Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||
  • ଅଗଷ୍ଟ ଦ୍ଵିତୀୟ ସପ୍ତାହରେ ପ୍ରକାଶ ପାଇବ ଯୁକ୍ତ ୨ ରେଜଲ୍ଟ, ଦଶମ ମାର୍କ ଆଧାରରେ ହେବ ମୂଲ୍ୟାୟନ
  • ||
  • ଯାଜପୁର : ବରମୁଣ୍ଡା ଛକରେ ଦୁର୍ଘଟଣା, ଚାଲିଗଲା ନାରାୟଣଙ୍କ ଜୀବନ
  • ||
  • ମୃତ୍ୟୁ ହାରରେ ସାମାନ୍ୟ ହ୍ରାସ : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୩୭ ଜଣଙ୍କ ଜୀବନ, ୩୫୦୮ରେ ପହଞ୍ଚିଲା ମୋଟ୍‌ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୮୦୬ କୋଭିଡ୍ ପଜିଟିଭ୍ ଚିହ୍ନଟ
  • ||
  • କଟକ : ଜୁଆ ଆଡ୍ଡାରେ ଅଚାନକ ଚଢାଉ, ୧୧ଜଣ ଜୁଆଡି ଗିରଫ
  • ||

ନନ୍ଦନକାନନ ପ୍ରାଣୀଉଦ୍ୟାନରେ ଅଜବ ଘଟଣା : ଧଳା ବାଘ ଖୁଆଡରେ ପଶିଲା ୪ ଫୁଟର କୁମ୍ଭୀର

8/01/2019 at 6:17 PM

ଭୁବନେଶ୍ବର୮|୧: ନନ୍ଦନକାନନ ପ୍ରାଣୀ ଉଦ୍ୟାନରେ ଅଜବ ଘଟଣା । ଧଳା ବାଘ ଖୁଆଡରେ ପଶିଥିଲା ୪ ଫୁଟର କୁମ୍ଭୀର । ଧଳା ବାଘ ସମ୍ରାଟ୍‌ ତା ନିକଟକୁ ଆସି ଆକ୍ରମଣ କରିବାକୁ ବାହାରିବା ବେଳେ ପାଣିକୁ ଲମ୍ଫ ମାରିଥିଲା କୁମ୍ଭୀର । ତେବେ କୁମ୍ଭୀର କିଭଳି ବାଘ ଖୁଆଡରେ ପଶିଲା ତାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ବାଘ ଖୁଆଡରେ କୁମ୍ଭୀର ନାଟ ।  ନନ୍ଦନକାନନ ପ୍ରାଣୀ ଉଦ୍ୟାନର ବାଘ ଖୁଆଡରେ ପଶିଛି କୁମ୍ଭୀର । ଧଳା ବାଘ ସମ୍ରାଟ ଓ ରେଣୁକା ରହୁଥିବା ଖୁଆଡ ନମ୍ବର – ୩୩ରେ ଥିବା ପାଣି ନିକଟରେ ଏକ ଫୁଟ ଲମ୍ବର କୁମ୍ଭୀର ଶୋଇ ରହିଥିବା ଦେଖିବାକୁ ପାଇଥିଲେ ପର୍ଯ୍ୟଟକ । ଏହାର ଫଟୋ ଓ ଭିଜୁଆଲ୍‌ ମୋବାଇଲ୍‌ରେ ନେଇଥିଲେ । ସମ୍ରାଟ୍ କୁମ୍ଭୀର ଆଡକୁ ଆସି ଝାମ୍ପ ମାରିବାକୁ ଉଦ୍ୟମ କରିବା କ୍ଷଣି କୁମ୍ଭୀରଟି ପାଣିକୁ ଲମ୍ଫ ମାରିଥିଲା । ସମ୍ରାଟ୍‌ କୁମ୍ଭୀରକୁ ବହୁତ ଖୋଜାଖୋଜି କରିଥିଲେ ବି ପାଇନଥିଲା। ପର୍ଯ୍ୟଟକମାନେ ପାଟିକରିବାରୁ କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚି କୁମ୍ଭୀରକୁ ଉଦ୍ଧାର ପାଇଁ ଚେଷ୍ଟା କରିଥିଲେ । ହେଲେ ଏହା ବିଫଳ ହୋଇଛି ।

ପ୍ରଶ୍ନ ଉଠୁଛି ୪ ଫୁଟର ଏହି କୁମ୍ଭୀରଟି ବାଘ ଖୁଆଡକୁ ଆସିଲା କେମିତି ? ଖୁଆଡରେ ଧଳା ବାଘ ସମ୍ରାଟ , ବାଘୁଣୀ ରେଣୁକା ଏବଂ ତାର ମାସକର ଦୁଇଟି କଳାବାଘ ଛୁଆ ରୁହନ୍ତି।  ବାଘୁଣୀ ରେଣୁକା ତାର ଛୁଆଙ୍କ ଯତ୍ନ ନେଉଥିବାରୁ କୁମ୍ଭୀରକୁ ଉଦ୍ଧାର କରାଯିବାରେ ବାଧା ଉପୁଜିଛି । ବାଘ ଓ ବାଘୁଣୀ ଖୁଆଡ ଘରେ ଲକ୍‌ କରାଯିବା ପରେ ଯାଇ କୁମ୍ଭୀରକୁ ଉଦ୍ଧାର କରାଯାଇପାରିବ । କର୍ତ୍ତୃପକ୍ଷ ଏହା ଉପରେ ନଜର ରଖିଛନ୍ତି । ଏହି ଘଟଣା ନନ୍ଦନକାନନରେ ଚର୍ଚ୍ଚାର ବିଷୟ ହୋଇଛି । ତେବେ ଏନେଇ କର୍ତ୍ତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିନାହିଁ ।

   Related Posts