Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଛୋଟ ପୋଷାକ ପାଇଁ ଝିଅ ଓ ମହିଳା ଦୁଷ୍କର୍ମର ଶିକାର ହେଉଛନ୍ତି: ଏଭଳି ଅଦ୍ଭୁତ ଯୁକ୍ତି କରି ଇମ୍ରାନ କହିଲେ ଷ୍ଟାଇଲିଷ୍ଟ ହେବାକୁ ସାଧାରଣ ଜ୍ଞାନ ଭୁଲୁଛନ୍ତି

21/06/2021 at 2:44 PM

ନୂଆଦିଲ୍ଲୀ ୨୧/୬ : ପାକିସ୍ତାନର ପ୍ରଧାନମନ୍ତ୍ରୀ ଇମ୍ରାନ ଖାନ, ଯିଏକି ନିଜକୁ ପ୍ଲେ-ବୟର ଭାବମୂର୍ତ୍ତି ଦର୍ଶାଇଥାନ୍ତି । ସେ ସର୍ବଦା, ଦୁଷ୍କର୍ମ ବିଷୟରେ ନିଜର ବିବୃତ୍ତି ଦେଇ ଚର୍ଚ୍ଚାର ପରିସରକୁ ଆସିଥାନ୍ତି । ଏବେ ପୁଣିଥରେ ଆଉ ଏକ ଘୃଣ୍ୟ ମନ୍ତବ୍ୟ ଦେଇଛନ୍ତି, ଯାହା ତାଙ୍କର ଖରାପ ଚିନ୍ତାଧାରାକୁ ଦର୍ଶାଉଛି । ଇମ୍ରାନ ଖାନ କହିଛନ୍ତି ଯେ ପାକିସ୍ତାନରେ ବଢୁଥିବା ଯୌନ ଉତ୍ପୀଡ଼ନ ସମସ୍ୟା ମହିଳାଙ୍କ ପୋଷାକ ପରିଧାନ ସହ ଜଡିତ ।

ଏକ ଗଣମାଧ୍ୟମର ସାକ୍ଷାତକାରରେ ଇମ୍ରାନ ଖାନ କହିଛନ୍ତି । “ଯଦି ମହିଳାମାନେ ବହୁତ ଛୋଟ ପୋଷାକ ପିନ୍ଧିବେ, ତେବେ ଏହା ପୁରୁଷମାନଙ୍କୁ ଅଧିକ ପ୍ରଭାବିତ କରିବ । ହଁ ଯଦି ସେମାନେ ରୋବଟ୍ ତେବେ ତାହା ହେବନି । ଏଥିପାଇଁ ମହିଳାଙ୍କ ସାଧାରଣ ଜ୍ଞାନ ରହିବା ଦରକାର । ଇମ୍ରାନଙ୍କ ଏହି ଟିପ୍ପଣୀ ପରେ ଏବେ ସାରା ବିଶ୍ୱରେ ଚର୍ଚ୍ଚା ଜୋର । ସୋସିଆଲ ମିଡିଆରେ ଏହାର ଆକ୍ରୋଶ ଦେଖିବାକୁ ମିଳିଛି ।

ବିରୋଧୀ ଦଳର ନେତାଙ୍କ ସହ ଅନେକ ସାମ୍ୱାଦିକ ଏହାକୁ ନେଇ ଅନେକ ଚର୍ଚ୍ଚା କରୁଛନ୍ତି । ଅନ୍ତର୍ଜାତୀୟ ଜୁରିସିଷ୍ଟ କମିଶନଙ୍କ ଦକ୍ଷିଣ ଏସିଆର ଆଇନ ପରାମର୍ଶଦାତା ରେମା ଓମାର ଟ୍ୱିଟ୍ କରି କହିଛନ୍ତି ଯେ ପାକିସ୍ତାନ ପ୍ରଧାନମନ୍ତ୍ରୀଙ୍କ ଏପରି ବୟାନ ଅତ୍ୟନ୍ତ ନିରାଶାଜନକ । ଏଥିରେ ପୁଣିଥରେ ମହିଳାଙ୍କୁ ଦାୟୀ କରାଯାଇଛି, ଯାହାକି ସ୍ପଷ୍ଟ ଭାବେ ଲଜ୍ଜାଜନକ ।

ତେବେ ଡିଜିଟାଲ ମିଡିଆରେ ପିଏମଙ୍କ ସ୍ପୋକ୍ସ ପର୍ସନ ଡଃ ଆର୍ସଲାନ ଖାଲିଦ କହିଛନ୍ତି ଇମ୍ରାନଙ୍କ ମନ୍ତବ୍ୟକୁ କଦର୍ଥ କରି ଟ୍ୱିଟ କରାଯାଉଛି । ସେ କହିଛନ୍ତି ଖାନ ସାହେବଙ୍କ ଅଧା କଥାକୁ କାଟି ଦିଆଯାଉଛି । ପୂର୍ବରୁ ମଧ୍ୟ କିକେଟର ତଥା ରାଜନେତା ଇମ୍ରାନ ଖାନ ପାକିସ୍ତାନରେ ଯୌନ ହିଂସା ବୃଦ୍ଧି ପାଇଁ ଅଶ୍ଳୀଳତାକୁ ଦାୟୀ କରିଥିଲେ । ଲାଇଭ୍ ଟେଲିଭିଜନରେ ଏକ ସାକ୍ଷାତକାରରେ ପ୍ରଧାନମନ୍ତ୍ରୀ ଇମ୍ରାନ ଖାନ କହିଥିଲେ, “ପରଦାଗୁଡ଼ିକର ଏହି ସଂକଳ୍ପ ହେଉଛି ପ୍ରଲୋଭନକୁ ଏଡାଇବା ।

   Related Posts