ଦେବଗଡ ୧୦।୧୧ - ଦେବଗଡ ଜିଲ୍ଲା ବାରକୋଟ ଥାନା ଅନ୍ତର୍ଗତ ବାଲିରୋଇ ଗ୍ରାମ ନିକଟସ୍ଥ ଜଙ୍ଗଲ ରୁ ତିନୋଟି ଅର୍ଦ୍ଧ ଗଳିତ ମୃତ ଦେହ ଉଦ୍ଧାର ଘଟଣା ର ୨୪ ଘଣ୍ଟା ବିତିଯାଇଥିବା
ବେଳେ ପୋଲିସ ଏପର୍ଯ୍ୟନ୍ତ ମୃତକମାନଙ୍କର ପରିଚୟ ପାଇପାରିନାହିଁ। ଘଟଣା ସ୍ଥଳର ଆଖପାଖ ଅଞ୍ଚଳରେ କୌଣସି ମହିଳା ଓ ଶିଶୁ ଙ୍କ ନିଖୋଜ ଖବର ନ ଥିବା ବେଳେ ଏହା ପଡୋଶୀ ଜିଲ୍ଲାର ଘଟଣା ଓ କେହି ଏହି ଜଙ୍ଗଲ ମଧ୍ୟକୁ ଆଣି ଶବକୁ ପୋତିଥାଇ ପାରନ୍ତି ବୋଲି ଅନୁମାନ କରାଯାଉଛି।
{"id":182202}
ଶବ ମଧ୍ୟରେ ଜଣେ ମହିଳା ଙ୍କ ଅଣ୍ଟାରୁ ତଳକୁ କଟାଯାଇଥିବା ଏକ ଶବ ରହିଥିବା ବେଳେ ଶବର ଅନ୍ୟ ଅଂଶ ର ତଲାସୀରେ ପୋଲିସ ଲାଗିଛି । ସେହିଭଳି ଦେବଗଡ ଅଞ୍ଚଳରେ ଅଣ୍ଟାରୁ ଉପରକୁ ରହିଥିବା ଏକ ଶବର ଫୋଟ ମୋବାଇଲ ରେ ଭାଇରାଲ ହୋଇଥିବା ବେଳେ ଏହି ଅଂଶ ର ଖୋଜାଖୋଜି ରେ ପୋଲିସ ଲାଗିଛି । ଶବ ଗୁଡିକର ପ୍ରକୃତ ପରିଚୟ ମିଳିବା ପରେ ମୃତ୍ୟୁ ରହସ୍ୟ ଓ ଜଙ୍ଗଲ ମଧ୍ୟରେ ପୋତିବା କାରଣ କଣ ତାହା ଜଣାପଡିବ ବୋଲି ଦେବଗଡର ଅତିରିକ୍ତ ଏସ୍ପି ରବିନାରାୟଣ ସିଂ ସୂଚନା ଦେଇଛନ୍ତି।
