Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୧୨ କୋଭିଡ୍ ପଜିଟିଭ୍
  • ||
  • କରଞ୍ଜିଆରେ ମାତିଛନ୍ତି ଝାଡଖଣ୍ଡୀ ହାତୀ, ନଷ୍ଟ କରୁଛନ୍ତି ଏକର ଏକର ଫସଲ
  • ||
  • ସିରିଜ୍‌ ଦୁର୍ଘଟଣା, ପଛକୁ ପଛ ଧକ୍କା ହେଲେ ୮ ଗାଡ଼ି ; ୩ ମୃତ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସୋନପୁର ବନ୍ଦ ପାଳନ
  • ||
  • ଓଡିଶା ଆସୁଛନ୍ତି କେନ୍ଦ୍ର କୋଇଲା ମନ୍ତ୍ରୀ, ଗସ୍ତ କରିବେ ପାରାଦୀପ ଓ ତାଲଚେର
  • ||

ରାଜ୍ୟରେ ମହିଳାଙ୍କ ସୁରକ୍ଷା ନେଇ ଚିନ୍ତା ପ୍ରକଟ କଲେ କଂଗ୍ରେସ ବିଧାୟକ, ବିଧାନସଭାରେ ମନ୍ତ୍ରୀଙ୍କ ତଥ୍ୟରେ ଦୁଷ୍କର୍ମ ଓ ନାରୀ ନିର୍ଯାତନା ବଢ଼ିଛି

6/09/2021 at 5:22 PM

ଭୁବନେଶ୍ୱର, ୦୬/୦୯: ରାଜ୍ୟରେ ଦୁଷ୍କର୍ମ, ନାବାଳିକା ଅସଦାଚରଣ, ହତ୍ୟା, ଯୌତୁକ ଜନିତ ହତ୍ୟା ଓ ମହିଳା ନିର୍ଯ୍ୟାତନା ବଢ଼ିବାରେ ଲାଗିଛି । ବିଧାନସଭାରେ କଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜାଙ୍କ ପ୍ରଶ୍ନରେ ଗୃହ ରାଷ୍ଟ୍ରମନ୍ତ୍ରୀ ଦିବ୍ୟ ଶଙ୍କର ମିଶ୍ରଙ୍କ ଉତ୍ତରରୁ ଏହା ସ୍ପଷ୍ଟ ହୋଇଛି । ୨୦୧୯ ରେ ୨୯୫୦ ଦୁଷ୍କର୍ମ ହୋଇଥିବା ବେଳେ ୨୦୨୦ରେ ଏହି ସଂଖ୍ୟା ବଢି ୨୯୮୪ରେ ପହଁଚିଛି । ୨୦୨୧ ମସିହା ଜୁନ ସୁଦ୍ଧା ୧୫୬୩ ମାମଲା ସାମ୍ନାକୁ ଆସିଲାଣି । ସେହିପରି ୨୦୧୯ରେ ନାବାଳିକା ଦୁଷ୍କର୍ମ ୧୬୩୫ ରହିଥିଲା । ୨୦୨୦ରେ ୧୬୪୬ଟି ଦୁଷ୍କର୍ମ ହୋଇଥିବା ବେଳେ ୨୦୨୧ ଜୁନ ସୁଦ୍ଧା ୭୮୬ଟି ମାମଲା ସାମ୍ନାକୁ ଆସିଛି ।

ସେହିପରି ୨୦୧୯ରେ ୧୩୫୬ଟି ହତ୍ୟା ମାମଲା ଆସିଥିଲା । ୨୦୨୦୨ରେ ୧୪୭୦ଟି ମାମଲା ଆସିଥିବା ବେଳେ ୨୦୨୧ ଜୁନ ସୁଦ୍ଧା ୭୮୨ଟି ମାମଲା ସାମ୍ନାକୁ ଆସିଛି । ଏଥି ସହିତ ଯୌତୁକ ଜନୀତ ହତ୍ୟା ମଧ୍ୟ ବଢ଼ିଛି । ୨୦୧୯ରେ ଯୌତୁକ ଜନିତ ହତ୍ୟା ୨୭୮ ରହିଥିଲା । ୨୦୨୦୨ରେ ଏହା ୩୧୧କୁ ବୃଦ୍ଧି ପାଇଥିବା ବେଳେ ୨୦୨୧ ଜୁନ ସୁଦ୍ଧା ୧୮୪ଟି ମାମଲା ସାମ୍ନାକୁ ଆସିଛି । ଆଉ ଯୌତୁକ ଜନିତ ନିର୍ଯ୍ୟାତନା ୨୦୧୯-୨୦ ମସିହାରେ ପାଖାପାଖି ସମାନ ଅଛି । ୨୦୨୧ ଜୁନ ସୁଦ୍ଧା ୨୨୯ କେସ ସାମ୍ନାକୁ ଆସିଛି ।

ଅନ୍ୟପଟେ ଯୌନ ଉତ୍ପଡ଼ିନରେ ୨୦୧୯ ମସିହାରେ ୬୮୪୮ଟି ମାମଲା ଦାଏର ହୋଇଥିଲା । ୨୦୨୦ରେ ଏହା ୭୯୩୭କୁ ବୃଦ୍ଧି ପାଇଥିବା ବେଳେ ୨୦୨୧ ଜୁନ ସୁଦ୍ଧା ୪୯୪୯୪ଟି ମାମଲା ସାମ୍ନାକୁ ଆସିଛି । ସେହିପରି ଏସିଡ଼ ଆଟାକ୍‌ ଫଳରେ ୨୦୧୯ରେ ୩ ଜଣ, ୨୦୨୦୨ ରେ ୬ ଜଣ ଆଉ ୨୦୨୧ ଜୁନ ସୁଦ୍ଧା ୧ଟି କେସ ସାମ୍ନାକୁ ଆସିଥିବା ମନ୍ତ୍ରୀ ରଖିଥିବା ତଥ୍ୟରୁ ଜଣାପଡ଼ିଛି ।

   Related Posts