Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଷ୍ଟିଙ୍ଗ୍ ଅପରେସନ୍ / ଐତିହ୍ୟସ୍ଥଳରେ ଟିକେଟ୍ ଲୁଟ୍ : ଉଦୟଗିରିରେ ପର୍ଯ୍ୟଟକଙ୍କଠାରୁ ଲୁଟୁଛନ୍ତି ଗେଟ୍ କର୍ମଚାରୀ, ରିସେଲିଂ କରାଯାଉଛି ଟିକେଟ୍

14/11/2019 at 12:05 PM

ଭୁବନେଶ୍ବର ୧୪।୧୧:  ଜୈନ କୀର୍ତ୍ତିସ୍ଥଳୀ ଭୁବନେଶ୍ବର ଉଦୟଗିରି ପାହାଡ଼ରେ ଚାଲିଛି ଟିକେଟ୍ କଳାବଜାରୀ । ଟୁରିଷ୍ଟଙ୍କଠାରୁ ଏହି ଟଙ୍କା ଲୁଟ୍ ଚାଲିଛି । ଟିକେଟ୍ ରିସେଲିଙ୍ଗ କରାଯାଉଛି । ମାନେ ସେହି ଗୋଟିଏ ଟିକ୍ଟକୁ ଥରେ କିଣାଯାଇ ଅନେକ ଥର ବିକାଯାଉଛି । ବିକୁଛନ୍ତି ଖୋଦ୍ ଏଏସଆଇର କର୍ମଚାରୀମାନେ ଆଉ ଏମାନଙ୍କ ସହ ମିଶିଛନ୍ତି କିଛି ଦଲାଲ । ନିୟୋଜିତ ହୋଇଥିବା ପ୍ରାଇଭେଟ୍ ସିକ୍ୟୁରିଟି କମ୍ପାନୀର ବନ୍ଧୁକଧାରୀ ଗାର୍ଡ ବି ଟୁରିଷ୍ଟଙ୍କୁ ଲୁଟିବାରେ ମାତିଛନ୍ତି ।

ପର୍ଯ୍ୟଟକ କିମ୍ବା ପ୍ରାଚୀନ କିର୍ତ୍ତୀରାଜିକୁ ସୁରକ୍ଷା ଦେବେ କଣ ଓଲଟା  ସମସ୍ତେ ମିଶି ହରିଲୁଟ୍ କରୁଛନ୍ତି । ଦୈନିକ ଅତିକମରେ ୫୦ ହଜାର ଟଙ୍କା ଟିକେଟ୍ କଳାବଜାରୀ ହେଉଥିବା ଅଭିଯୋଗ ହୋଇଛି । ଏତେ ଚାଲାକିରେ ଏମାନେ କାମ କରୁଛନ୍ତି ଯେ କୌଣସି ଟୁରିଷ୍ଟ ଜାଣି ପାରି ନଥାନ୍ତି ତାଙ୍କୁ କେମିତି ଠକାଯାଉଛି । ଏହି ଲୁଟ୍ ତରାଜ୍ କାମରେ ଏଏସଆଇ, ଉଚ୍ଚପଦାଧିକାରୀମାନେ ବି ସାମିଲ ଥିବା ସନ୍ଦେହ କରାଯାଉଛି ।

ପୁରୀରୁ ପର୍ଯ୍ୟଟକ ନେଇ ଆସୁଥିବା ଟୁରିଷ୍ଟ ଗାଇଡମାନଙ୍କ ସହ ଏଏସଆଇ କର୍ମଚାରୀଙ୍କ ସହ ଡିଲ୍ ଥାଏ । ଗୋଟିଏ ବସ୍ ରେ ୭୦ଜଣ ଟୁରିଷ୍ଟଙ୍କୁ ଆଣି ଆସୁଥିବା ଗାଇଡ୍ ସେମାନଙ୍କଠାରୁ ତ ପୁରା ଟଙ୍କା ନିଅନ୍ତି ହେଲେ ମାତ୍ର ୧ ହଜାର ଟଙ୍କା ଏଏସଆଇ କର୍ମଚାରୀଙ୍କୁ ହାତାହାତି ଦେଇଦିଅନ୍ତି । ୭୦ ଜଣ ଟୁରିଷ୍ଟଙ୍କ ଲାଗି କୌଣସି ଟିକେଟ୍ କଟାଯାଇ ନଥାଏ । ବାକି ଟଙ୍କା ବଣ୍ଟାକୁଣ୍ଟା ହୋଇଯାଏ ।

ପ୍ରତି ମାସରେ ଲକ୍ଷ ଲକ୍ଷ ଟଙ୍କା ଲୁଟ୍ ଚାଲିଛି, ହେଲେ ଦେଖିବାକୁ କେହି ନାହିଁ । ଯାହା ହାତରେ ତଦାରଖ କରିବା ଦାୟିତ୍ବ ସେ ହିଁ ଟିକେଟ୍ ଟଙ୍କା ହେରଫେର କରୁଥିବା ଭଳି ସଂଗୀନ ଅଭିଯୋଗ ଆସିଛି । ପ୍ରାଚୀନ କୀର୍ତ୍ତି ରାଜିର ସୁରକ୍ଷା ଲାଗି ଯାତ୍ରୀଙ୍କଠାରୁ ଟଙ୍କା ଆଦାୟ ହେଉଛି, ହେଲେ ପର୍ଯ୍ୟଟନସ୍ଥଳୀର ବିକାଶ ବଦଳରେ ସେସବୁ ଅଧିକାରୀଙ୍କ ପକେଟକୁ ଯାଉଛି ।

   Related Posts