Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ଶିବସେନା, ଏନ୍‌ସିପି ଓ କଂଗ୍ରେସ ମେଣ୍ଟରେ କେଁ, ମହାରାଷ୍ଟ୍ରରେ ମହା ନାଟକ – ଥମୁନି ରାଜନୈତିକ ଝଡ

16/11/2019 at 8:21 PM

ମୁମ୍ବଇ ୧୬।୧୧ –  ମହାରାଷ୍ଟ୍ର ରାଜନୀତିରେ ଥମୁନି ଝଡ଼ । ସ ରକାର ଗଠନ ପାଇଁ ଶିବସେନା, ଏନ୍‌ସିପି ଓ କଂଗ୍ରେସ ହାତ ମିଳାଇଥିଲେ ମଧ୍ୟ ଏବେବି ସରକାର ଗଠନ ନେଇ ଦ୍ବନ୍ଦ୍ବ ଲାଗି ରହିଛି । ବିଜେପି ପକ୍ଷରୁ ବିଧାୟକଙ୍କୁ କିଣିବା ପାଇଁ ଚେଷ୍ଟା କରାଯାଉଛି ବୋଲି ଶିବସେନା ଆଜି ଅଭିଯୋଗ କରିଛି । ଶିବସେନା ତାର ମୁଖପାତ୍ର ସାମ୍‌ନାରେ ଆଜି ସିଧାସଳଖ ବିଜେପିକୁ ଟାର୍ଗେଟ୍‌ କରିଛି । ତେବେ ତିନି ଦଳର ନେତା ଆଜି ମିଳିତ ଭାବେ ରାଜ୍ୟପାଳଙ୍କୁ ଭେଟିବାର କାର୍ଯ୍ୟକ୍ରମ ଥିଲେ ମଧ୍ୟ ଶେଷ ମୂହୁର୍ତ୍ତରେ ଏହାକୁ ସ୍ଥଗିତ ରଖାଯାଇଛି ।  …

ମହାରାଷ୍ଟ୍ରରେ ସରକାର ଗଠନ ନେଇ ଏବେବି ଜାରି ରହିଛି ସସ୍‌ପେନ୍ସ । ଶିବସେନା-ଏନ୍‌ସିପି-କଂଗ୍ରେସ ହାତ ମିଳାଇ ସରକାର ଗଢ଼ିବାକୁ ତ ସହମତ ହେଲେଣି । ହେଲେ ଏବେବି ସେଥିରେ କିଛି କେଁ ଥିବା ଭଳି ଲାଗୁଛି । ନହେଲେ ଆଜି ଅପରାହ୍ନରେ ମହାରାଷ୍ଟ୍ର ରାଜ୍ୟପାଳଙ୍କୁ ତିନି ଦଳର ନେତା ଭେଟିବେ ବୋଲି ଜଣାପଡ଼ିଥିଲା ।

କିନ୍ତୁ ଶେଷ ମୁହୁର୍ତ୍ତରେ ଏହାକୁ ସ୍ଥଗିତ ରଖାଯାଇଛି । ତେବେ ଦଳ ସାଧାରଣ ସର୍ବନିମ୍ନ କାର୍ଯ୍ୟକ୍ରମ ପ୍ରସ୍ତୁତ କରିଛନ୍ତି । ରାଜ୍ୟରେ ଅଣ ବିଜେପି ସରକାର ଗଠନ ପାଇଁ ୩ ଦଳ ଜୋରଦାର ଚେଷ୍ଟା ଚଳାଇଛନ୍ତି । କିନ୍ତୁ ଆଜି ଅପରାହ୍ନ ୪ଟା ୩୦ରେ ରାଜ୍ୟପାଳଙ୍କୁ ଭେଟିବା କାର୍ଯ୍ୟକ୍ରମ ଶେଷ ମୁହୁର୍ତ୍ତରେ କାହିଁକି ସ୍ଥଗିତ ରହିଲା ତାହା ବଡ଼ ପ୍ରଶ୍ନ ।…

ସେପଟେ ସୋମବାର ଠାରୁ ସଂସଦର ଶୀତକାଳିନ ଅଧିବେଶନ ଆରମ୍ଭ ହେବ । ହେଲେ ରାଜ୍ୟସଭାରେ ଶିବସେନାର ସାଂସଦ ସଂଜୟ ରାଉତ ଓ ଅନିଲ ଦେଶାଇ ବିରୋଧୀ ଦଳ ଆସନରେ ବସିବେ ବୋଲି ସ୍ପଷ୍ଟ ହୋଇଛି । ମୁଖ୍ୟମନ୍ତ୍ରୀ ପଦକୁ ନେଇ ବିଜେପି-ଶିବସେନା ବୁଝାମଣା ହୋଇନପାରିବାରୁ ୪ ଦଶନ୍ଧି ପୁରୁଣା ସଂପର୍କ ତୁଟିଯାଇଛି ।

ପାର୍ଲାମେଣ୍ଟ ଅଧିବେଶନ ପୂର୍ବରୁ ବସିବାକୁ ଥିବା ଏନ୍‌ଡିଏ ବୈଠକରେ ଶିବସେନା ଯୋଗ ଦେବ ନାହିଁ । ବିଜେପି ପକ୍ଷରୁ ବିଧାୟକମାନଙ୍କୁ କିଣିବା ପାଇଁ ଚେଷ୍ଟା କରାଯାଉଛି ବୋଲି ଅଭିଯୋଗ କରିଛି ଶିବସେନା ।ରାଷ୍ଟ୍ରପତି ଶାସନର ଅଢୁଆଳରେ ବିଧାୟକଙ୍କୁ କିଣିବାକୁ ଚେଷ୍ଟା କରାଯାଉଥିବା ଶିବସେନା ମୁଖପତ୍ରରେ ଲେଖାଯାଇଛି ।

ମହାରାଷ୍ଟ୍ରରେ କେବେ ସରକାର ଗଠନ  ହେବ ଏବଂ ତାହା କେତେ ସ୍ଥାୟୀ ରହିବ ତାକୁ ନେଇ ଦ୍ବନ୍ଦ୍ବ ଲାଗି ରହିଛି ।…

   Related Posts