Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଷ୍ଟାଚ୍ୟୁ ଅଫ ଇକ୍ୱିଲିଟି: ଖର୍ଚ୍ଚ ହୋଇଛି ହଜାରେ କୋଟି ଟଙ୍କା, ୧୨୦ କିଲୋ ସୁନାରେ ତିଆରି ହେବ ମୂର୍ତ୍ତି

28/08/2020 at 10:42 AM

ହାଇଦ୍ରାବାଦ ୨୮/୦୮ : ଷ୍ଟାଚ୍ୟୁ ଅଫ ଇକ୍ୱିଲିଟିର ଡିଜାଇନ ଆର୍କିଟେକ୍ଟ ତଥା ଦକ୍ଷିଣ ଭାରତୀୟ ଚଳଚ୍ଚିତ୍ର କଳା ନିର୍ଦ୍ଦେଶକ ଆନନ୍ଦ ସାଇ କରିଛନ୍ତି | ଏହି ମନ୍ଦିର ଓ ଷ୍ଟାଚ୍ୟୁ ଅଫ ଇକ୍ୱିଲିଟିର ଡିଜାଇନ ପାଇଁ ତାଙ୍କୁ ୨ ବର୍ଷ ସମୟ ଲାଗିଥିଲା | ବୈଷ୍ଣବ ସନ୍ଥ ରାମାନୁଜାଚାର୍ଯ୍ୟ ସ୍ୱାମୀଙ୍କ ଜନ୍ମକୁ ହଜାରେ ବର୍ଷ ପୁରିଛି | ହାଇଦ୍ରାବାଦରେ ରାମାନୁଜାଚାର୍ଯ୍ୟ ସ୍ୱାମୀଙ୍କର ଏକ ଭବ୍ୟ ମନ୍ଦିର ନିର୍ମାଣ କରାଯାଉଛି |

ଏହି ମନ୍ଦିର ନିର୍ମାଣ ପାଇଁ ୧୦୦ କୋଟି ଟଙ୍କାରୁ ଅଧିକ ଖର୍ଚ୍ଚ ହେବ | ମନ୍ଦିରରେ ରାମାନୁଜାଚାର୍ଯ୍ୟ ସ୍ୱାମୀଙ୍କ ଦୁଇଟି ମୂର୍ତ୍ତି ସ୍ଥାପନା କରାଯାଇଛି | ଦୁଇଟି ମୂର୍ତ୍ତି ବହୁତ ଖାସ ହେବ | ପ୍ରଥମ ମୂର୍ତ୍ତି ଅଷ୍ଟଧାତୁର ୨୧୬ ଫୁଟ ଉଚ୍ଚ ଯାହା ସ୍ଥାପିତ କରାଯାଇଛି | ଏହି ମୂର୍ତ୍ତିକୁ ଷ୍ଟାଚ୍ୟୁ ଅଫ ଇକ୍ୱିଲିଟି ନାମ ଦିଆଯାଇଛି |

ଦ୍ୱିତୀୟ ମୂର୍ତ୍ତି ମନ୍ଦିର ଗର୍ଭଗୃହରେ ସ୍ଥାପିତ କରାଯାଇଛି | ଏହି ମୂର୍ତ୍ତିର ବିଶେଷତ୍ୱ ହେଲା ଏହାକୁ ୧୨୦ କିଲୋ ସୁନାରେ ତିଆରି କରାଯାଇଛି | ଏହି ଭବ୍ୟ ମନ୍ଦିର ହାଇଦ୍ରାବାଦରୁ ପାଖାପାଖି ୪୦ କିମି ଦୂର ରାମନଗରରେ ନିର୍ମାଣ କରାଯାଉଛି | ମନ୍ଦିର ସଂସ୍ଥାପକ ଚିନ୍ନା ଜୀୟାର ସ୍ୱାମୀ କହିଛନ୍ତି ଯେ ରାମାନୁଜାଚାର୍ଯ୍ୟ ସ୍ୱାମୀ ପୃଥିବୀରେ ୧୨୦ ବର୍ଷ ଯାଏଁ ଥିଲେ | ସେଥିପାଇଁ ୧୨୦ କିଲୋ ସୁନାରେ ମୂର୍ତ୍ତି ତିଆରି କରାଯାଇଛି |

୪୫ ଏକର ଜମିରେ ଷ୍ଟାଚ୍ୟୁ ଅଫ ଇକ୍ୱିଲିଟି ଏବଂ ରାମାନୁଜାଚାର୍ଯ୍ୟ ମନ୍ଦିର ନିର୍ମାଣ କରାଯାଉଛି | ମନ୍ଦିରର ମୂଳ ଭବନ ପାଖାପାଖି ୧.୫ ଲକ୍ଷ ବର୍ଗ ଫୁଟ କ୍ଷେତ୍ରରେ ତିଆରି ହେଉଛି | ଏହା ୫୮ ଫୁଟ ଉଚ୍ଚ | ଏହା ଉପରେ ଷ୍ଟାଚ୍ୟୁ ଅଫ ଇକ୍ୱିଲିଟି ସ୍ଥାପିତ କରାଯାଇଛି |

   Related Posts