Saturday, March 23, 2019

News7

Prameya News7, News7 Odia, Odisha Latest News, Odisha Current Headlines, Odisha News Online

କେନ୍ଦ୍ର ସରକାରଙ୍କର ‘ଉଜାଲା’ ଏଲ୍ଇଡିକୁ କାଉଣ୍ଟର କରିବ ରାଜ୍ୟ ସରକାରଙ୍କର “ଆମ ଘରେ ଏଲଇଡି” ଆରମ୍ବ ହେଲା ରାଜନୀତି

ଭୁବନେଶ୍ୱର ୧୧/୧ : ହିତାଧିକାରୀଙ୍କ ଘର ଆଲୋକିତ କରିବ କିଏ ? କେନ୍ଦ୍ର ନା ରାଜ୍ୟ । କେନ୍ଦ୍ରର ଉଜାଲା ଯୋଜନା ପରେ ଏବେ ରାଜ୍ୟ ସରକାର ଆଣିଛନ୍ତି ଆମ ଘରେ ଏଲଇଡି । …

କେନ୍ଦ୍ର ଲାଇଟ୍ ନା ରାଜ୍ୟର ଲାଇଟ୍ ? ଏଣିକି କେନ୍ଦ୍ର ସରକାରଙ୍କର ‘ଉଜାଲା’ ଏଲ୍‌ଇଡିକୁ କାଉଣ୍ଟର କରିବ ରାଜ୍ୟ ସରକାରଙ୍କର “ଆମ ଘରେ ଏଲଇଡି” । ଆଜି ସଚିବାଳୟରେ ଭିଡିଓ କନଫରେନସିଂରେ ଏହି ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ । ଯୋଜନାରେ କେନ୍ଦ୍ର ଓ ରାଜ୍ୟ ଖାଦ୍ୟ ସୁରକ୍ଷା ଯୋଜନାର ସମସ୍ତ ହିତାଧିକାରୀଙ୍କୁ ମିଳିବ ମାଗଣାରେ ଏଲଇଡି ବଲ୍‌ବ।ଆଉ ଏହି ଏଲ୍ଇଡି ବଲ୍‌ବ ମିଳିବ ପିଠା ଶିବରରେ ।ପରିବାର ପିଛା ମିଳିବ ୯ ୱାଟର ୪ଟି ଏଲଇଡି ବଲ୍‌ବ ।ଏଥିପାଇଁ ରାଜ୍ୟ ସରକାର ୩ କୋଟି ୮୦ ଲକ୍ଷ ଏଲଇଡି ବଲବ କିଣୁଛନ୍ତି୯୫ ଲକ୍ଷ ପରିବାର ଏହାଦ୍ବାରା ଉପକୃତ ହେବେ ବୋଲି କହିଛନ୍ତି ଶକ୍ତି ସଚିବ ।…

ସେପଟେ ନିର୍ବାଚନ ପୂର୍ବରୁ ରାଜ୍ୟ ସରକାରଙ୍କ ଏଲଇଡି ଯୋଜନାକୁ ନେଇ ଚିହିଁକି ଉଠିଛନ୍ତି ବିରୋଧୀ । ପୂର୍ବରୁ କେନ୍ଦ୍ର ସରକାର ଉଜାଲା ଯୋଜନାରେ ଶସ୍ତାରେ ସବୁ ପରିବାରକୁ ଏଲଇଡି ଯୋଗାଉଥିବା ବେଳେ ରାଜ୍ୟ ସରକାର ତାହାର ଅନୁକରଣ କରିଛନ୍ତି ବୋଲି ବିଜେପି କହିଛି । ଯାହାର ଜବାବ ରଖିଛି ବିଜେଡି । ସେପଟେ ଭୋଟର କିନ୍ତୁ ଦୁଇ ଦୁଇଟି ଯୋଜନାରେ ଏଲଇଡି ପାଇ ଖୁସ୍ ।…

ପୂର୍ବରୁ ଖାଦ୍ୟ ସୁରକ୍ଷା, ସ୍ବାସ୍ଥ୍ୟବୀମା ଯୋଜନା, ସାନିଟାରୀ ନାପକିନ୍ ବଣ୍ଟନ ନେଇ ବିଜେଡି- ବିଜେପି ମୁହାଁମୁହିଁ ହୋଇଥିବା ବେଳେ ଏବେ ରାଜନୀତିର ସେଣ୍ଟରକୁ ଆସିଛି ଏଲ୍‌ଇଡି ।ଭୋଟ୍ ପୂର୍ବରୁ ଜନତାଙ୍କ ଘର ଆଲୋକିତ କରିବାକୁ କେନ୍ଦ୍ର-ରାଜ୍ୟ ଅଣ୍ଟା ଭିଡ଼ିଥିବା ବେଳେ ଦେଖିବାକୁ ବାକି ରହିଲା ନିର୍ବାଚନରେ କାହା ଘରକୁ ଆଲୋକିତ କରୁଛନ୍ତି ଭୋଟର୍ ।

275 Views

   ସମ୍ବନ୍ଧିତ ଖବର