ଭାରତୀୟ ଷ୍ଟେଟବ୍ୟାଙ୍କ ନଭେମ୍ବର ମାସରେ ଏଟିଏମରୁ ପଇସା ଉଠାଇବା ନେଇ ଲଗାଇଥିଲା କଟକଣା । ଏହି କଟକଣାକୁ ଦେଖି ଅନ୍ୟ ବ୍ୟାଙ୍କମାନେ ମଧ୍ୟ ସମାନ ନିୟମ ପ୍ରଣୟନ କରିଥିଲେ । କୌଣସି ଗ୍ରାହକ ନିର୍ଦ୍ଦିଷ୍ଟ ପରିମାଣରୁ ଅଧିକ ଟଂକା ଉଠାଇପାରିବେ ନାହିଁ ବୋଲି କଟକଣା କରିଥିଲେ । ଏହି କଟକଣାରୁ ପ୍ରାଇଭେଟ ବ୍ୟାଙ୍କମାନେ ମଧ୍ୟ ବାଦ୍ ପଡ଼ି ନଥିଲେ ।
ଆରବିଆଇ ଓ ବ୍ୟାଙ୍କିଙ୍ଗ୍ ପ୍ରବନ୍ଧକଙ୍କ ଅନୁସାରେ ଏହି ନିୟମ ବ୍ୟାଙ୍କମାନେ ପ୍ରଣୟନ କରିଥିଲେ । ଯାହା ଏହିମାସ ୧୫ ତାରିଖରୁ ଆରମ୍ଭ ହୋଇଯାଇଛି ।
କିନ୍ତୁ ଏବେ ଭାରତୀୟ ଷ୍ଟେଟବ୍ୟାଙ୍କ ଆଉ ଗୋଟେ ବଡ଼ ପଦକ୍ଷେପ ନେବାକୁ ଯାଉଛି । ଗ୍ରାହକମାନଙ୍କ ଟଂକା ଉଠାଣ ତଥା ନିଜ ଆକାଉଣ୍ଟର ସୁରକ୍ଷା ବ୍ୟବସ୍ଥାନେଇ ଏଟିଏମ୍ କାର୍ଡ଼ ଉପରେ କଟକଣା ଲଗାଇବାକୁ ସ୍ଥିର କରିଛି । ଏବେ ଆପଣ ଚିପ୍ ନଥିବା ଏଟିଏମ ବ୍ୟବହାର କରିପାରିବେ ନାହିଁ । ଆଗରୁ ବ୍ୟବହାର କରୁଥିବା ଏଟିଏମକୁ ବ୍ୟାଙ୍କ କାଏମ୍ ରଖିବ ନାହିଁ । ଏହି ଏଟିଏମ ସବୁ ରଦ୍ଦ ହୋଇଯିବ ଓ ଚିପ୍ ଥିବା ନୂଆ ଏଟିଏମ ଯୋଗାଇଦେବ ବ୍ୟାଙ୍କ ।
ଏହି ପ୍ରକ୍ରିୟା କେବଳ ଷ୍ଟେଟବ୍ୟାଙ୍କ ନୁହେଁ, ସବୁ ବ୍ୟାଙ୍କ ମଧ୍ୟ ଏହି କଟକଣା ଲାଗୁ କରିବେ ।
ଅବଶ୍ୟ ଗ୍ରାହକମାନଙ୍କ ସୁବିଧା ପାଇଁ ବିଭିନ୍ନ ସୁବିଧା କରିବାକୁ ଯାଉଛି ବ୍ୟାଙ୍କ ।
ପଇସା ଉଠାଇବାକୁ ବ୍ୟାଙ୍କର ସାହାର୍ଯ୍ୟ ନେବାକୁ ପଡ଼ିବ । ଏଟିଏମରେ କାମଚଳାଭାବେ ପଇସା ଉଠାଇ ପାରିବେ, ତା ମାନେ ନୁହେଁ ନିଜ ମନଇଚ୍ଚାରେ ଯେତେ ଚାହିଁବେ ସେତେ ପରିମାଣରେ ଟଂକା ଉଠାଣ କରିବେ ।
ସବୁ ବ୍ୟାଙ୍କ ଏବେ ଅଧିକ ପରିମାଣରେ ରିସାଇକ୍ଲର ମେସିନ ଲଗେଇବାକୁ ପ୍ରୟାସ କରୁଛନ୍ତି, ଯାହା ଦ୍ଵାରା ଟଂକା ଉଠାଇବା ସହ ଜମା ବି କରିପାରିବେ ।
କେବଳ ରାଷ୍ଟ୍ରାୟତ୍ତ ବ୍ୟାଙ୍କ ନୁହେଁ, ପ୍ରାଇଭେଟ ବ୍ୟାଙ୍କ ମଧ୍ୟ ଏହି ପ୍ରକାର ବ୍ୟବସ୍ଥା କରିବାକୁ ଯାଉଛନ୍ତି ।