ରାଉରକେଲା, ୧୫|୦୭ : ଷ୍ଟିଲ୍ ସିଟିରେ ସେକ୍ସ ରାକେଟ୍ । ସୁନ୍ଦରଗଡ ଜିଲ୍ଲା ରାଉରକେଲା ଉଦିତନଗର ଅଞ୍ଚଳରୁ ଏକ ସେକ୍ସ ରାକେଟ୍ ଠାବ ହୋଇଛି । ଏହି ଘଟଣାରେ ୫ ଯୁବତୀଙ୍କ ସହ ୨ ଯୁବକଙ୍କୁ ଅଟକ ରଖିଛି ପୋଲିସ ।
ସୂଚନାନୁସାରେ, ବୁଧବାର ରାତି ପ୍ରାୟ ୯ଟାରେ ରାଉରକେଲା ଉଦିତନଗର ସ୍ଥିତ କମ୍ଫର୍ଟ ହୋଟେଲର ଉଦିତନଗର ପୋଲିସ ହଠାତ ଅତର୍କିତ ଚଢ଼ଉ କରିଥିଲା। ଦେହ ବେପାର ଚାଲୁ ଥିବା ସନ୍ଦେହରେ ଏହି ଚଢଉ ହୋଇଥିଲା । ଚଢ଼ଉ ବେଳେ ହୋଟେଲ କଠୋରୀରୁ ୫ ଯୁବତୀ ସହ ୨ ଜଣ ଯୁବକଙ୍କୁ ପୋଲିସ ଧରି ଥାନାକୁ ନେଇଛି।
ଏହାସହ ହୋଟେଲ ମ୍ୟାନେଜରଙ୍କୁ ମଧ୍ୟ ଥାନାରେ ଅଟକ ରଖାଯାଇଛି। । ଘଟଣାର ଅଧିକ ତଦନ୍ତ ଜାରି ରଖିଛି ପୋଲିସ ।
