Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରଞ୍ଜିଆ : ନଭେମ୍ବର ପହିଲାରୁ ଖୋଲିବ ଶିମିଳିପାଳ ଜାତୀୟ ଉଦ୍ୟାନ
  • ||
  • ସୋର : ଭଙ୍ଗା ଘରୁ ମିଳିଲା ପୁଳା ପୁଳା ରାସନ କାର୍ଡ, ଲୋକଙ୍କୁ ଦିଆନଯାଇ ଲୁଚାଇ ରଖାଯାଇଥିଲା କାହିଁକି ?
  • ||
  • ଆନନ୍ଦପୁର : କଣ୍ଡକ୍ଟରଙ୍କ ଭୁଲ୍, ଯାତ୍ରୀଙ୍କ ଗୋଡ ଉପରେ ଚଢିଗଲା ବସ୍
  • ||
  • କୋଣାର୍କ : ବାଇକ୍ ଚୋରି ରାକେଟ୍ ଠାବ : ୮ ବାଇକ୍ ସହ ୪ ଅଭିଯୁକ୍ତ ଗିରଫ
  • ||
  • ତେଲକୋଇ : କାଞ୍ଜିପାଣି ଘାଟିରେ ଭାରସ୍ୟାମ ହରାଇ ଓଲଟିଲା ଅଟୋ, ୫ବର୍ଷର ଶିଶୁ ସମେତ ୩ ଗୁରୁତର
  • ||
  • ଚାନ୍ଦବାଲି : ଅଘୋଷିତ ବିଦ୍ୟୁତ କାଟ୍ : ଦୀର୍ଘ ୧୨ଘଣ୍ଟା ଧରି ଅନ୍ଧାରରେ ରହିଲା ଆଖଣ୍ଡଳମଣୀ ପୀଠ
  • ||
  • ଭୁବନେଶ୍ବର : ନଭେମ୍ବର ୧ରୁ ଯୁକ୍ତ ୩ ପ୍ରଥମ ବର୍ଷ ଏବଂ ୧୫ରୁ ପିଜି ପ୍ରଥମ ବର୍ଷ କ୍ଲାସ୍ ଖୋଲିବ
  • ||
  • ଖୋର୍ଦ୍ଧା : ୩ ଦିନ ହେବ ଚିଲିକା ମଝିରେ ଫସିଥିଲା ଡଙ୍ଗା, ୨ ମତ୍ସ୍ୟଜୀବୀଙ୍କ ସହ ୧୦ବର୍ଷର ଛୁଆ ଉଦ୍ଧାର
  • ||
  • ଭୁବନେଶ୍ବର : ମମିତା ମେହେର ହତ୍ୟା ଘଟଣାରେ ନୀରବତାକୁ ବରଦାସ୍ତ କରାଯିବନି : କଂଗ୍ରେସ
  • ||
  • ଭୁବନେଶ୍ବର : DRDO ତଥ୍ୟ ଲିକ୍ ମାମଲାରେ କ୍ରାଇମବ୍ରାଞ୍ଚ ହାତରେ ନୂଆ ତଥ୍ୟ, ଦୁବାଇ ଲୁଲୁ ଇଣ୍ଟରନ୍ୟାସନାଲ୍ ଏଜେନ୍ସିରୁ ଆସିଥିଲା ଟଙ୍କା
  • ||

ହାର୍ ମାନିଛି ଦୁର୍ବଳତା : କେବଳ ଗୋଟିଏ କାନରେ ଶୁଣିପାରନ୍ତି ଓ୍ୱାଶିଂଟନ ସୁନ୍ଦର, ନାଁ ଓ ଜର୍ସି ନମ୍ବର ପଛରେ ଲୁଚିଛି ବଡ ରହସ୍ୟ…

15/01/2021 at 8:50 AM

ବ୍ରିସବେନ୍,୧୫/୦୧: ଅଷ୍ଟେଲିଆ ବିପକ୍ଷ ବ୍ରିସବେନରେ ଖେଳାଯାଉଥିବା ଚତୁର୍ଥ ଟେଷ୍ଟରେ ଆର ଅଶ୍ୱିନଙ୍କ ବଦଳରେ ସ୍ଥାନ ପାଇଛନ୍ତି ଓ୍ୱାଶିଂଟନ ସୁନ୍ଦର । ସେ ଚତୁର୍ଥ ଟେଷ୍ଟରେ ପଦାର୍ପଣ କରିଛନ୍ତି । ଆଇପିଏଳ-୧୩ ପରେ ନେଟ୍ ବୋଲର ଭାବେ ଅଷ୍ଟ୍ରେଲିଆ ଗସ୍ତ କରିଥିବା ଓ୍ୱାଶିଂଟନଙ୍କ ଭାଗ୍ୟ ବଦଳିଥିଲା । ଏହାସହ ସେ ଅଶ୍ୱିନଙ୍କ ସ୍ଥାନରେ ଚୂଡାନ୍ତ ଏକାଦଶରେ ସାମିଲ ହୋଇଥିଲେ । ସେ ଦଳର ୩୦୧ ତମ ଖେଳାଳି ଭାବେ ପଦାର୍ପଣ କରିଛନ୍ତି ।

ଓ୍ୱାଶିଂଟନ ସୁନ୍ଦର କେବଳ ଗୋଟିଏ କାନରେ ହିଁ ଶୁଣି ପାରନ୍ତି । ଯେତେବେଳେ ସେ ୪ ବର୍ଷର ଥିଲେ ସେତେବେଳେ ଏହି ରୋଗ ବାବଦରେ ଜଣା ପଡିଥିଲା । ଅନେକ ହସ୍ପିଟାଲରେ ତାଙ୍କର ଚିକିତ୍ସା ହୋଇଥିଲା । ପରେ ଏହା ଅସାଧ୍ୟ ବୋଲି ସ୍ପଷ୍ଟ କରିଥିଲେ ଡାକ୍ତର । ଏଥିପାଇଁ ସେ ଅନେକ ସମସ୍ୟାର ସାମ୍ନା କରିଛନ୍ତି । ଏହି ଦୁର୍ବଳତା ପାଇଁ ସେ କେବେ ବି ପଛକୁ ହଟି ନାହାଁନ୍ତି ।

ସେ ୨୦୧୬ରେ ତାମିଲନାଡୁ ଟିମରେ ସ୍ଥାନ ପାଇଥିଲେ । ସେ କହିଛନ୍ତି ଯେ, ଫିଲ୍ଡିଂ ବେଳେ ଅନ୍ୟ ସାଥି ଖେଳାଳିଙ୍କ ସହ କଥାବାର୍ତ୍ତାରେ କିଛିଟା ସମସ୍ୟା ହୋଇଥାଏ କିନ୍ତୁ ଏହାକୁ ନେଇ କେହି ତାଙ୍କୁ କିଛି କହିନାହାଁନ୍ତି ।

ପାର୍ଥିବ ପଟେଲଙ୍କ ପରେ ସୁନ୍ଦର ସବୁଠାରୁ କମ୍ ବୟସର କ୍ରିକେଟର ଭାବେ ଦିନିକିଆରେ ପଦାର୍ପଣ କରିଥିଲେ । ମାତ୍ର ୧୮ ବର୍ଷ ୬୯ ଦିନରେ ସେ ଦିନିକିଆ ଖେଳିଥିଲେ । ପାର୍ଥୀବ ୧୭ ବର୍ଷ ୩୦୧ ଦିନରେ ପ୍ରଥମ ଦିନିକିଆ ଖେଳିଥିଲେ ।

ଓ୍ୱାଶିଂଟନଙ୍କ ନାଁରେ ଏକ ବଡ ରହସ୍ୟ ଲୁଚି ରହିଛି । ତାଙ୍କ ପିତାଙ୍କ ନାଁ ହେଉଛି ଏମ ସୁନ୍ଦର । ପିତା ପିଡି ଓ୍ୱାଶିଂଟନ ନାମକ ଜଣେ ବଦାନ୍ୟ ବ୍ୟକ୍ତିଙ୍କଠାରୁ ଅନେକ ସାହାଯ୍ୟ ପାଇଥିଲେ । ଏହି ନାଁ ରେ ସେ ନିଜ ପୁତ୍ରର ନାଁ ରଖିଥିଲେ । ସେ ୫୫ ନମ୍ବର ଜର୍ସି ପିନ୍ଧି ଖେଳନ୍ତି । କାରଣ ତାଙ୍କ ଜନ୍ମ ଅକ୍ଟୋବର ୫ ତାରିଖ ସକାଳ ୫ଟା ୫ରେ ହୋଇଥିଲା ।

   Related Posts