Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ଗ୍ୟାଙ୍ଗଷ୍ଟାର ଟିଟୋ ଘରେ ଏସଟିଏଫ୍ ରେଡ୍ : ଜାଲରେ ପଡ଼ିଗଲେ ଟିଟୋର ୩ପ୍ରମୁଖ ସହଯୋଗୀ

19/06/2019 at 6:02 PM

କେନ୍ଦ୍ରାପଡା  ୧୯/୬: ଗ୍ୟାଙ୍ଗଷ୍ଟାର ଟିଟୋ ସାମ୍ରାଜ୍ୟ ଉପରେ ପୁଣି ପୋଲିସ ନଜର । ଗ୍ୟାଙ୍ଗଷ୍ଟରର  କେନ୍ଦ୍ରାପଡା ଘର ଉପରେ ଚଢାଉ କରିଛି କ୍ରାଇମ୍ ବ୍ରାଞ୍ଚ ଏସଟିଏଫ୍ । ବୁଧବାର ଭୋର ସମୟରେ ଅତର୍କିତ ଚଢାଉ କରି ଟିଟୋର ୩ ଜଣ ଆତ୍ମୀୟଙ୍କୁ ଉଠାଇନେଇଛି ଏସଟିଏଫ୍ ଟିମ୍ । କେନ୍ଦ୍ରାପଡାର ଜଣେ ଠିକାଦାରଙ୍କ ଅପହରଣ ମାମଲାରେ ଏହି ଅଭିଯୁକ୍ତ ମାନେ ଦୀର୍ଘ ଦିନ ହେଲା ଏସଟିଏଫ୍‌ର ୱାଣ୍ଟେଡ ତାଲିକାରେ ଥିଲେ ବୋଲି ଜଣାଯାଇଛି ।

ଗ୍ୟାଙ୍ଗଷ୍ଟାର ଟିଟୋ ଘରେ ଏସଟିଏଫ୍ ରେଡ୍ । ଡନ୍‌ର ଦୁଇ ଭାଇ ଓ ଷଢୁଙ୍କୁ ଉଠାଇନେଲେ ୬ ଜଣିଆ କ୍ରାଇମବ୍ରାଞ୍ଚ ଏସଟିଏଫ ଟିମ୍ । ବୁଧବାର ଭୋର ସମୟରେ ଟିମ୍‌ ଏସଟିଏଫ୍‌ କରିଛି ଏହି ସଫଳ ଅପରେସନ । ପ୍ରାୟ ବର୍ଷେ ପରେ ଟିଟୋ ସାମ୍ରାଜ୍ୟ ଉପରେ କ୍ରାଇବ୍ରାଞ୍ଚ ଏସଟିଏଫ୍‌ର ଚଢାଉ ଅପରାଧୀଙ୍କୁ ପୁଣି ଛାନିଆ କରିଛି।

କେନ୍ଦ୍ରାପଡା ସହର ସ୍ଥିତ ଦିଲାରପୁରଠାରେ ଥିବା ଟିଟୋର ଘର ଉପରେ ଅତର୍କିତ ଚଢାଉ ବେଳେ ଏସଟିଏଫ୍ ର ଜାଲରେ ପଡିଗଲେ ଟିଟୋର ୩ ପ୍ରମୁଖ ସହଯୋଗୀ। ସେମାନେ ହେଲେ ଟିଟୋର ଭାଇ  ସୟଦ୍ ଇଫ୍ତିକାର ଅଲ୍ଲୀ , ସୟଦ୍ ଅସଫାକ୍ ଅଲ୍ଲୀ ଓ ଷଢୁ ଅମଜାଦ୍ ଖାନ୍ । କେନ୍ଦ୍ରାପଡାର ଠିକାଦାର ଶିବ ପ୍ରସାଦ ପରିଡା ଓରଫ ରନ୍ଥାଙ୍କ ଅପହରଣ ମାମଲାରେ ଏହି ତିନିଜଣଙ୍କ ସଂପୃକ୍ତି ନେଇ ଅଭିଯୋଗ ଥିଲା । ରନ୍ଥାଙ୍କୁ ୨୦୧୭ ମସିହା ସେପ୍ଟେମ୍ବର ୯ରେ ତାଙ୍କ ଅଫିସରୁ ଅପହରଣ କରାଯାଇଥିଲା । ଏ ନେଇ ୨୦୧୮ ଜୁଲାଇ ୯ ତାରିଖରେ ଟାଉନ୍ ଥାନାରେ ହୋଇଥିଲା ମାମଲା ।ସେହି ଦିନରୁ ପୋଲିସର ୱାଣ୍ଟେଡ୍‌ ତାଲିକାରେ ଥିଲେ ଟିଟୋର ୩ ଆତ୍ମୀୟ ।ନିକଟରେ ସେମାନେ ଘରକୁ ଆସିଥିବା ଖବର ପାଇଯାଇଥିଲା ପୋଲିସ । ଆଉ ଜାଲ ବିଛାଇ ମାଡି ବସିଲା ଏସଟିଏଫ୍ ।

ବର୍ଷେ ତଳେ ଗ୍ୟାଙ୍ଗଷ୍ଟର ଆଉ ବର୍ଷକ ପରେ ଟିମ୍‌ ଗ୍ୟାଙ୍ଗଷ୍ଟର । ୨୦୧୮ ଜୁନ୍ ୩୦ ଗ୍ୟାଙ୍ଗ୍ ଷ୍ଟାର ଟିଟୋକୁ ନିଶାନା କରିଥିଲା କ୍ରାଇମବ୍ରାଞ୍ଚ ଏସଟିଏଫ୍। ଚଣ୍ଡିଖୋଲ ଅଂଚଳରେ ଟିଟୋକୁ ଏନକାଉଣ୍ଟର  କରିଥିଲା ଏସଟିଏଫ୍। ଜୁଲାଇ ୪ ଓ ୫ ତାରିଖରେ ରିମାଣ୍ଡରେ ନେଇ ଟିଟୋକୁ ପଚରା  ଉଚରା କରାଯାଇଥିଲା। ତତ୍‌କାଳୀନ କ୍ରାଇମବ୍ରାଞ୍ଚ ଡିଆଇଜି ହିମାଂଶୁ ଲାଲଙ୍କ ନେତୃତ୍ବରେ ଜୁଲାଇ ୬ ରେ ଟିଟୋ ଘର ଉପରେ ରେଡ୍ କରାଯାଇ ତାର ବିଭିନ୍ନ ବ୍ୟବସାୟ ପ୍ରତିଷ୍ଟାନକୁ ସିଲ୍ କରି ଦିଆଯାଇଥିଲା। ପରେ ପରେ ଟିଟୋର ମୁଖ୍ୟ ସହଯୋଗୀ ଚନୋ ସମେତ ଗ୍ୟାଙ୍ଗ୍ ର ବହୁ ହାଡକୋର୍ କ୍ରିମିନାଲ ଏବଂ ସାର୍ପ ସୁଟରଙ୍କୁ ଜେଲ ପଠାଇବାରେ ସଫଳ ହୋଇଥିଲା ଏସଟିଏଫ୍। ବର୍ଷକ ଭିତରେ ବି ଟିଟୋ ଗ୍ୟାଙ୍ଗ୍‌ ନାମରେ ୯ରୁ  ଅଧିକ ମାମଲାରେ ମାମଲା ରୁଜ୍ଜୁ ହୋଇଛି। 

ଲଗାତର ଚଢାଉ , ଧରପଗଡ ଏବଂ ଆକ୍ସନ ପରେ ବି ଟିଟୋ ଟିମ୍‌ ଚଳାଇଥିଲା କାରବାର । ତେବେ ଗ୍ୟାଙ୍ଗଷ୍ଟରର ଦୁଇ ଭାଇ ଓ ଷଢୁ ଏବେ ଧରା ପଡିବା ପରେ ଟିଟୋ ସାମ୍ରାଜ୍ୟ ଦୁର୍ବଳ ହେବାର  ଆଶା ବେଶି ।

   Related Posts