ ହେଉଛନ୍ତି । ଯାହା ସରକାରୀ କଳକୁ ସ୍ଥାଣୁ କରିବା ସହ ସାଧାରଣ ଲୋକଙ୍କ ଜରୁରୀକାଳୀନ କାମକୁ ବି ଅଚଳ କରିଛି । ପୋଲିସ-ଓକିଲ ବିବାଦ ଯୋଗୁଁ ୨୬ ଦିନ ହେଲା ହାଇକୋର୍ଟ କାମରେ ଅଚଳାବସ୍ଥା । ସ୍ଥାୟୀ ବେଞ୍ଚ ଦାବିରେ ପଶ୍ଚିମ ଓଡ଼ିଶାରେ ବି ନ୍ୟାୟପାଳିକା କାର୍ଯ୍ୟ ଠପ୍ । ସେପଟେ କ୍ୟାଡର ପୁର୍ନଗଠନ ଦାବିରେ ୪୦ ଦିନ ହେଲା କଲମ ଛାଡ଼ି ଧାରଣା ଦେଇଛନ୍ତି ବିଭାଗୀୟ ମୁଖ୍ୟଦପ୍ତର କର୍ମଚାରୀମାନେ । ତେବେ ଏ ସବୁ ଆନ୍ଦୋଳନକୁ ବଳି ଯାଇଛି ଶିକ୍ଷକଙ୍କ ଆନ୍ଦୋଳନ । ସ୍କୁଲ-କଲେଜ ଶିକ୍ଷକ, କର୍ମଚାରୀ ମିଳିତ ମଞ୍ଚ ପୂର୍ଣ୍ଣ ଅନୁଦାନ ଦାବିରେ ଦେଢ ମାସ ହେଲା ପାଠପଢାଇବା ଛାଡ଼ି ଆନ୍ଦୋଳନରେ ଲାଗିଥିଲେ । ୬ ଦଫା ଦାବି ଧରି ୩ ଦିନ ହେଲା ଅଗ୍ନିଶମ କର୍ମଚାରୀମାନେ ବି ଆନ୍ଦୋଳନରେ ମାତିଛନ୍ତି । ଆଗକୁ ସର୍ବଭାରତୀୟ ସ୍ତରରେ ବ୍ୟବସାୟୀ ସଂଘ, ଔଷଧ ବ୍ୟବସାୟୀ ମହାସଂଘ ପ୍ରମୁଖ ବି ଆନ୍ଦୋଳନକୁ ଓହ୍ଲାଇବେ । ଯାହାର ଓଡ଼ିଶାରେ ବି ସିଧା ପ୍ରଭାବ ରହିବ ।
ଆନ୍ଦୋଳନକାରୀ କି ସରକାର, କେହି ବି ନିଜ ଜିଦରେ କାଣିଚାଏ ବି କମ୍ପ୍ରୋମାଇଜ କରୁ ନାହାନ୍ତି । ଧୀରେ ଧୀରେ ଆନ୍ଦୋଳନ ଯେମିତି ସଂଗଠନ ପରେ ସଂଗଠନ ଭାଇରାଲ ହେବାରେ ଲାଗିଛି । ଏହାକୁ ନେଇ ରାଜନୀତି ହାୱା ବି ତେଜ୍ ହୋଇଛି । ଏ ସବୁ ଲାଗି ରାଜ୍ୟ ସରକାରଙ୍କୁ ଦାୟୀ କରି ଆନ୍ଦୋଳନକାରୀଙ୍କ ସମର୍ଥନ ସାଉଁଟିବାକୁ ପ୍ରୟାସ କରିଛି ଉଭୟ ବିଜେପି ଓ କଂଗ୍ରେସ । ରାଜ୍ୟରେ ବେଡ୍ ଗଭର୍ଣ୍ଣାନସ୍ ଚାଲିଥିବା କହି ସରକାରଙ୍କୁ ଟାର୍ଗେଟ କରିଛନ୍ତି । ସେପଟେ ସରକାରଙ୍କ କହିବା କଥା, ଆନ୍ଦୋଳନକାରୀଙ୍କ ସହ ଆଲୋଚନା ଚାଲିଛି । ଖୁବ୍ ଶୀଘ୍ର ସବୁ ସମାଧାନ ହୋଇଯିବ ।
ଏ ସବୁ ଭିତରେ କାର୍ଯ୍ୟରେ ଅବହେଳା ଲାଗି ୬ ଅଗ୍ନିଶମ କର୍ମଚାରୀଙ୍କୁ ନିଲମ୍ବିତ କରାଯାଇଛି । ନିଲମ୍ବିତ କର୍ମଚାରୀମାନେ ଚିତ୍ରଡ଼ା, ଦଶପଲ୍ଲା ଓ ବାଲିଆପାଳ ଦମକଳ କେନ୍ଦ୍ରର କର୍ମଚାରୀ ।

   Related Posts