ଟାଙ୍ଗୀ, ୨୦/୧୦: ସରକାରୀ ଜମିରୁ କାଟି ନେଇଗଲେ ପଥର । ଖୋର୍ଦ୍ଧା ଜିଲ୍ଲାର ଚଣ୍ଡେଶ୍ୱର ଛକ ନିକଟ ତଥା ଟାଙ୍ଗୀ ତହସିଲ ଅଧିନସ୍ଥ ତଳଗଡ କୁହୁଡି ମୌଜାରେ ଥିବା ସରକାରୀ ଜମିରୁ ମାଙ୍କଡା ପଥର ଖନନ କରି ଚୋରୀ କରାଯାଉଥିଲା । ଏହି ସମୟରେ ବାଲୁଗାଁ SDPO ମାନସ ରଞ୍ଜନ ବାରିକ ଛଦ୍ମ ବେଶରେ ସେଠାରେ ପହଞ୍ଚିଗଲେ ।

ମାଙ୍କଡା ପଥର କ୍ରୟ କରିବା ବାହାନା କରି ବିଭିନ୍ନ ମୂଲଚାଲ କଲେ । ପରେ-ପରେ ନିଜର ଅସଲି ପରିଚୟ ଦେଇ ଘଟଣା ସ୍ଥଳରୁ ୨ଟି ପାୱାର୍ ଟିଲର୍, ୩ଟି ବାଇକ୍ ଧରପଗଡ କଲେ । ଜଣଙ୍କୁ ଗିରଫ ମଧ୍ୟ କରିଛି ଟାଙ୍ଗୀ ପୋଲିସ । ଆଉ କେତେକ ଘଟଣା ସ୍ଥଳରୁ ଚମ୍ପଟ ମାରିଛନ୍ତି ବୋଲି ବାଲୁଗାଁ SDPO ମାନସ ରଞ୍ଜନ ବାରିକ ସୂଚନା ଦେଇଛନ୍ତି ।