Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୪କୁ ବୃଦ୍ଧି
  • ||
  • ରାଜ୍ୟରେ ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୪୮୯ କୋଭିଡ୍ ପଜିଟିଭ୍, ୧୧୪୪୪୦୧ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୫୮ ହଜାରରୁ ଅଧିକ କରୋନା ପଜିଟିଭ୍, ୩୮୫ ମୃତ
  • ||
  • ଖୋଲିଲା ଶିମିଳିପାଳ, ପର୍ଯ୍ୟଟକଙ୍କ ପାଇଁ ଖୁସି ଖବର
  • ||
  • ଆଉ ନାହାଁନ୍ତି ପଦ୍ମଶ୍ରୀ ଶାନ୍ତିଦେବୀ, ୮୮ ବର୍ଷ ବୟସରେ ପରଲୋକ
  • ||
  • କଥକ ସମ୍ରାଟ ବିରଜୁ ମହାରାଜଙ୍କ ପରଲୋକ, ୮୩ ବର୍ଷ ବୟସରେ ଦେହାନ୍ତ
  • ||
  • ତ୍ରିସ୍ତରୀୟ ପଞ୍ଚାୟତ ନିର୍ବାଚନ : ସୋମବାରଠୁ ଦାଖଲ ହେବ ପ୍ରାର୍ଥୀପତ୍ର, କରୋନା କଟକଣାରେ ସରିବ ପୁରା ପ୍ରକ୍ରିୟା
  • ||
  • ଆହତ ହାତୀର ଚିକିତ୍ସା କଲା ବନ ବିଭାଗ, ବାରହା ଫାଶରେ ପଡି ଗୋଡରେ ହୋଇଥିଲା କ୍ଷତ
  • ||
  • ଖସିବ ପାରଦ ବଢିବ ଶୀତ, ୧୯ ଯାଏଁ ବିଭିନ୍ନ ଜିଲ୍ଲାରେ ଘନ କୁହୁଡି
  • ||

ହାଇକୋର୍ଟଙ୍କ ନିର୍ଦ୍ଦେଶରେ ଭୁବନେଶ୍ବର ରାମ ମନ୍ଦିରର ପରିଚାଳନା ଦାୟିତ୍ବ ନେଲେ ରାଜ୍ୟ ସରକାର

13/09/2019 at 8:23 PM

ଭୁବନେଶ୍ବର୧୩|୯: ଶେଷରେ ଭୁବନେଶ୍ବର ରାମ ମନ୍ଦିର ପରିଚାଳନା ଦାୟିତ୍ବ ଭାର ଗ୍ରହଣ କଲେ ରାଜ୍ୟ ସରକାର । ୧୯୭୯ ମସିହାରେ ପ୍ରତିଷ୍ଠା ହୋଇଥିବା ଏହି ରାମ ମନ୍ଦିରର ପରିଚାଳନା ଦାୟିତ୍ବ ଟ୍ରଷ୍ଟି ହାତରେ ଥିଲା । ଏବେ ରାମ ମନ୍ଦିରର ଆୟ ବ୍ୟୟ କଥା ରାଜ୍ୟ ସରକାର ବୁଝିବେ ।

ରାମ ମନ୍ଦିର ପରିଚାଳନା ଦାୟିତ୍ବ ଉପରେ ହାଇକୋର୍ଟଙ୍କ ଥିଲା କଡା ନିର୍ଦେଶ । ଜଷ୍ଟିସ ପ୍ରମଥ ପଟ୍ଟନାୟକ ଓ ଜଷ୍ଟିସ କୁମାରୀ ସଂଜୁ ପଣ୍ଡାଙ୍କୁ ନେଇ ଦୁଇଜଣିଆ ଖଣ୍ଡ ପୀଠ ଏହି ମାମଲାର କରିଥିଲେ ଶୁଣାଣୀ । ରାମ ମନ୍ଦିର ଟ୍ରଷ୍ଟି ଭାଙ୍ଗି ତୁରନ୍ତ ଏହି ମନ୍ଦିର ଦାୟତ୍ବ ରାଜ୍ୟ ସରକାର ବହନ କରିବାକୁ ହାଇକୋର୍ଟଙ୍କର ଥିଲା ନିର୍ଦେଶ । ଆଉ ସେହି ନିର୍ଦେଶକୁ ଭିତିକରି ଶୁକ୍ରବାର ରାଜ୍ୟସରକାର ଟ୍ରଷ୍ଟିଙ୍କ ହାତରୁ ନିଜ ଅଧିନକୁ ରାମନ୍ଦିରର ସମସ୍ତ ପରିଚାଳନା ଦାୟିତ୍ବ ଆଣିଛନ୍ତି ।

୧୯୭୯ ମସିହାରେ ପ୍ରତିଷ୍ଠା ହୋଇଥିବା ରାମମନ୍ଦିର ଟ୍ରଷ୍ଟି  ଭାବେ ୭ଜଣିଆ କମିଟି ସେତେବେଳେ ଗଠନ କରାଯାଇଥିଲା । କିନ୍ତୁ ୨୦୦୮ ରେ ଏହି ଟ୍ରଷ୍ଟ ବିରୋଧରେ ଦେବାଶିଷ ଧଳ ନାମକ ବ୍ୟକ୍ତି ହାଇକୋର୍ଟରେ ମାମଲା ରୁଜୁ କରିଥିଲେ । ମାସକୁ ୩୦ଲକ୍ଷ ଟଙ୍କା ଆୟ କରୁଥିବା ଏହି ମନ୍ଦିରର ଆୟ ବ୍ୟୟ ନେଇ ଟ୍ରଷ୍ଟିଙ୍କ ପକ୍ଷରୁ କୌଣସି ଲୋକାଲ ଅଡିଟ କରାଯାଉନଥିଲା । ଫଳରେ ଆୟ ବ୍ୟୟର ହିସାବ ନଥାଇ ମନ୍ଦିରର ଟଙ୍କା ହଡପ ହେଉଥିବା ହାଇକୋର୍ଟରେ ଅଭିଯୋଗ ହୋଇଥିଲା ।

ଅନ୍ୟପଟେ ଟ୍ରଷ୍ଟ ପକ୍ଷରୁ ରାଜ୍ୟ ସରକାର ମନ୍ଦିରକୁ ନିଜ ଅକ୍ତିଆାରକୁ ନେବା ଘଟଣା ଉପରେ କୌଣସି ମତ ରଖିବାକୁ ମନା କରିଛନ୍ତି । ରାଜ୍ୟ ସରକାରଙ୍କ ଦେବୋତ୍ତର ବିଭାଗର ବରିଷ୍ଠ ଓଆରଏସ  ଅଧିକାରୀ ଦାୟିତ୍ବ ଗ୍ରହଣ କରିବା ପରେ ମନ୍ଦିରର ହୁଣ୍ଡି ଓ ଚତୁଃପାର୍ଶରେ ଥିବା ଦୋକାନ ଘର ଓ ମଣ୍ଡପର ସମସ୍ତ ଆୟ ବ୍ୟୟ ହିସାବକୁ ନିଜ ଅକ୍ତିଆରକୁ ନେଇଛନ୍ତି । ଶୁକ୍ରବାର ଠାରୁ ମନ୍ଦିର ସଂଲଗ୍ନ ମଣ୍ଡପ କୌଣସି ବ୍ୟକ୍ତି  ବ୍ୟବହାର କରିବା ପାଇଁ ଭଡାରେ ନେବାକୁ ହେଲେ ଏଥର ଦେବୋତ୍ତର ବିଭାଗର ଅନୁମତି ନେବାକୁ ପଡିବ । ଅନ୍ୟାନ୍ୟ ମନ୍ଦିର ଭଳି ରାମମନ୍ଦିରରେ ମଧ୍ୟ ଦେବୋତ୍ତର ବିଭାଗର ଆଇନ ଲାଗୁ କରାଯିବ ।

ତେବେ ପୁର୍ବ ଦିନମାନଙ୍କରେ ଏହି ମନ୍ଦିରର ବାର୍ଷିକ ଆ​‌ୟ କେତେ ହେଉଥିଲା ସେହି ଅନୁପାତରେ ଖର୍ଚ ମଧ୍ୟ କେତେହେଉଥିଲା ତାହାର ସଂପୁର୍ଣ ଯାଂଚ କରିବ ଦେବୋତ୍ତର ବିଭାଗ । ଏଥିରେ ଯଦି କେହି ଖିଲାପାକାରି ବାହାରନ୍ତି ତେବେ ତାଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି ।

   Related Posts