Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟି-୨୦ ବିଶ୍ବକପର ଧମାକାଦାର ଆରମ୍ଭ : PNGକୁ ୧୦ ଓ୍ବିକେଟରେ ହରାଇଲା ଓମାନ, କମାଲକଲେ ଭାରତୀୟ ବଂଶୋଦ୍ଭବ ଜତୀନ୍ଦର ସିଂହ
  • ||
  • ବିଧାୟକ ପ୍ରଦୀପ ପାଣିଗ୍ରାହୀଙ୍କ ସହଯୋଗୀଙ୍କ ଘରେ ଭିଜିଲାନ୍ସ ଚଢ଼ାଉ, ଜବତ ହେଲା ୨୦ ଲକ୍ଷ
  • ||
  • ଜାମ୍ମୁ କାଶ୍ମୀରରେ ଆତଙ୍କବାଦୀଙ୍କ ଉତପାତ୍‌ ଜାରି, ୨ ଅଣ-କାଶ୍ମୀରୀଙ୍କୁ ନିର୍ମମ ହତ୍ୟା
  • ||
  • ବିସିସିଆଇ ନୂତନ କୋଚ୍ ଏବଂ ସପୋର୍ଟିଂ ଷ୍ଟାଫ ପାଇଁ ମଗାଇଲା ଆବେଦନ, ଏମିତି ରହିଛି ସର୍ତ୍ତ
  • ||
  • ରାଜ୍ୟରେ ଆସନ୍ତା ୨୪ ଘଣ୍ଟା ମଧ୍ୟରେ ହେବ ବଜ୍ରପାତ, ୧୭ ଜିଲ୍ଲାକୁ ସତର୍କ ସୂଚନା
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୩ କୋଭିଡ୍ ପଜିଟିଭ୍
  • ||
  • ବୋହୂକୁ ପଥରରେ ଛେଚି ଦେଲା ଶାଶୂ, ପାରିବାରିକ କଳହରୁ ଜଘନ୍ୟ ହତ୍ୟାକାଣ୍ଡ…
  • ||
  • ପ୍ରବଳ ବର୍ଷା ପରେ ଭୂସ୍ଖଳନ: ୧୮ ମୃତ ଓ ଅନେକ ନିଖୋଜ, ମୁଖ୍ୟମନ୍ତ୍ରୀ ଲୋଡିଲେ ସେନା ସହାୟତା
  • ||
  • ଆଜିଠୁ ଓଜେଇଇ କାଉନସେଲିଂ, ପଞ୍ଜୀକରଣ ଓ ଚଏସ ଲକିଂ କରିପାରିବେ ଛାତ୍ରଛାତ୍ରୀ
  • ||

କ୍ରିକେଟ କିଟ୍ କିଣିବାକୁ ନଥିଲା ଟଙ୍କା, ଧାର କରି କିଣିଥିଲେ କିଟ୍: ବାପା ଥିଲେ ଡ୍ରାଇଭର୍, ପୁଅ ଆଜି ଆଇପିଏଲ୍‌ରେ କରୁଛନ୍ତି ଧମାଲ୍

3/10/2020 at 1:00 PM

ନୂଆଦିଲ୍ଲୀ ୦୩/୧୦ : ଶୁକ୍ରବାର ସିନା ଚେନ୍ନାଇ ସୁପରକିଙ୍ଗସ ଓ ସନରାଇଜର୍ସ ହାଇଦ୍ରାବାଦ ମଧ୍ୟ ହୋଇଥିବା ଆଇପିଏଲରେ କରକେଟ ପ୍ରେମୀଙ୍କୁ ଜଣେ ନୂଆ ଷ୍ଟାର ଦେଖିବାକୁ ମିଳିଥିଲା। ଏହି ନୂଆ ଷ୍ଟାର ଜଣକ ହେଲେ ସନରାଇଜର୍ସର ଯୁବ ବ୍ୟାଟ୍ସମ୍ୟାନ ପ୍ରିୟମ ଗର୍ଗ। ତାଙ୍କର ଧମାକାଦାର ଅର୍ଦ୍ଧଶତକକୁ ନେଇ ଚାରିଆଡେ ଚର୍ଚ୍ଚା ହେଉଛି। ପ୍ରିୟମ ଚେନ୍ନାଇ ବିପକ୍ଷରେ ୨୬ ବଲରେ ୫୧ ରନ କରିଥିଲେ। ଏହି ଇନିଂସ ସେ ସେତେବେଳେ ଖେଳିଥିଲେ ଯେତେବେଳେ ସନରାଇଜର୍ସର ଭଲ ଭଲ ଖେଳାଳି ପେଭିଲିୟନ ଫେରି ଯାଇଥିଲେ। ଅଣ୍ଡର ୧୯ ବିଶ୍ୱକପରେ ଟିମ ଇଣ୍ଡିଆର ଅଧିନାୟକତ୍ୱ କରିଥିବା ପ୍ରିୟମଙ୍କ କ୍ରିକେଟ ଯାତ୍ରା ବହୁତ କଷ୍ଟସାଧ୍ୟ ଥିଲ। ପ୍ରିୟମଙ୍କ ସଂଘର୍ଷ କାହାଣୀ ଆପଣଙ୍କୁ ମଧ୍ୟ ଭାବୁକ କରିଦେବ।

ଉତ୍ତର ପ୍ରଦେଶ ମେରଠରୁ ୨୫ କିମି ଦୂର କିଲା ପରିକ୍ଷିତଗଡରେ ପ୍ରିୟମଙ୍କ ଘର। ତାଙ୍କୁ ଯେତେବେଳେ ୧୧ ବର୍ଷ ବୟସ ହୋଇଥିଲା ତାଙ୍କ ମା ଚାଲିଗଲେ। ମାଙ୍କ ସ୍ବପ୍ନ ଥିଲା ପୁଅ ଦେଶ ପାଇଁ କ୍ରିକେଟ ଖେଳିବ। ମାର ସ୍ବପ୍ନ ପୁରା ହୋଇଛି। ପୁଅ ଆଜି ଜଣେ ସଫଳ କ୍ରିକେଟର। କିନ୍ତୁ ଦୁଃଖର କଥା ପୁଅକୁ ସଫଳତାର ସିଡ଼ିରେ ଦେଖିବାକୁ ମା ନାହିଁ।

୨୦୧୧ ମସିହାରେ ମାଙ୍କ ମୃତ୍ୟୁ ପରେ ପ୍ରିୟମ ନିଜର ଓ ନିଜ ମାଙ୍କ ସ୍ବପ୍ନ ପୁରା କରିବାକୁ ବହୁତ ପରିଶ୍ରମ କରିଥିଲେ। ପାଠ ସହ କ୍ରିକେଟ ମଇଦାନରେ ୭-୮ ଘଣ୍ଟା ଅଭ୍ୟାସ କରୁଥିଲେ। ୭ ବର୍ଷ ପରେ ୨୦୧୮ ମସିହାରେ ଉତ୍ତର ପ୍ରଦେଶ ରଣଜୀ ଟିମରେ ତାଙ୍କର ଚୟନ ହୋଇଥିଲା।

ପ୍ରିୟମଙ୍କ ବାପା ସେତେବେଳେ ଘର ଚଲାଇବା ପାଇଁ ସ୍କୁଲ ଭ୍ୟାନ୍ ଚଲାଉଥିଲେ। ପ୍ରିୟମ ୫ ଭାଇ-ଭଉଣୀ ଓ ପରିବାରରେ ବଡ। ପ୍ରିୟମଙ୍କ ବାପାଙ୍କୁ ଘର ଚଲାଇବା ପାଇଁ ବହୁତ କଷ୍ଟ ହେଉଥିଲା। କିନ୍ତୁ କ୍ରିକେଟ ପ୍ରତି ପ୍ରିୟମଙ୍କ ପ୍ରଗାଢ ଇଛାକୁ ଦେଖି ସେ ତାଙ୍କ ପ୍ରତି କୌଣସି ଅଭାବ ରଖିନଥିଲେ। କ୍ରିକେଟ କିଟ୍ କିଣିବାକୁ ତାଙ୍କ ପାଖରେ ଟଙ୍କା ନଥିଲା। ବାପା ନିଜ ବନ୍ଧୁଙ୍କ ଠାରୁ ଟଙ୍କା ଧାର କରି ପୁଅ ପାଇଁ କ୍ରିକେଟ କିଟ କିଣିଦେଇଥିଲେ। ପ୍ରିୟମଙ୍କୁ ଯେତେବେଳେ ୬ ବର୍ଷ ହେଉଥିଲା ସେତେବେଳେ ତାଙ୍କ ବାପା ତାଙ୍କୁ କ୍ରିକେଟ କୋଚିଂ ପାଇଁ ପଠାଉଥିଲେ। ବାପାର ଏହି ପରିଶ୍ରମ ଆଜି ସଫଳ ହୋଇଛି।

ପ୍ରିୟମଙ୍କ କ୍ୟାରିଅର:

୨୦୧୮-୧୯ ରଣଜୀ ସିଜନରେ ଡେବ୍ୟୁ କରି ପ୍ରିୟମ ୮୦୦ରୁ ଅଧିକ ରନ କରିଥିଲେ

୨୦୧୮-୧୯ ରଣଜୀ ସିଜନରେ ୬୭.୮୩ ହାରରେ ୨ଟି ଶତକ ଓ ୪ଟି ଅର୍ଦ୍ଧଶତକ କରିଥିଲେ

ଗୋଆ ବିପକ୍ଷରେ ନିଜର ଡେବ୍ୟୁ ମ୍ୟାଚରେ ଶତକ କରିଥିଲେ

ଗତ ଅଣ୍ଡର ୧୯ ବିଶ୍ୱକପରେ ଭାରତୀୟ ଟିମକୁ ଫାଇନାଲ ଯାଏଁ ପହଞ୍ଚାଇଥିଲେ

ଗତ ବର୍ଷ ସନରାଇଜର୍ସ ତାଙ୍କୁ ୧.୯ କୋଟି କିଣିଥିଲେ

   Related Posts