Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||

ମନ୍ଦିରରୁ ଚୋରି କରିବାକୁ ଆସି ଶୋଇପଡିଲା ଚୋର : ସକାଳୁ ପୋଲିସ ଉଠାଇବାରୁ ଚୋର କହିଲା ‘ଥଣ୍ଡା ଲାଗୁଛି ଶୋଇବାକୁ ଦିଅ’

15/12/2020 at 6:04 PM

ଭୋପାଳ ୧୫/୧୨ : ମଧ୍ୟ ପ୍ରଦେଶର ଶାଜାପୁର ଜିଲ୍ଲାରେ ଗୋଟିଏ ଅଜବ ଘଟଣା ଘଟିଛି । ମନ୍ଦରକୁ ଚୋରୀ କରିବାକୁ ଆସିଥିବା ଗୋଟିଏ ଚୋର ନିଦ ଲାଗିବାରୁ ସେହି ମନ୍ଦିରରେ ହିଁ ଶୋଇପଡିଥିଲା । ପ୍ରଥମେ ମନ୍ଦିରରେ ଥିବା ଜିନିଷପତ୍ର ଏବଂ କିଛି ଟଙ୍କାକୁ ଏକ ବ୍ୟାଗରେ ଭର୍ତ୍ତି କରିଥିଲା ଚୋରଚଣକ । ଏହା ପରେ ନିଦ ଲାଗିବାରୁ ସେହି ମନ୍ଦିରରେ ହିଁ ଶୋଇପଡିଥିଲା । ସକାଳୁ ପୋଲିସ ଆସି ଚୋରକୁ ଉଠାଇଥିଲା । ତେବେ କୌତୁହଳର କଥା ହେଉଛି ପୋଲିସ ଡାକିବା ବେଳେ ଚୋର କହିଥିଲା ‘ଥଣ୍ଡା ଲାଗୁଛି, ଶୋଇବାକୁ ଦିଅ’ ।

ସୂଚନା ଅନୁସାରେ ଶାଜାପୁରର ଲାଲବାଇ ମନ୍ଦିରରେ ଚୋରଜଣକ ଚୋରି କରିବାକୁ ପ୍ରବେଶ କରିଥିଲା । ରାତିରେ ଚୋରଜଣକ ସେବାୟତଙ୍କ ଘରେ ରଖାଯାଇଥିବା ତ୍ରିଶୂଳ ସାହାଯ୍ୟରେ ମନ୍ଦିରର ତାଲା ଭାଙ୍ଗିଥିଲା । ଏହା ପରେ ସେଠାରେ ଥିବା ସାମଗ୍ରୀ ଏବଂ ବାକ୍ସରେ ଥିବା କିଛି ଟଙ୍କାକୁ ଏକ ବ୍ୟାଗରେ ବର୍ତ୍ତି କରିଥିଲା । ପରେ ତାକୁ ନିଦ ଲାଗିବାରୁ ସେ ସେହି ମନ୍ଦିର ଭିତରେ ହିଁ ଶୋଇପଡିଥିଲା ।

ସକାଳୁ ମନ୍ଦିର ସେବୟାତ ପହଞ୍ଚି ଦେଖିଥିଲେ ମନ୍ଦିରରେ ତ୍ରିଶୂଳ ନଥିଲା ଏବଂ ପାଖ କୋଠରୀର ତାଲା ଭଙ୍ଗା ଯାଇଥିଲା ଏବଂ ଭିତରୁ କବାଟ ବନ୍ଦ ଥିଲା । ଏହା ପରେ ସେବାୟତଜଣକ ପୋଲିସକୁ ଫୋନ କରି ଡକାଇଥିଲେ । ତେବେ ଘଟଣାସ୍ଥଳରେ ପୋଲିସ ପହଞ୍ଚି ଡକାୟତ ଶୋଇଥିବା କୋଠାରୀକୁ ଖୋଲିବାକୁ ପ୍ରୟାସ କରିଥିଲା । କିନ୍ତୁ ଲୁଟେରାଜଣକ କବାଟ ଖୋଲିନଥିଲା । ପୋଲିସ ବାଧ୍ୟ ହୋଇ କବାଟ ଭାଙ୍ଗି ଭିତରକୁ ପଶିଥିଲା । ଭିତରେ ଏକ ସେବାୟତଙ୍କ ପଲଙ୍କ ଉପରେ ଲୁଟେରାଜଣକ ଶୋଇପଡିଥିଲା । ପୋଲିସ ତାକୁ ଉଠାଇବାକୁ ଚେଷ୍ଟା କରିବାରୁ ଲୁଟେରାଜଣକ କହିଥିଲା  ‘ଥଣ୍ଡା ଲାଗୁଛି, ଶୋଇବାକୁ ଦିଅ’ । ତେବେ ପଚରାଉଚରା ବେଳେ ପୋଲିସ ଜାଣିବାକୁ ପାଇଥିଲା ଯେ ଲୁଟେରାଜଣକ ମାନସିକ ବିକାରଗସ୍ତ । ତେବେ କେବଳ ପଚରାଉଚରା କରିବା ପରେ ତାକୁ ଛାଡି ଦେଇଥିଲା ପୋଲିସ ।

   Related Posts