Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଏସ୍‌ସିବିରୁ ଗ୍ୟାଙ୍ଗଷ୍ଟର ହାଇଦର ଫେରାର ଘଟଣା : ଆଉ ୨ ଜଣଙ୍କୁ ଗିରଫ କଲା ମଙ୍ଗଳାବାଗ ପୋଲିସ
  • ||
  • ନୂଆପଡା : ଭାରସାମ୍ୟ ହରାଇ ଓଲଟିଲା କାର୍, ୩ ଗୁରୁତର
  • ||
  • ଭୁବନେଶ୍ବର : ଭୁବନେଶ୍ବରର ୩ଟି ଶିକ୍ଷାନୁଷ୍ଠାନ ସିଲ୍, ଖୁଲମଖୁଲା କୋଭିଡ୍ ନିୟମର କରିଥିଲେ ଉଲଂଘନ
  • ||
  • ବ୍ରହ୍ମପୁର : ସୁରଟରୁ ଫେରୁଥିଲେ ପ୍ରବାସୀ, ଟ୍ରେନ୍‌ରେ ଚାଲିଗଲା ଜୀବନ
  • ||
  • ଅନୁଗୋଳ : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଗୋଟିଏ ପରିବାରର ଜଣେ ମୃତ, ୨ ଆହତ
  • ||
  • ଭୁବନେଶ୍ବର : ‘ହାଇଦର ପାଇଁ ନଥିଲା ପୋଲିସ ସୁରକ୍ଷା ବ୍ୟବସ୍ଥା, କିନ୍ତୁ ପାଖରେ ଥିଲେ ଯୁବତୀ’ – ଲେଖାଶ୍ରୀ
  • ||
  • ସମ୍ବଲପୁର : ଆଜିଠାରୁ ୧୫ ଦିନ ସମ୍ବଲପୁର ବାର୍ ବନ୍ଦ, କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି ନିଷ୍ପତ୍ତି
  • ||
  • ସୋର : ସରିଥିଲା ନିର୍ବନ୍ଧ, ହେଲେ ପଡିପାରିଲାନି ହାତଗଣ୍ଠି, ଶେଷରେ କାହିଁକି ଝୁଲିପଡିଲେ ଯୁବତୀ ?
  • ||
  • ବାରଙ୍ଗ : ନନ୍ଦନକାନନରୁ ଇନ୍ଦୋର ଯାଉଛନ୍ତି ୧୩ ଜୀବଜନ୍ତୁ, ଧଳା ବାଘୁଣୀ ଓ କଳା ବାଘ ସାମିଲ
  • ||
  • ସୋର : ରୂପା ରାଧାକୃଷ୍ଣ ମୂର୍ତ୍ତି ନେଇଗଲେ ଚୋର, ସୁନା-ରୂପା ଅଳଙ୍କାର ବି ଲୁଟ୍
  • ||

ସ୍କୁଲରେ ଭୁତ ! ଅଚାନକ ତଳେ ପଡି ଛଟପଟ ହୋଇ ଜୋର ଜୋରରେ କାନ୍ଦିଲେ ଛାତ୍ରଛାତ୍ରୀ

21/06/2019 at 1:36 PM

କାଠୁଆ ୨୧/୬ : ଜାମ୍ମୁ କାଶ୍ମୀର କାଠୁଆ ଜିଲ୍ଲାରେ ଏକ ସରକାରୀ ସ୍କୁଲରେ ଅଚାନକ କିଛି ଛାତ୍ରଛାତ୍ରୀ ଅଜବ ବ୍ୟବହାର କରିଥିଲେ । ଛାତ୍ରଛାତ୍ରୀଙ୍କ ଏଭଳି ବ୍ୟବହାର ଦେଖି ଅନ୍ୟ ଛାତ୍ରଛାତ୍ରୀ ଡରି ଯାଇଥିଲେ । ଛାତ୍ରଛାତ୍ରୀଙ୍କ ଅବସ୍ଥା ଦେଖି ସ୍କୁଲରେ ହଇଚଇ ସୃଷ୍ଟି ହୋଇଥିଲା । କାଠୁଆର ସିତ୍ତି ହାଇସ୍କୁଲରେ ପ୍ରାର୍ଥନା ସରିବା ପରେ ଶ୍ରେଣୀଗୃହକୁ ପ୍ରବେଶ କରୁ କରୁ ପାଖାପାଖି ୪୦ ରୁ ୫୦ ଛାତ୍ରଛାତ୍ରୀ ଅଜବ ବ୍ୟବହାର କରିଥିଲେ ଏବଂ ଜୋର ଜୋରରେ କାନ୍ଦିଥିଲେ । ଛାତ୍ରଛାତ୍ରୀମାନେ ତଳେ ପଡି ଛଟପଟ ହୋଇଥିଲେ ।

ଛାତ୍ରଛାତ୍ରୀଙ୍କ ଏଭଳି ଅବସ୍ଥା ଦେଖି ଶିକ୍ଷକମାନେ ମଧ୍ୟ ଡରି ଯାଇଥିଲେ । ସେ କହିପାରିଲେନି ଏମାନଙ୍କୁ କଣ ହୋଇଛି ଏବଂ ଏମାନଙ୍କୁ କିଭଳି ନିୟନ୍ତ୍ରଣ କରାଯିବ । ତଥାପି ଶିକ୍ଷକ ଛାତ୍ରଛାତ୍ରୀଙ୍କୁ ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ । ଏହି ଛାତ୍ରମାନେ ତଳେ ପଡି ଛଟପଟ ହେବା ସହ ଥରୁଥିଲେ । ସ୍କୁଲ କର୍ମଚାରୀ ଏନେଇ ତୁରନ୍ତ ମୁଖ୍ୟ ଶିକ୍ଷା ଅଧିକାରୀଙ୍କୁ ସୂଚନା ଦେଇଥିଲେ । ସ୍କୁଲ ମୁଖ୍ୟ ଅଧିକାରୀ ମେଡିକାଲ ଟିମ ନେଇ ସ୍କୁଲରେ ପହଂଚିଥିଲେ । ମେଡିକାଲ ଟିମ ଆସି ଛାତ୍ରଛାତ୍ରୀଙ୍କୁ ଯାଞ୍ଚ କରିଥିଲେ । କିନ୍ତୁ ଛାତ୍ରଛାତ୍ରୀଙ୍କ ମଧ୍ୟରେ କିଛି ବି ଅସ୍ୱାଭାବିକ ବାହାରିନଥିଲା । ସମସ୍ତ ଛାତ୍ରଛାତ୍ରୀ ସୁସ୍ଥ ଥିଲେ । ପୀଡିତ ଛାତ୍ରଛାତ୍ରୀଙ୍କ କାଉନସିଲିଂ ମଧ୍ୟ କରାଗଲା ।

ଘଟଣାକୁ ନେଇ ସ୍ଥାନୀୟ ଲୋକ କହିଛନ୍ତି ଯେ, ପାଖାପାଖି ସପ୍ତାହେ ହେବ ଛାତ୍ରଛାତ୍ରୀ ଅଜବ ବ୍ୟବହାର କରୁଛନ୍ତି । କିଛି ଦିନ ପୂର୍ବରୁ ମଧ୍ୟ ୨/୩ ଜଣ ଛାତ୍ରଙ୍କ ଅବସ୍ଥା ଗମ୍ଭୀର ହୋଇପଡ଼ିଥିଲା । କିନ୍ତୁ ଆଜି ଏମାନଙ୍କ ଅବସ୍ଥା ଅତ୍ୟନ୍ତ ଖରାପ ହୋଇଯାଇଥିଲା । ମାମଲା ବିଗିଡି ଯିବାପରେ ସ୍କୁଲ ପ୍ରଶାସନ ଛାତ୍ରଛାତ୍ରୀଙ୍କ ପରିବାର ଲୋକଙ୍କୁ ଏ ସମ୍ପର୍କରେ ସୂଚନା ଦେଇଥିଲେ । ଘରଲୋକ ଆସିବାରୁ ସ୍କୁଲ ପ୍ରଶାସନ ପିଲାଙ୍କୁ ଛାଡି ଦେଇଥିଲେ । କିଛି ଘରଲୋକ ନିଜ ପିଲାଙ୍କୁ ଭଲ କରାଇବା ପାଇଁ ପଠାନକୋଟ ନେଇଯାଇଥିଲେ ।

ବିଶେଷକରି ନବମ ଶ୍ରେଣୀର ଛାତ୍ରୀଙ୍କୁ ଏହିଭଳି ହୋଇଥିଲା । ଏମାନଙ୍କୁ ଦେଖି ଅନ୍ୟ ଛାତ୍ରୀମାନେମାନେ ଏହିଭଳି ଅଜବ ବ୍ୟବହାର କରିଥିଲେ । ଅପରପକ୍ଷରେ କିଛି ଛାତ୍ରୀ ନାଚିବା ଆରମ୍ଭ କରିଥିଲେ । ଆଉ କିଛି ତଳେ ଶୋଇ ଜୋର ଜୋରରେ କାନ୍ଦିଥିଲେ ।

   Related Posts