Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟିକା ବଣ୍ଟନ ପାଇଁ ୨୧ ଜଣିଆ ପରିଚାଳନା କମିଟି ଗଠନ, ସ୍ଵାସ୍ଥ୍ୟ ବିଭାଗର ନିର୍ଦ୍ଦେଶକ ହେଲେ ଅଧ୍ୟକ୍ଷ
  • ||
  • ୯୦ ପ୍ରତିଶତ ନଷ୍ଟ ହୋଇ ସାରିଥିଲା କରୋନା ସଂକ୍ରମିତ ବ୍ୟକ୍ତିଙ୍କ ଫୁସ୍‌ଫୁସ୍, ଇକମୋ ପଦ୍ଧତିରେ ସୁସ୍ଥ କଲେ ସମ୍ ଡାକ୍ତର
  • ||
  • ଦ୍ଵିତୀୟ ଲହର ସଂକ୍ରମଣର ଆଶଙ୍କା ନାହିଁ, ସୁସ୍ଥ ହୋଇ ଘରକୁ ଫେରିଲେ ୬୦୫ ଆକ୍ରାନ୍ତ
  • ||
  • ଡିସେମ୍ବର ୮ରେ କୃଷକଙ୍କ ଭାରତ ବନ୍ଦ ଡାକରା, ରାଜ୍ୟ କଂଗ୍ରେସର ସମର୍ଥନ ଘୋଷଣା
  • ||
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||

ରାଜ୍ୟରେ ବନ୍ୟା ସ୍ଥିତିର ଅପ୍‌ଡେଟ୍ : ଜାଣନ୍ତୁ କେଉଁଠି କ’ଣ ପରିସ୍ଥିତି, ରାଜସ୍ବମନ୍ତ୍ରୀ ବଲାଙ୍ଗୀରରେ କ’ଣ କଲେ ସମୀକ୍ଷା…

16/08/2019 at 10:51 PM

ଭୁବନେଶ୍ବର ୧୬|୮: କେଉଁଠି ଗାଁ ଦାଣ୍ଡରେ ପାଣି ଚାଲିଛି, ତ କେଉଁଠି ଚାଷ ଜମି ଜଳମଗ୍ନ । କେଉଁଠି ରାସ୍ତା ଧୋଇଯାଇଥିବାରୁ ଗମନାଗମନ ବାଧାପ୍ରାପ୍ତ ହୋଇଛି । ଅନେକ ସ୍ଥାନରେ ଲୋକେ ଦୁର୍ଦଶା ଭୋଗୁଛନ୍ତି । ମହାନଦୀ ବନ୍ୟାରେ ତିନି ଦିନ ହେଲା କଟକ ବାଙ୍କି ଅଞ୍ଚଳ ଭାସୁଛି । କଇଁଆ ନାଳ, ବାଙ୍କୀ ଡାକବଙ୍ଗଳା ନିକଟରେ ଜଳସ୍ତର ବିପଦ ସଙ୍କେତ ପାଖାପାଖି ରହିଛି । ଅନେକ ସ୍ଥାନରେ ଲୋକେ ପାଓ୍ବାର ବୋଟ୍ ରେ ଯାତାୟତ କରୁଛନ୍ତି । ପ୍ରାୟ ୩୦ ଟି ପାଞ୍ଚାୟତର ଲୋକେ ବିପନ୍ନ ହୋଇଛନ୍ତି।  ଅନେକ ସ୍ଥୁଲ ପାଣିରେ ବୁଡି ଥିବାରୁ ପାଠପଢା ବନ୍ଦ ରହିଛି ।

ବଡମ୍ବାରେ ମଧ୍ୟ ସମାନ ଅବସ୍ଥା । ଅନେକ ଅଞ୍ଚଳ ଏବେ ବି ଜଳ ମଗ୍ନ ରହିଛି । ବିଲ ବାଡିରେ ଲହଡି ମାରୁଛି ପାଣି । ମନ୍ଦିରରେ ପାଣି ଜମି ରହିଥିବାରୁ ପାହାଡ ଉପରେ ପୂଜା ପାଉଛନ୍ତି ଭଟ୍ଟାରିକା ।  ସେହିପରି ଅନୁଗୁଳର ଟିକରପଡାର କିଛି ଗାଁରେ ପଶିଛି ପାଣି । ହଜାରେରୁ  ଅଧିକ ପରିବାର ପାଣି ଘେର ରହିଛନ୍ତି । ହଠାତ ପାଣି ଆସିବା ଯୋଗୁଁ ଗାଁ ଲୋକ ମୁଣ୍ଡିଆ ଉପରକୁ ଚାଲି ଯାଇଥିଲେ। ଓଡ୍ରାଫ ଟିମ ଦୁର୍ଗମ ଅଞ୍ଚଳରେ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଛି ।

ଖୋର୍ଧା ଜିଲ୍ଲା ଓରବରସିଂହ ଓ ନରଗଡ଼ ପଞ୍ଚାୟତର ରାଜୁଆ ନଦୀରେ ବନ୍ୟା ଆସି ୮ ଟି ଗାଁକୁ ଜଳମଗ୍ନ କରିଦେଇଛି ।  କିଛି ଗାଁ ବାହ୍ୟ ଜଗତରୁ ବିଛିନ୍ନ ହୋଇଯାଇଛି । ବାଲିପାଟଣାର ଅନେକ ଗାଁ ମଧ୍ୟ ବନ୍ୟାରେ ପ୍ରଭାବିତ ହୋଇଛି । ଭାର୍ଗବୀ ଜଳସ୍ତର ବଢିବାରୁ ୧୦ ଟି ଗାଁରେ ପାଣି ପାଶିଛି । ଶହଶହ ଏକର ଧାନ ଜମିରେ ପାଣି ମାଡିଯାଇଛି । ରାଜସ-ବାଲିପାଟଣା ଯୋଗାଯୋଗ ବିଛିନ୍ନ ହୋଇଛି ।  ଧନୁଆ ବନ୍ୟାଜଳରେ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଭାସି ଆସିଛି ।ପୁରୀ ଜିଲ୍ଳାର ବ୍ରହ୍କଗିରି, କଣାସରେ ମଧ୍ୟ ବନ୍ୟାକୁ ନେଇ ଲୋକ ଛାନିଆ । ଭାର୍ଗବୀ ରେ ଘାଇ ଆଶଙ୍କାରେ ନଦୀରେ ବାଲିବସ୍ତା ପକାଇଛି ପ୍ରଶାସନ । ଜଗତସିଂହପୁର ଓ କେନ୍ଦ୍ରାପଡାର କିଛି ଗାଁରେ ମଧ୍ୟ ପାଣି ପଶିଛି ।

ବଲାଙ୍ଗିର ଓ ସୁବର୍ଣପୁରରେ ସ୍ଥିତିରେ ସୁଧାର ଆସିଛି । ବନ୍ୟା ଛାଡିଯାଇଥିଲେ ବିପତ୍ତି କମିନି । ଆଜି ରାଜସ୍ବ ମନ୍ତ୍ରୀ ସୁଦାମ ମାରାଣ୍ଡି ବଲାଙ୍ଗୀର ଯାଇ ବନ୍ୟା ସ୍ଥିତିର ସମୀକ୍ଷା କରିଛନ୍ତି । ବନ୍ୟାଞ୍ଚଳ ବୁଲିବା ସହ ଜିଲ୍ଲାର ବରିଷ୍ଠ ପଦାଧିକାରୀ ଓ ଲୋକ ପ୍ରତିନିଧିଙ୍କ ସହ ବୈଠକ କରିଛନ୍ତି । ଜଳସଂପଦ ସଚିବ ଏବଂ ଯୁଗ୍ମ ଏସ୍‌ଆରସି କହିଛନ୍ତି ରାଜ୍ୟରେ ବଡ ବନ୍ୟା ଆଶଙ୍କା ନାହିଁ । ଉପରମୁଣ୍ଡରୁ ଜଳ ପ୍ରବାହ କମିବାରୁ ହୀରାକୁଦର ୧୦ ଟି ଗେଟ୍ ବନ୍ଦ କରାଯାଇଛି । ଏବେ ୧୦ ଟି ଗେଟ୍ ଦେଇ ନିଷ୍କାସିତ ହେଉଛି ପାଣି ।  ଦରକାର ପଡିଲେ ଆହୁରି ଗେଟ୍ ବନ୍ଦ ହୋଇପାରେ ।  

   Related Posts