ସମ୍ବଲପୁର,୨୯/୦୬: ସମ୍ବଲପୁର ମହିଳା ଥାନାରେ ଏକ ବିଚିତ୍ର ଘଟଣା ଦେଖିବାକୁ ମିଳିଥିଲା । ନିତିଦିନ ମହିଳାମାନେ ତାଙ୍କ ସ୍ୱାମୀଙ୍କ ଦ୍ୱାରା ନିର୍ଯାତିତା ହୋଇ ଥାନାକୁ ଆସୁଥିବା ବେଳେ ସୋମବାର ସହରର ଭିନ୍ନ ଭିନ୍ନ ସ୍ଥାନର ୩ ଯୁବକ ସେମାନଙ୍କ ପତ୍ନୀ ବିରୋଧରେ ଅଭିଯୋଗ ଆଣି ଥାନାର ଦ୍ୱାରସ୍ଥ ହୋଇଥିବା ଜଣାପଡ଼ିଛି । ଏହି ଯୁବକଙ୍କ ମଧ୍ୟରେ ଜଣେ ସମ୍ବଲପୁରର ଏକ ଘରୋଇ କମ୍ପାନିର ଅଧିକାରୀ ବୋଲି ଜଣାପଡ଼ିଛି ।
କେବଳ ଯେ, ମହିଳାମାନେ ନିର୍ଯାତନାର ଶିକାର ହେଉଛନ୍ତି ତାହା ନୁହେଁ ବରଂ ପୁରୁଷମାନେ ବି ମହିଳାଙ୍କ ଦ୍ୱାରା ନିର୍ଯାତନାର ଶିକାର ହେଉଛନ୍ତି ଏହା ହେଉଛି ତାହାର ଜ୍ୱଳନ୍ତ୍ୱ ଉଦାହରଣ ବୋଲି ଉପସ୍ଥିତ ଲୋକେ କହିଥିଲେ ।
