Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଧାରଣ ଜନତାଙ୍କ ପାଇଁ ବଢ଼ିଲା ଚିନ୍ତା : ପିଆଜ କିଲୋ ୧୦୦ ଟଙ୍କା !
  • ||
  • ରାସ୍ତା ଝାଡୁମାରି ପ୍ରଶଂସା ସାଉଁଟିଥିବା ଟ୍ରାଫିକ୍ କନେଷ୍ଟବଳ ଲଳିତ ମୋହନ ରାଉତ ସମ୍ମାନୀତ
  • ||
  • ଲେମ୍ବୁ ପାଣିରେ ସନ୍ଧବ ଲୁଣ ମିଶାଇ ସେବନ କଲେ ନିୟନ୍ତ୍ରଣ ହୋଇଥାଏ ଓଜନ
  • ||
  • ଆକର୍ଷଣୀୟ ଚାକିରୀ: ବିସ୍କୁଟ୍ ଚାଖିବାକୁ ମିଳିବ ୪୦ ଲକ୍ଷ ଟଙ୍କା ଦରମା
  • ||
  • ଭକ୍ତଙ୍କ ପାଇଁ ଖୁସି ଖବର, ପୁରୀ ଶ୍ରୀମନ୍ଦିରରେ ମିଳିବ ମହାପ୍ରସାଦ ମିଳିବ
  • ||
  • ପୂଜା ପାଇଁ କଟକ ସହରରେ ମୁତୟନ ହେବେ ୩୦ପ୍ଲାଟୁନ ପୋଲିସ ଫୋର୍ସ
  • ||
  • ସମ୍ବଲପୁର ପଡିଆବାହଲରେ ଟ୍ରକ୍ ଚାପାରେ ମା’ ଓ ଶିଶୁପୁତ୍ରର ମୃତ୍ୟୁ
  • ||
  • ଅପରାହ୍ନ ୪ଟାରେ ରାଜ୍ୟବାସୀଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବୋଧନ
  • ||
  • ସଞ୍ଜୁ ବାବାଙ୍କ ସ୍ୱାସ୍ଥ୍ୟକୁ ନେଇ ସାମ୍ନାକୁ ଆସିଲା ବଡ ଖବର
  • ||
  • ବ୍ରହ୍ମୋସ୍ ମିସାଇଲ୍ ପରୀକ୍ଷଣରେ ଭିଡିଓ ଜାରି କଲା ଭାରତୀୟ ନୌସେନା
  • ||

ରାଜ୍ୟ ସ୍ୱାସ୍ଥ୍ୟସେବାରେ ଗୁରୁତର ସଂକଟ ସୃଷ୍ଟି କରିଛି କରୋନା, ହୋଇପାରୁନି ରକ୍ତଦାନ ଶିବିର

11/04/2020 at 3:11 PM

ଭୁବନେଶ୍ୱର ୧୧।୪: କୋଭିଡ୍-୧୯ ମହାମାରୀ ସାରା ବିଶ୍ୱଲାଗି କେବଳ ସ୍ୱାସ୍ଥ୍ୟଗତ ବିପଦ ସୃଷ୍ଟି କରିଛି ତାହା ନୁହେଁ ରାଜ୍ୟର ସ୍ୱାସ୍ଥ୍ୟ ସେବାରେ ମଧ୍ୟ ଗୁରୁତର ସଙ୍କଟ ଭାବେ ଉଭା ହୋଇଛି। ଦେଶରେ କରୋନା ସଂକ୍ରମଣ ପରଠାରୁ ରକ୍ତଦାନ ଅଭିଯାନ ପ୍ରଭାବିତ ହୋଇଥିବା ବେଳେ ରାଜ୍ୟରେ ରକ୍ତ ସଂଗ୍ରହ ହାର ମଧ୍ୟ ଗୁରୁତର ହ୍ରାସ ହୋଇଛି।

ରାଜ୍ୟରେ ରକ୍ତ ଆବଶ୍ୟକତାର ଅନୁନ୍ୟ ୫୦ ପ୍ରତିଶତ ସ୍ୱେଛାକୃତ ରକ୍ତଦାନ ଅଭିଯାନରୁ ସଂଗ୍ରୁହିତ ହୋଇଥାଏ। ତେବେ କୋରନା ଯୋଗୁ ସାମାଜିକ ଦୂରତା ଅବଲମ୍ବନ କରାଯାଉଥିବାରୁ ଏଭଳି ରକ୍ତଦାନ ଶିବିର ଆୟୋଜନରେ ଏବେ ବାଧା ଉପୁଜିଛି। ଭୂତାଣୁ ସଂକ୍ରମଣ ଶୃଙ୍ଖଳ ଛିନ୍ନ କରିବା ଲାଗି ଲକଡାଉନ ଜାରି ହୋଇଥିବାରୁ ରକ୍ତ ସଂଗ୍ରହ ସମ୍ଭବ ହୋଇପାରୁନି।

ବିଶ୍ୱ ସ୍ୱାସ୍ଥ୍ୟ ସଙ୍ଗଠନ (ଡବ୍ଲୁଏଚଓ)ଙ୍କ ଅନୁସାରେ ରାଜ୍ୟ ଜନସଂଖ୍ୟାର ୧ ପ୍ରତିଶତ ଲୋକେ ପ୍ରତିବର୍ଷ ରକ୍ତଦାନ କରିବା ଉଚିତ। ରାଜ୍ୟର ମୋଟ ଜନସଂଖ୍ୟା ୪.୨କୋଟି ହୋଇଥିବା ବେଳେ ୪.୨ଲକ୍ଷ ୟୁନିଟ୍ ରକ୍ତ ସଂଗ୍ରୁହିତ ହେବା କଥା। ଏହି ସଂଗ୍ରୁହିତ ରକ୍ତ ବିଶେଷ କରି ଥାଲସେମିଆ, କର୍କଟ, ଡେଙ୍ଗୁ, ରକ୍ତ ହୀନତା ଓ ସଡକ ଦୁର୍ଘଟଣା ଜନିତ ଆହତ ଲୋକଙ୍କ ଆବଶ୍ୟକତା ପୂରଣରେ ସହାୟକ ହୋଇଥାଏ।

ରାଜ୍ୟରେ ସାଧାରଣତଃ ମାର୍ଚ୍ଚରୁ ଜୁନ ମାସ ପର୍ଯ୍ୟନ୍ତ ରକ୍ତ ସଂଗ୍ରହ ହାର ହ୍ରାସ ହୋଇଥାଏ। ରାଜ୍ୟରେ ଗ୍ରୀଷ୍ମ ପ୍ରବାହ ଯୋଗୁ ଏଭଳି ପରିସ୍ଥିତି ଉପୁଜୁଥିଲେ ହେଁ କାଁଭାଁ ଶିବିର ଆୟୋଜନ କରି ରକ୍ତ ଆବଶ୍ୟକତା ପୁରଣ କରାଯାଇଥାଏ। ହେଲେ ଚଳିତବର୍ଷ କଥା କିନ୍ତୁ ଭିନ୍ନ। କରୋନା ଭାଇରସ ସଂକ୍ରମଣ ଭୟରେ ସରକାର ସାମାଜିକ ଦୂରତା ଉପରେ ଗୁରୁତ୍ୱ ଦେଉଥିବାରୁ ରକ୍ତ ସଂଗ୍ରହ ହାର ହ୍ରାସ ହୋଇଛି। ଯାହା ରାଜ୍ୟ ସ୍ୱାସ୍ଥ୍ୟ ସେବା କ୍ଷେତ୍ରରେ ଗୁରୁତର ପରସ୍ଥିତି ସୃଷ୍ଟି କରିଛି।

ଏଥିରେ ରକ୍ତଦାନ ଶିବିର ଯଦି ଆୟୋଜନ ନ ହେବ ତେବେ ରକ୍ତ ସଂଗ୍ରହ କେଉଁଠାରୁ ହେବ ବୋଲି ପ୍ରଶ୍ନ କରିଛନ୍ତି ରାଜ୍ୟ ରକ୍ତଦାନ ପରିଷଦର ଜନୈକ ଅଧିକାରୀ। ରାଜ୍ୟରେ ରକ୍ତ ସଂଗ୍ରହ ଲାଗି ରକ୍ତଦାନ ଶିବିର ଏକମାତ୍ର ଉପାୟ। ମୋଟ ରକ୍ତ ଆବଶ୍ୟକତାର ୫୦ ପ୍ରତିଶତ କେବଳ ଏଭଳି ଶିବରମାନଙ୍କରୁ ସଂଗ୍ରୁହିତ ହୋଇଥାଏ। ତେବେ ଲକଡାଉନ୍‌ ଜାରି ରହିଲେ ଶିବିର କିପରି ଅନୁଷ୍ଠିତ ହେବ ବୋଲି ପ୍ରଶ୍ନ କରିଛନ୍ତି ଅଧିକାରୀ।

ତେବେ ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ନବକିଶୋକର ଦାସଙ୍କୁ ଏ ସମ୍ପର୍କରେ ପଚରା ଯିବାରେ ଏ ସମ୍ପର୍କରେ ବିଭାଗୀୟ ଅଧିକାରୀଙ୍କ ଦୃଷ୍ଟି ଆକର୍ଷଣ କରାଯାଇଥିବା କହିଛନ୍ତି। ଉପୁଜିଥିବା ପରିସ୍ଥିତିରେ ବ୍ଲଡ ବ୍ୟାଙ୍କମାନଙ୍କୁ କେବଳ ଗୁରୁତର ରୋଗୀଙ୍କୁ ରକ୍ତ ଯୋଗାଇ ଦେବାକୁ ନିର୍ଦ୍ଦେଶ ଦିଆଯାଇଥିବା ମନ୍ତ୍ରୀ କହିଛନ୍ତି। ରାଜ୍ୟର ରକ୍ତ ଆବଶ୍ୟକତା ପୂରଣ ଲାଗି ବିଜୁ ଜନତା ଦଳ (ବିଜେଡି) ପକ୍ଷରୁ ୨୦୧୫ ମସିହାରୁ ରାଜ୍ୟରେ ଜୀବନ ବିନ୍ଦୁ କାର୍ଯ୍ୟକ୍ରମ ଚଳାଯାଇଛି। ତେବେ ତାହା ମଧ୍ୟ ଏବେ କରୋନା ଲାଗି ବନ୍ଦ ହୋଇଯାଇଛି। ତେବେ ଆବଶ୍ୟକ ସ୍ୱଚ୍ଛତା ଏ ସାମାଜିକ ଦୂରତା ରଖି ଏବେ ରାଜ୍ୟରେ କାର୍ଯ୍ୟକ୍ରମ ପୁଣି ଆରମ୍ଭ ହେବ ବୋଲି ଜୀବନବିନ୍ଦୁ କାର୍ଯ୍ୟକ୍ରମର ସଂଯୋଜକ ବିଜୟ ନାୟକ କହିଛନ୍ତି।   

   Related Posts