କେନ୍ଦ୍ରପଡା୨୧/୬: କେନ୍ଦ୍ରାପଡ଼ା ଜିଲ୍ଲା ମାର୍ଶାଘାଇ ଥାନା ବଡ଼କୂଳ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରରୁ ଚୋରୀ । ଗତକାଲି ବିଳମ୍ବିତ ରାତିରେ କିଛି ଦୁର୍ବୃତ୍ତ ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରର ଝରକା ଏବଂ ଗ୍ରିଲ ତାଡ଼ି  ସ୍ବାସ୍ଥ୍ୟ କେନ୍ଦ୍ରରେ ଲାଗିଥିବା ଆକୁଆଗାର୍ଡ, ଜେନେରେଟର, ଇନଭଟର  ସହ କିଛି ଚିକିତ୍ସା ଉପକରଣ ନେଇ ଯାଇଛନ୍ତି ।  ଏନେଇ ଖବର ପାଇ ମାର୍ଶାଘାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ବାରମ୍ବାର ଡାକ୍ତରଖାନାରୁ ଚୋରୀ ହେଉଥିବା ଯୋଗୁଁ ଡ଼ାକ୍ତରଖାନା ପାଇଁ ଏକ ରାତ୍ରି ଜଗୁଆଳି ଦେବାକୁ ସ୍ଥାନୀୟ ଲୋକେ ଦାବୀ କରିଛନ୍ତି ।