Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେପିକୁ ତିର୍ତ୍ତୋଲବାସୀ ନିଶ୍ଚୟ ଜିତାଇବେ ଏବଂ ପ୍ରଧାନମନ୍ତ୍ରୀଙ୍କ ହାତମୁଠାକୁ ଟାଣ କରିବେ- ଧର୍ମେନ୍ଦ୍ର
  • ||
  • PL 2020: ଗର୍ଜିଲା କ୍ରିସ୍ ଗେଲଙ୍କ ବ୍ୟାଟ୍, ରାଜସ୍ଥାନ ସମ୍ମୁଖରେ ୧୮୬ ରନର ବିଜୟ ଲକ୍ଷ୍ୟ ରଖିଲା କିଙ୍ଗ୍ସ ଏକାଦଶ ପଞ୍ଜାବ
  • ||
  • ଅଟୋକୁ ଧକ୍କା ଦେଲା କାର୍, ଜଣେ ମୃତ, ୪ ଗୁରୁତର
  • ||
  • ବାଇକ୍ ସହ ଧକ୍କା ହୋଇ ରାସ୍ତା କଡକୁ ଖସିଲା ବସ, ଅଳ୍ପକେ ବର୍ତ୍ତିଲେ ଯାତ୍ରୀ
  • ||
  • ସେନେଗଲ୍‌ ଉପକୂଳ ସମୁଦ୍ରରେ ବୁଡ଼ିଗଲା ଶରଣାର୍ଥୀଙ୍କ ଡଙ୍ଗା: ୧୪୦ ଜଣଙ୍କ ମୃତ୍ୟୁ, ବଞ୍ଚିଗଲେ ୬୦
  • ||
  • ରାଜଧାନୀରୁ ଆଉ ୮୭ କରୋନା ଆକ୍ରାନ୍ତ ଚିହ୍ନଟ, ସୁସ୍ଥ ହେଲେ ୨୩୭
  • ||
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||

ଷ୍ଟିଙ୍ଗ୍ ଅପରେସନ୍ / ସାମ୍ନାକୁ ଆସିଲା ଟୋଲଗେଟ୍‌ରେ ଟର୍ଚର: ବାଲେଶ୍ବର ଶେରଗଡ ଟୋଲ୍‌ଗେଟ୍‌ରେ ଗାଡିରୁ ମନଇଚ୍ଛା ହେଉଛି ଆଦାୟ

7/11/2019 at 12:39 PM

ବାଲେଶ୍ବର (ସର୍ବେଶ୍ବର ନାଥ) ୭।୧୧: ଏନଏଚଏଆଇର ଚିଠିକୁ ଡଷ୍ଟବିନରେ ପକାଇ ଦେଇଛନ୍ତି ଶେରଗଡ଼ ଟୋଲଗେଟ୍ କର୍ତ୍ତୃପକ୍ଷ। ସବୁଠାରୁ ବଡ଼ କଥା ଦିନରେ ଯାହା ଆଦାୟ ହେଉଛି ରାତିରେ ତାହା କତେ ଗୁଣ ଅଧିକ ହୋଇଯାଉଛି । ରାତିରେ ମନ ଇଚ୍ଛା ନିଆଯାଉଛି ଟୋଲ୍ ଟ୍ୟାକ୍ସ। ନ୍ୟୁଜ୍ ସେଭେନର ଷ୍ଟିଙ୍ଗ୍ ଅପରେସନରେ ଧରାପଡ଼ଛି ଟୋଲଗେଟର ଚିଟିଂ । ନା ଜିଲ୍ଲା ପ୍ରଶାସନର ନଜର ଏଥିପ୍ରତି ରହିଛି ନା ପୋଲିସର ନଜର ପଡ଼ୁଛି ଏହା ଉପରେ। ନ୍ୟୁଜ୍ ସେଭେନ୍ ପ୍ରତିନିଧି ତାଙ୍କ ନିଜ କାରରେ ଯାଇଥିଲେ ଟୋଲ୍ ଗେଟକୁ ।

ଆଖିରେ ଆଙ୍ଗୁଠି ଗେଞ୍ଜି ଟୋଲ ଗେଟରେ ଚାଲିଛି ଲୁଟ୍ । ଦୈନିକ ୧୦ରୁ ୧୫ ଲକ୍ଷ ଟଙ୍କା ଲୁଟୁଛନ୍ତି ଗେଟ୍ କର୍ତ୍ତୃପକ୍ଷ। ବାଲେଶ୍ବର ଜିଲ୍ଲା ଶେରଗଡ଼ ଟୋଲ ଗେଟରେ ଚାଲିଛି  କେଳେଙ୍କାରୀ । ନ୍ୟୁଜ ସେଭେନ କ୍ୟାମେରାରେ ଧରାପଡିଛି ଏହି କେଳେଙ୍କାରୀ । ଏନଏଚଏଆଇ ଧାର୍ଯ୍ୟ କରିଥିବା ଟୋଲ ଟ୍ୟାକ୍ସଠାରୁ ଯଥେଷ୍ଟ ଅଧିକ ପରିମାଣର ରସିଦ୍ କଟାଯାଉଛି ।

ନା କେହି ଏନଏଚଏଆଇ ଚିଠି ସଂପର୍କରେ ଜାଣୁଛନ୍ତି ନା ଗେଟ୍ କର୍ତ୍ତୃପକ୍ଷ ଏହାକୁ ମାନୁଛନ୍ତି । ରାଜ୍ୟ ବାହାରୁ ଆସୁଥୁବା ଗାଡିଠାରୁ ଦୁଇ ଗୁଣାରୁ ଅଧିକ ଟଙ୍କା ନିଆ ଯାଉଛି ସେମାନଙ୍କ ଅଜାଣତରେ । ନା କେହି ପାଟି ଫିଟାଇ ପାରୁଛନ୍ତି ନା ଗେଟ୍ କର୍ତ୍ତୃପକ୍ଷଙ୍କୁ ତଦାରଖ କରିବାକୁ କେହି ଆସୁଛନ୍ତି । ଏହାର ସୁଯୋଗ ନେଇ ମନଇଚ୍ଛା ରସିଦ କାଟୁଛନ୍ତି ଶେରଗଡ ଗେଟ୍ କର୍ତ୍ତୃପକ୍ଷ ।

ତେବେ ସବୁଠୁ ଆଶ୍ଚର୍ଯ୍ୟ, ଶେରଗଡ଼ ଟୋଲ ପ୍ଲାଜାରେ ଯେଉଁ ରସିଦ ଦିଆଯାଉଛି, ସେଥିରେ ଶେରଗଡ଼ ବୋଲି ଉଲ୍ଲେଖ ମଧ୍ୟ କରାଯାଉ ନାହିଁ। ଦିନରେ ଯାହା ଆଦାୟ ହେଉଛି ରାତିରେ ତାହା ଆହୁରି ବଢି ଯାଉଛି । ରାତିରେ ମନଇଚ୍ଛା ଟୋଲ ଟ୍ୟାକ୍ସ ନିଆଯାଉଛି। ଏନଏଚଏଆଇ ନିର୍ଦ୍ଦେଶକୁ ଖୋଲାଖୋଲି ଉଲଂଘନ କରାଯାଉଛି । ଏସବୁ ନ୍ୟୁଜ ସେଭେନ୍ ଷ୍ଟିଙ୍ଗ୍ ଅପରେସନରେ ଧରା ପଡିଛି ।

   Related Posts