Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୫ ବର୍ଷ ପରେ ଦୁର୍ଲଭ ନାଗାର୍ଜୁନ ବେଶରେ ସଜେଇ ହେବେ ଶ୍ରୀଜିଉ, ଆରମ୍ଭ ହେଲା ପ୍ରସ୍ତୁତି
  • ||
  • କୋଇଲା ଖଣି ଆବଣ୍ଟନ ଦୁର୍ନୀତି ମାମଲାରେ ପୂର୍ବତନ କେନ୍ଦ୍ର ମନ୍ତ୍ରୀ ଦିଲ୍ଲୀପ ରାୟଙ୍କୁ ମିଳିଲା ଜାମିନ
  • ||
  • ମାଲକାନଗିରି : ମାଟି ତଳୁ ବିପୁଳ ପରିମାଣର ଅସ୍ତ୍ରଶସ୍ତ୍ର ସହ ବିସ୍ଫୋରକ ସାମଗ୍ରୀ ଜବତ
  • ||
  • ରାଜନଗର : ଭୋଗ ଖାଇ ୧୫୦ ଅସୁସ୍ଥ, ୩୦ ଜଣଙ୍କ ଅବସ୍ଥା ଗୁରୁତର
  • ||
  • ପାରାଦୀପ : ସମୁଦ୍ରରେ ବୁଡିଗଲା ମାଛଧରା ଟ୍ରଲର, ୫ ମତ୍ସ୍ୟଜୀବୀ ଉଦ୍ଧାର, ୪ ନିଖୋଜ
  • ||
  • ରାଜ୍ୟରେ ଆଉ ୧୪ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ଆଉ ୧୪୮୦କରୋନା ସଂକ୍ରମିତ ଚିହ୍ନଟ
  • ||
  • ଟ୍ରେନ୍‌ରେ କଟି ବାପା-ଝିଅ-ପୁଅର ମୃତ୍ୟୁ, ଆତ୍ମହତ୍ୟା ସନ୍ଦେହ
  • ||
  • ବାଇକ୍‌କୁ ଧକ୍କାଦେଲା ହାଇଓ୍ୱା ଟ୍ରକ, ଆରୋହୀ ମୃତ
  • ||

ଅନ୍ତର୍ଜାତିକ ମହିଳା ଦିବସରେ ଜାଣନ୍ତୁ ଜଣେ ଅବହେଳିତ ମହିଳାଙ୍କ ଦୁଃଖ କାହାଣୀ

8/03/2019 at 6:51 PM

ରାଉରକେଲା ୮/୩ : ଆଜି ସାରା ବିଶ୍ବ ପାଳୁଛି ଅନ୍ତର୍ଜାତିକ ମହିଳା ଦିବସ ।ଏଥିପାଇଁ କେତେକଣ କାର୍ଯ୍ୟକ୍ରମ ବି ଚାଲିଛି । ନାରୀ ସଶକ୍ତିକରଣ ପାଇଁ ସରକାର ବହୁ ପଦକ୍ଷେପ ବି ହାତକୁ ନେଉଛନ୍ତି । ହେଲେ ଆଜିବି ଏମିତି ଅନେକ ମହିଳା ଅଛନ୍ତି ଯେଉଁମାନେ ସମାଜରେ ଅବହେଳିତ । ମହିଳା ଦିବସ ଅବସରରେ ଆସନ୍ତୁ ଦେଖିବା ରାଉରକେଲାରୁ ଏହି ରିପୋର୍ଟ ।


ଆଖିରେ ଆଖିଏ ଲୁହ । ଛାତିରେ ୧୪ବର୍ଷ ତଳର ତତଲା କୋହ । ଏ ହେଉଛନ୍ତି ଆଦିବାସୀ ମହିଳା ନନୀ ଏକ୍କା । ରାଉରକେଲା ବ୍ରାହ୍ମଣୀ ତରଙ୍ଗ ଥାନା ଟାଇଁସର ଗାଁର ଅସହାୟ ବୃଦ୍ଧା ନନୀ । ନନୀଙ୍କ ଦୁଃଖ କହିଲେ ନସରେ । ସତେ ଯେମିତି ସେ ସମସ୍ତଙ୍କ ପାଇଁ ଅଲୋଡା । ଏବେବି ୧୪ ବର୍ଷ ତଳର କାଳକଥା ମନେ ପଡିଲେ, ଭୟରେ ଥରି ଉଠୁଛି ହୃଦୟ । ଟାଙ୍କୁରି ଉଠୁଛି ଲୋମ ।

ଆପଣ ଭାବୁଥିଲେ କଣ ଘଟିଥିଲା ନନୀଙ୍କ ସହ ! ନନୀଙ୍କ ଭୁଲ ଥିଲା କେବଳ ଏତିକି ସେ ଘରେ ପୂଜା କରୁଥିଲେ । ଗୁଜବ ହେଲା ନନୀ ଏକ୍କା ଡ଼।ହାଣୀ । ଏହାପରେ ଲୋକେ ନନୀ ଏକ୍କାଙ୍କୁ ଲଣ୍ଡା କରି, ଅଖାଦ୍ୟ ଖୁଆଇ ସାରା ରାତି ଖୋଲା ଆକାଶ ତଳେ ହାତଗୋଡ ବାନ୍ଧି ପକାଇଦେଲେ । ସକାଳ ହେବା ପରେ ବିବସ୍ତ୍ର କରି ଗାଁ ଦାଣ୍ଡରେ ବୁଲାଇଲେ । ପରେ ନନୀଙ୍କୁ ବ୍ରାହ୍ମଣୀ ନଦୀ ଆର ପାରିରେ ଛାଡିଦେଲେ । ସେତେବେଳେ ନନୀଙ୍କ ବୟସ ଥିଲା ମାତ୍ର ୩୯ ।


ଗାଁରୁ ତଡା ଖାଇଲେ ନନୀ । ଫେରିଲେ ଜୀବନରୁ ମାରି ଦେବାର ଧମକ ମିଳିଲା । ଖବର ପ୍ରଚାର ପରେ ଜିଲ୍ଲା ପ୍ରଶାସନ ଏଥିରେ ହସ୍ତକ୍ଷେପ କରି ନନୀଙ୍କୁ ତାଙ୍କ ଗାଁ ଟାଇଁସରକୁ ଫେରାଇ ଆଣିଲେ । ଗାଁ ଲୋକଙ୍କ ବିରୋଧରେ ଆଇନ ଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ସରକାରୀ ସହାୟତାରେ ଦିଆଯାଇଥିଲା ଖଣ୍ଡେ ଇନ୍ଦିରା ଆବାସ । ଯାହା ଏବେ ପରିତ୍ୟକ୍ତ ଅବସ୍ଥାରେ । କାଠ ହାଣି ଚଳୁଛନ୍ତି ନନୀ । ନନୀଙ୍କୁ ସମସ୍ତେ ଏବେବି ଯେମିତି ଅନ୍ୟ ଦୃଷ୍ଟିରେ ଦେଖୁଛନ୍ତି । ଯାହା ପ୍ରଶ୍ନ କରୁଛି ଶିଖିତ ସମାଜରେ ନାରୀକୁ ଏ କେମିତିଆ ସମ୍ମାନ ?


ଆଧୁନିକ ସମାଜରେ ମହିଳାଙ୍କୁ ଏପରି ବ୍ୟବହାର ଗ୍ରହଣୀୟ କି ? ଏକଥାର ବିଚାର ଆପଣମାନେ ହିଁ କରନ୍ତୁ ।

   Related Posts